Génesis 9:7 - Bible in Tzeltal de Oxchuc y Tenejapa

⁷ Jich yu'un, esmajanic bayal, nojesaic te balumilale —xi' te Diose.

Bible in Tzeltal Bachajón

⁷ Te ha'exe sitinan soc p'ohla abahic, al-nich'anajanic, nojesahic te bahlumilal, xchi te Diose.

Génesis 9:7 Referans Kwoze

Génesis 9:1

Dios la yac'bey bendición te Noé soc te snich'nabe, jich la yalbey: —Esmajanic, nojesaic xan te q'uinale.

Génesis 9:19

Ja' sts'umbalic te oxtul snich'nab Noé te ants-winiquetic te la snojes xan te balumilale.

Génesis 8:17

Soc ya me aloq'ues spisil bitic cuxajtic: ja' te mutetic soc te chambalametic soc yantic chambalametic te staslajan ya xbeenic ta balumilal. Ac'a beenuquic ta spamal te q'uinale. Ac'a esmajuquic ta balumilal —xi'.

Génesis 1:28

Dios la yac'bey bendición, jich la yalbey: —Esmajanic ta lec, nojesaic ta spamal te balumilale, tuuntesaic te q'uinale. Ja' me ya awentainic xchayul ja'etic soc te mutetique, soc spisil te chambalametic te ya xbeenic ta lumq'uinal —xi'.

Génesis 9:8

Te Dios la sc'opon xan te Noé soc te snich'nabe:

Génesis 35:11

Dios la yalbey xan: —Jo'on Dioson te Spisil ya xju' cu'une; esmajan, ayuc me bayal ats'umbal. Muc'ul nación ya xc'oat, bayal me ta jpam lum ya xc'oat ta loq'uel a, bayal ta jtul ajwaliletic ya xloc' a te ats'umbale.

Jeremías 29:6

Nujbinanic me tey a, soc ayuc me bayal anich'nabic queremetic ach'ixetic, soc ya me xnujbinic soc ayuc me snich'nabic. Ac'a me toyuc awajtalulic tey a, ma me sts'uj awajtalulic.