Hageo 1:4 - Bible in Tzeltal de Oxchuc y Tenejapa

⁴ ¿Ja'ex nax bal c'otix yorail te ya xju' ya xnainexix ta buen t'ujbil naetique, manchuc me ja' jinem to stuquel te templo cu'une?

Bible in Tzeltal Bachajón

⁴ ¿Ha bal yorahil te ya xnahinex ta ch'albil nahetic awu'unic, yan te Na ini jihnem stuquel?

Hageo 1:4 Referans Kwoze

2 Samuel 7:2

Ja' yu'un te David jich la yalbey te Natán, te j'alwanej yu'un Dios: —Ila awil, te jo'on nainemon ta na te pasbil ta cedro. Yan te cajón yu'un Dios ay to nax ta na pasbil ta pac' —xi'.

Filipenses 2:21

Yan te yantique spisilic baem nax yo'tanic ta sleel te bila ya sc'an yo'tan stuquelique. Xujt' ma'yuc sc'oplal ta yo'tanic te bila ya sc'an yo'tan te Cristo Jesuse.

Hageo 1:9

“Te ja'exe bayal bila ya ac'an ya ataic, pero ma'yuc bayal ya ataic. Te bila ya aq'uej ta anaique, jo'on la jch'ojbeyex c'axel, jichuc ic' te ya x'eanot bael yu'un te sulile. Pero ¿bi yu'un? Melel ja' yu'un te jinem te jnae. Yan te ja'exe ja' nax bayal sc'oplal ta awo'tanic ta spasel te anaique. Jo'on Ajwalilon te jich ya cale.

San Mateo 6:33

Ja' me xaleic neeluc te bit'il ay ta ajwalinel te Diose soc te bila toj ta pasel yu'une. Jich me ya yesmantesbeyex spisil te bila ya xtuun awu'unique.

Jeremías 52:13

La xchic' te templo, te muc'ul na yu'un te muc' ajwalile, soc spisil te nanatic ta lume, ja' nix snaic spisilic te mach'atic muc' sc'oplalique.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Lamentaciones 4:1

Jajch' ta ijc'ubel te oro. Ch'ay ta jc'axel yutsil te t'ujbil oro. Pujq'uemic bael ta xujc' calleetic te tonetic yu'un te ch'ul templo.

Lamentaciones 2:7

Te Cajwaltic ma'yuc sc'oplal c'ot ta yo'tan te scajtijib smajt'ane; la yilay te ch'ul templo yu'une. La yac'bey ta sc'ab scontro te ts'ajq'uetic ya scoltay sbaic a te lume. Ay awetic ta templo yu'un Cajwaltic, jich bit'il sc'aalelal q'uin yaiyel.

Jeremías 33:12

Te Cajwaltic te Spisil ya xju' yu'une, ya yal: —Ja' te lumq'uinal te jochol yo'tique, te ni ma'yuc ants-winiquetic ni chambalametic, soc ta spisil te lumetic yu'une, ay me aquiltic ta yan buelta te bay ya yic' bael tsojboltsojp chijetic yu'un te jcanan-chijetique.

Jeremías 33:10

Te Cajwaltic ya yal: —Te ja'ex ya awalic te jocholix jilel ta jyalel in q'uinal to, te ma'yuc ants-winiquetic ni chambalametic ta ac'opique; te calleetic ta Jerusalén soc te lumetic yu'un Judá te jojch'ajiquix ta jyalele, te ni ma'yuc bi ya x'ain tey a, ni ants-winiquetic, ni chambalametic cuxulic tey ae, te xaexe. Lec ay, ya me awaiy xan stojol

Jeremías 26:18

—C'alal ay ta q'uinal te Ezequías te muc' ajwalil yu'un te Judá, te Miqueas te talem ta Moreset c'opoj ta swenta te Cajwaltic ta stojol spisil te lum Judá, jich la yal: “Jich la yal te Cajwaltic te Spisil ya xju' yu'une: ‘Te Sión ya xc'atp'uj jilel ta jinem q'uinal, te Jerusalén busulbus ya xjil te sts'ajc'ule, te switsul templo ya xnoj ta pimil q'uinal’, xi' me”, xi' ta yalel.

Jeremías 26:6

ja' yu'un jich me ya jpasbey te templo te bit'il la jpasbey te templo ta Silo. Ja' in lum to te boloben sc'oplale, ja' seña ya xc'ot cu'un ta stojol spisil nacionetic ta balumilal, uta me —xi'.

Salmos 102:14

Te abatetic awu'un c'ux ta yo'tanic te tonetic yu'un Sión; c'ux ya yaiyic ta jyalel te bit'il jinemixe.

Salmos 74:7

La stsumbeyic sc'aal te ch'ul templo awu'une; la sboltesic, la sjimic coel c'alal ta lum.

Ezequiel 24:21

“Albeya te lum Israel: ‘Jich ya yal te Cajwaltique: “Ya me jinbey sc'oplal te templo cu'une, te mero bayal ya amulanic soc c'ux ta awo'tanique, te ja' ya atoy q'uinal awaiyic a, soc te ja' yip awo'tanique. Te aquerem-nich'nabic soc te awantsil-nich'nabic, te jilem awu'unic ta Jerusalén, ya me xlajic ta milel”, xi' me’, uta me.

Jeremías 22:14

Ya awal: “Ya jpas buen palacio, te buen muc' me yutil ta xcha'cajal”, xaat. Ya awac'bey sventanail, ya amac ta cedro te spajc'ule, soc ya abon ta tsaj.

Hageo 1:5

Jo'on Ajwalilon te Spisil ya xju' cu'un ya calbeyex: Nopaic ta lec te bi yilel te awat'elique.

Levítico 19:25

Ta yo'ebal ja'wil ya me xju' ya alo'beyiquix sit a. Jich me bayal sit ya yac'beyex a te te'e. Jo'on Ajwalilon, Dioson awu'unic.

2 Reyes 5:26

Pero te Eliseo puersa jich la yal: —Te c'alal te jtul winic co ta scarreta yu'un stabelate, tey joinejat la caiy ta co'tan a. Pero ma yorailuc ta ich'el taq'uin soc c'u'iletic, ni ja'uc ya xju' ta manel awalts'unubil, chijetic, wacaxetic, abatetic soc criadaetic.

Eclesiastés 3:3

Ay yorail milaw, soc ay yorail poxtayel. Ay yorail te bila ya yich' jinel, soc ay yorail te bila ya yich' pasel.