Hebreos 4:3 - Bible in Tzeltal de Oxchuc y Tenejapa

³ Yan te jayebotic te jch'uunejtiquixe, ya x'ochotic tey a ta banti ay te cux-o'tane. Jich te bit'il yalojix stuquel te Diose: “Ja' swentail te ilinon ta stojolique, jich la calbey ta jamal te jc'axel ma xju' ya x'ochic tey a ta banti ay te cux-o'tan cu'une”, te xie. Ja'uc me to, te Diose ju' yu'un yat'el te c'alal la spas te balumilale.

Nuevo Testamento Tzeltal de Amatenango

³ Pero te joꞌotike, te jchꞌuunejtikixe, ya xꞌochotik bael te ba luwar yuꞌun kuxo-oꞌtan te yaloj jilel skꞌoplal te Diose, te la yale: “Jaꞌ yuꞌun, ilinon yuꞌunik. Jich a kal te makꞌ xꞌochik bael te ba luwar yuꞌun kuxo-oꞌtan kuꞌune”, xchi me. Pero te Diose juꞌemix te yaꞌtele jaꞌ to te kꞌalal la spas te balmilale.

Bible in Tzeltal Bachajón

³ Yan te jayebotic te jch'uhunejtiquix ya xhu' ya x'ochotic ta banti ay te cux-o'tanil, hich te bin ut'il yaloj te Diose: Ha yu'un la jcal ta jamal ta scuenta quilimba: Mayuc bin ora ya x'ochic ta banti ay te cux-o'tanil cu'une, xchi, aunque hu'emix ya'tel c'alal to ta shahchibal te bahlumilale,

Hebreos 4:3 Referans Kwoze

Salmos 95:11

Ja' swentail te la cal ta jamal ta sc'ajc'al co'tan, te jc'axel ma me x'ochic ta bay awilal cu'un ta swenta cux-o'tan”, xoon yu'unic.

1 Pedro 1:20

Chapalix yu'un Dios a te c'alal ma to pasbiluc a te ch'ulchan balumilale. Ja'uc me to, slajibal to ora chicnaj tel, swenta yu'un jich me ya awich'ic coltayel yu'un ta apisilic.

Hebreos 9:26

Te jichuque bayal buelta la yac'ulayix sba ta lajel ta xjajch'ibal to tel balumilal te jichuque. Ja'uc me to, te bit'il slajibalix c'aale, jun nax buelta xtaluc te la yac' sba ta lajel ta xch'ayel jmultic te Cristoe.

Efesios 1:4

Namey tsabilotic yu'un Dios ta swenta Cristo te c'alal ma to chicanuc a te balumilale, swenta yu'un ya xch'ultesotic soc ma'yuc bila ts'ilajemotic yu'un a te ya jtejc'an jbatic ta stojole.

Génesis 1:31

Dios la yil te jelawen yutsil ta spisil te bitic pasbil yu'une. Te yijc'ubel q'uinal soc te sacubel q'uinale, ja' swaquebal c'aal abi.

Hebreos 3:11

Ja' swentail te ilinon ta stojolique, te jc'axel ma xju' ya x'ochic tey a ta banti ay te cux-o'tan cu'une”, xi' te Ch'ul Espiritue.

San Mateo 13:35

Te bit'il jich c'opoj te Jesuse, ja' c'ot ta pasel te bila yaloj te namey q'uinal j'alwanej yu'un te Diose te jich la yale: “Ya me jam que ta yalel seña-c'op. Ya me cal te bila ma ba ac'ot ta na'el stojol ta xjajch'ibal to tel te balumilale”, te xie.

Isaías 28:12

Ja' stuquel te la yalbey yaiyic ta neelale: —Tey ay te lamal q'uinale, tey ay te cux-o'tanile; ac'a xcux yo'tan yu'un te jasjonele —xi'. Pero ma la sc'an yich'ic ta muc'.

Éxodo 20:11

Melel te Ajwalilone, waqueb nax c'aal la jpas te ch'ulchan balumilal, te mar soc spisil te bitic aye. Ta sjuquebal c'aal la jcux co'tan, la cac'bey bendición, soc ch'ultesbil c'ot cu'un.

Hebreos 3:14

Melel teme ayotiquix ta swenta te Cristoe, jich bit'il jun awo'tanic te jajch' ach'uunic ta xjajch'ibale, jich nix ya sc'an, ja' to c'alal ta slajibal te c'aale.

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Ezequiel 20:38

Parte me ya caq'uex, ma ba ya cac'beyex ajoinic te mach'atic tulan yo'tanic soc te jach-c'opetique. Ya me jloq'uesex tel ta yan lum te banti ayex ta ora in to, pero ja'ic stuquelic ma me ba ya x'ochic bael ta sq'uinal Israel. Jich me ya ana'ic te jo'on Ajwalilon’, xi' te Cajwaltic”, uta me.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.