Habacuc 1:3 - Bible in Tzeltal de Oxchuc y Tenejapa

³ ¿Bistuc ya awac'bon quil bayal uts'inel soc te bila amene? Joytaybilon yu'un te j'uts'inwanejetic soc te jlajinwanejetique; ta spisil ta bayuc ay guerraetic soc c'opetic.

Bible in Tzeltal Bachajón

³ ¿Bin yu'un yac awa'bon quil te bin chopol, te yac awa'bon quil wocol? Ay ta jtojol jinel soc uts'inel; ay hach-c'op soc tsaltamba-c'op.

Habacuc 1:3 Referans Kwoze

Jeremías 20:8

Melel spisil ora te c'alal ya xc'opojone, ya calulay te ya xtal bayal wocol soc jinel. Spisil ora ya yixtac'optayonic soc ya slabanonic, ja' yu'un te ya cal loq'uel te ac'ope.

Eclesiastés 5:8

Ma me jchajbuc q'uinal ya awaiy yu'un, teme ay ya awil ta yantic lum te banti yacalic ta uts'inel te me'baetique, soc te ya yixlanic ta pasel te bi stojil ay ta stojolique. Melel ay me yan mach'a cajal yu'un te mach'a toyole, in te mach'a toyole ay to xan mach'a cajal yu'un a, pero ta xchebalic ay to xan yan mach'a mero toyol xan yu'unic a.

2 Pedro 2:8

Te bit'il toj ta winiquil te Lote, jujun c'aal bayal la smel yo'tan yu'un te jayeb ta jten yixtailique, yu'un la yil soc la yaiy stojol spisil te bila la spasique.

San Mateo 10:16

“Jich yu'un ya me jticunex jich bit'il chijetic ta yolil te jti'awal ja'mal ts'i'etique. Ich'a me ap'ijilic jich bit'il te chane, ja'uc me to, manso me xawac' abaic jichuc paloma.

Ezequiel 2:6

Ja'at winic, ma me xtal xiwel ta awo'tan ta stojolic, soc ma me x'axi' te bila ya yalic ta atojole, manchuc me jich ta awo'tan te bit'il sjoyintayejat bayal ch'ixe, manchuc me ayat ta yolil tsequetic ya awaiy. Ma me xiwat yu'un teme ay bila ya yalbate, soc ma me xnijc' awo'tan yu'un teme ya xyanaj sitique, manchuc me mero tulan ya yac' sbaic ta jtojol.

Eclesiastés 4:1

Bajt' co'tan ta yilel te tulan uts'inel yac ta pasel ta balumilal. La quil te mach'atic yacal yich'belic tulan uts'inele, yacalic ta oq'uel, pero ma'yuc mach'a ya xmuc'tesbot q'uinal yaiyic yu'un. Ya x'ac'botic tulan swocolic yu'un, pero ma'yuc mach'a ya xmuc'tesbot q'uinal yaiyic yu'un.

Jeremías 15:10

¡Ay, te jo'one, me', obol jba te la awac' ayinucon ta q'uinale! ¡Ja' nax ayon ta yilel puro c'op soc tsactomba ta spamal balumilal! Ma'yuc mach'a jmajanejbey staq'uin, ni ma'yuc mach'a smajanejbon jtaq'uin; ja'uc me to, spisilic ya sbolc'optayonic.

Jeremías 20:18

¿Bi yu'un te loc'on tel ta xch'ujt' te jme'e, te ja' nax tal caiy xc'uxul mel-o'tan ta q'uinal, swenta yu'un potsbilon ta q'uexlal ya xch'ayon bael ta q'uinal soc jcuxlejal?

Isaías 5:7

Te ts'usubiltic yu'un te Cajwaltic te Spisil ya xju' yu'une, te ts'unbil yu'un te smulaneje, ja' te nación Israel, ja' te lum Judá. Te Cajwaltic la smaliy te yacuc yich'beyic ta muc' te mandaliletic yu'une, pero ja' nax la sta jmilawaletic tey a; la smaliy te tojuc ya x'at'ejique, pero ja' nax la yaiy stojol aw soc ajc'an.

Isaías 46:12

Aiybon awaiyic, ja'ex te tulan awo'tanique, te yacalex ta yalel ta awo'tanic te bayal to c'aal ta jyalel te ya x'ochex ta libre.