Hebreos 4:1 - Bible in Tzeltal de Oxchuc y Tenejapa

¹ Jich yu'un ya sc'an ya jtsajtay jbajtic ta jpisiltic, melel ay to ta jwentatic te bila yaloj Dios te ya xju' ya x'ochotic ta bay te cux-o'tan yu'un te Diose. Ja' wocol teme ay ma x'ochex tey a te ja'exe.

Nuevo Testamento Tzeltal de Amatenango

¹ Jaꞌ yuꞌun, kuidado me ya skꞌan xꞌanotik te tutꞌil ay to ta jkuentatik te sjapoj Dios te ya xjuꞌ xꞌochotik te ba luwar te kuxo-oꞌtane. Jaꞌ me ma lek teme ay jtuluk te jaꞌex te ma xkꞌo ataike.

Bible in Tzeltal Bachajón

¹ Ha yu'un, te bin ut'il cuxul to te bin yaloj ta jamal, te ya xhu' ya x'ochotic te banti ay te cux-o'tanil yu'une, ac'a jtsahtay jbahtic te ma me ayuc mach'a ma ba ya sta sc'ohel.

Hebreos 4:1 Referans Kwoze

Hebreos 12:15

Tsajtaya me abaic, ma me ayuc jtuluquex te ma ba ya ataic te yutsil yo'tan te Diose. Ma me ayuc jtuluquex te ay bila ma lecuc ay ta awo'tanique. Melel teme muc'ube, ay me awocolic yu'un, soc jich me ay tsobol ya xbolob yo'tanic yu'un.

Hebreos 4:11

Jich yu'un ya sc'an ya cac'tic puersa te ya x'ochotic tey a ta bay te cux-o'tane. Ma me jc'ainbeytic jtuluc te bila la spasic te mach'atic ma la xch'uunbeyic smandal te Diose.

Hebreos 4:9

Jich yu'un ay to xan jun sc'aalelal cux-o'tan ya staic te lum yu'une te pajal soc te bit'il la yich' lewa ta sjuquebal c'aal stuquel te Diose.

Proverbios 28:14

Bin nax me yutsil te ants-winic te spisil ora ya yich' ta muc' te Cajwaltique; yan te mach'a tulan yo'tane, ya sta falta stuquel.

Hebreos 13:7

Juluc me ta awo'tanic te mach'atic ya x'at'ejic ta atojolique, te la xcholbeyex awaiyic te sc'op Diose. Na'aic me te bila lec ju' yu'unic spasele, soc nopbeya yo'tanic te bit'il la yac' xch'uunjel yo'tanique.

2 Timoteo 2:13

Teme ma junuc co'tantique, ja'uc me to, jun yo'tan ta jtojoltic stuquel. Melel jamal ya yal sba stuquel te Diose”, te xie.

1 Corintios 10:12

Jich yu'un te mach'a ya scuy te lec ayix ta sc'ope, ac'a me stsajtay sba te ma xyale.

Romanos 11:20

Melel nix a te la yich'ic loq'uesele, ta scaj te ma la yac' xch'uunjel yo'tanique. Yan te ja'exe, la awich'iquix ts'aquel tey a ta swenta nax xch'uunjel awo'tanic. Ma me xatoy abaic. Xiwanic me yu'un.

Romanos 3:23

te melel sleoj smulic ta spisilic. Loq'uemic tey a ta bay yutsilal te Diose.

Jeremías 32:40

Ya me jpas trato soc ta sbajt'el q'uinal: Ya me cal ta jamal te ma'yuc bi ora ya xquejch'aj ta pasel cu'un ta stojolic te bila leque, soc ya jnojesbey ta yo'tanic ta yich'belonic ta muc', soc te ma'yuc bi ora q'uejel ya yac' bael yo'tanic.

Números 14:34

Ja'ex cha'winic (40) c'aal jalajex ta stsajtayel te q'uinale, jich nix me ya awich'ic castigo cha'winic (40) ja'wil, jujun ja'wil me ya xc'ot te jujun c'aale. Jich me ay ta na'el a te ma lecuc te mach'a ya scontroinone”, uta me.

Hebreos 12:25

Jich yu'un tsajtaya me abaic, ma me xap'ajic te mach'a yac ta c'ope. Melel teme ma ba colic te mach'atic la sp'ajic te c'alal c'oponotic ta tulan yu'un Dios li'to ta balumilale, ¿bit'il c'an colucotic jo'otic teme ya jp'ajtic ta comel yu'un te Mach'a yac ta c'op ta jtojoltic c'alal to ta ch'ulchane?

Hebreos 3:11

Ja' swentail te ilinon ta stojolique, te jc'axel ma xju' ya x'ochic tey a ta banti ay te cux-o'tan cu'une”, xi' te Ch'ul Espiritue.

Proverbios 14:16

Te mach'a ay sp'ijile, ya xi' te bila ma lecuque, ya sq'uej sba loq'uel ta stojol; yan te mach'a ma sna' q'uinale, ma'yuc bila ay sc'oplal ta yo'tan.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

San Mateo 24:48

“Yan teme amen yo'tan te abate, jich ya xcaj yal ta yo'tan te ma xtal ta ora te yajwale.

Hechos 3:19

Jich yu'un sujt'esa awo'tanic ta stojol te Diose, soc ch'uunaic. Jich me ya stup'beyex te amulique. Jich me ya sta yorail te ya yac'beyex xan yip awo'tanic te Diose

2 Corintios 6:1

Jich yu'un te bit'il joy jbatic ta at'el soc te Diose, ya me jtac'uyex te ma me tojoluc ya xc'ot awu'unic te la yaq'uix ta ilel yutsil yo'tan ta atojolic te Diose.

Gálatas 5:4

Ma'yuquex ta stojol Cristo, teme ya awalic te ja' toj ya xc'oex ta swenta xch'uunel te mandalile. Jich ch'ayix sc'oplal awu'unic te bit'il ay yutsil yo'tan awu'unic te Diose.