Hageo 1:2 - Bible in Tzeltal de Oxchuc y Tenejapa

^2-3 Te Cajwaltic te Spisil ya xju' yu'un jich la yal ta swenta te j'alwaneje: —Te winiquetic ya yalic te ma to yorailuc te ya yich' xan cha'pasel te templo cu'une.

Bible in Tzeltal Bachajón

² Hich yaloj te Jehová te scuentahinej spisil: Hich ya yal te pueblo ini: Ma to yorahiluc te ya yich' xan cha'pasel te sna Jehová, xchihic.

Hageo 1:2 Referans Kwoze

Esdras 4:23

Te c'alal la yich' ilel te scarta muc' ajwalil Artajerjes ta stojolic te Rehum, te Simsai ja' te secretarioe soc te yantic sjo'taque ta ora nax bajt'ic ta Jerusalén. C'otic ta stojolic te judioetique, c'o scomic ta at'el soc sc'ajc'alic soc yat'ejibic ta guerra.

Nehemías 4:10

Te winiquetic ta Judá jich la yalic: —Te mach'atic ya scuchic ijc'atsil ya me xlaj yipic yu'un; mero bayal jinem te ts'ajq'ue, ma xju' cu'untic xcha'pasel xan yaiyel —xiic.

Eclesiastés 11:4

Te mach'a ja' ya yil te bi ya spas te iq'ue, ma ba ya yaiy ts'unbajel; soc te mach'a ja' ya yil te tocaletique, ma ba ya stsobey sit te sts'unube.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Números 13:31

Ja'uc me to, te mach'atic xc'otuquic soc, la sjaq'uic: —Ma xju' cu'untic yac'beyel guerra te winiquetique. C'axem to xan tulan stuquelic a te bit'ilotique —xiic.

Proverbios 29:25

Te xiwel ta stojol ants-winiquetic, spejts'ul c'oem; yan te mach'a ja' smuc'ulinej yo'tan te Cajwaltique, canantaybil stuquel.

Proverbios 22:13

Te bit'il ma sc'an at'el te mach'a ch'aje, ya sle bila ya smac sba a: “Ay león-choj ta be, ya sc'an ya smilon”, xi'.

Hageo 1:1

Ta xchebal ja'wil yochel ta muc' ajwalil a te Darío, ta sbabial c'aal sjajch'el swenta swaquebal u a, tal sc'op Cajwaltic ta swenta te j'alwanej Hageo ta stojol te jwentainwanej ta Judá, ja' te Zorobabel snich'an Salatiel, soc ta stojol te muc'ul sacerdote te swentainej te sacerdoteetic, ja' te Josué te snich'an Josadac.

2 Reyes 12:7

Ja' yu'un te muc' ajwalil Joás la yic' tel te sacerdote Joiada soc te yantic sacerdoteetique, jich la yalbey: —¿Bi yu'un ma ba achapanejic te templo? Yo'tic ma x'ac'anic xan taq'uin ta stojol te mach'atic swentainejic scanantayele. Te sacerdoteetic te ay yich'ojiquix, ya me yaq'uic, swenta yu'un ya me yich' chajbanel xan a te templo —xi'.

Eclesiastés 3:3

Ay yorail milaw, soc ay yorail poxtayel. Ay yorail te bila ya yich' jinel, soc ay yorail te bila ya yich' pasel.