Habacuc 1:16 - Bible in Tzeltal de Oxchuc y Tenejapa

¹⁶ Jich yu'un te jtsac-chaye ya squejan sba ta stojol te tsacjibal soc anzuelo yu'une, soc ya yac'bey milbil majt'anil, soc ya xchic'bey pom ta yich'el ta muc'. “Wocol awal”, ya yutic, melel ay swe'elic ta lec yu'un.

Bible in Tzeltal Bachajón

¹⁶ Ha yu'un ya ya'be milbil mahtaniletic te stsacojibal soc ya schic'be pom te jtsaco-chay, como ha ta scuentahic te bayel bintic ay yu'un, soc buhts'an te swe'ele.

Habacuc 1:16 Referans Kwoze

Habacuc 1:11

Jich ya xc'axic ta beel te bit'il tulan ic'; ja' nax ya smuc'ulin yo'tanic te yipique, ja' dios c'oem yu'unic stuquel —xi' te Cajwaltique.

Daniel 5:23

Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Daniel 4:30

jich la yal: —¡Ila awilic bi yilel smuc'ul te Babilonia! Jo'on ta swenta smuc'ul quip, te ju' cu'un spasel swenta yu'un ja' muc'ul lum yu'un ajwalil ta spisil te q'uinal bay c'alal jwentaineje, swenta yu'un jich me ya quijq'uitaybey sna'jibal a te yutsil smuc'ul jc'oplale —xi'.

Ezequiel 28:3

¿C'axem bal jich ap'ijil a jiche te bit'il Danel? ¿Yu'un bal ana'oj spisil bitic muquen ayic jiche?

Deuteronomio 8:17

“Ma me ayuc ya xtal ta awo'tanic te jich ya awalique: “Te jc'ulejaltique, jo'otic ju' cu'untic ta swenta quiptic”, ma me xauquex.

Ezequiel 29:3

Jich me xawalbey: “Jich ya yalbat te Cajwaltique: ‘Faraón, muc' ajwalilat yu'un Egipto, ya calbat ta jamal te jo'on acontroone. Muc'ul lagarto c'oemat, metselat ta muc'ja' awu'un, te jich ya awale: “Jo'on cu'un te muc'ja' Nilo, jo'on jpasoj”, te xaate.

Isaías 37:24

Ta swenta te ajo'tac ta ajwalile, la awixtac'optay te Cajwaltique. Melel la awal: ‘Ma p'isbiluc yajtalul te carretaetic yu'un guerra te ay ta jwenta. Moon bael ta sba witstiquil, ta bay teq'uel moel yu'un Líbano. La jbojbey te cedroetic yu'un te toyolic ta jyalele, soc la jts'etbey te c'antajetic yu'un te bayal yutsilique. La jta c'oel te bay mero toyol witsetique, soc te ja'maltic te ts'unbil nichimetic yilele.

Salmos 22:29

Ta apisilic te ay bayal bitic ay awu'unic te cuxulex ae, tinana abaic ta stojol, ja' nax me ya awalbeyic wocol stuquel; ja'ex ta apisilic te sujt'el ayexix bael ta ts'ubil lume, melel ma spisiluc ora cuxulex atuquelic.

Jeremías 44:8

¿Bistuc ya awac' ilinuc co'tan yu'un te awat'elique, soc te ya awac'beyic pom te lotil diosetic tey ta Egipto ta bay talemex ta nainele? Ja'ex te ya ajajch'esic te ajinelique; soc ja' ejemploex yu'un te castigo te ya awich'ique, soc pejc'anel ta yolil ta spisil te nacionetic ta balumilale.

Jeremías 44:17

Ya nix jpastic bael a te bila jnopojtiquix ta co'tantique. Ya nix cac'beytic pom soc majt'anil vino te Antsil Ajwalil yu'un Ch'ulchan, jich bit'il yacotic ta spasel c'alal ora yo'tic, soc jich bit'il la spasic ta neelal te antiguo jme'-jtatic, te muc' ajwaliletic cu'untic, soc te jtsobwanejetic yu'un te lumetic ta Judá soc ta calleetic ta Jerusalén. Melel ta neelal mero c'ax bayal jwe'eltic, lec ayotic la quiltic soc ma'yuc bay tal woclajel ta jtojoltic.