Génesis 9:6 - Bible in Tzeltal de Oxchuc y Tenejapa

⁶ Teme ay mach'a ya smil jtul winic, ja' ni me jich ya xmilot yu'un yan winic, melel te ants-winique la yich' pasel swenta yu'un pajal yilel soc te Diose.

Bible in Tzeltal Bachajón

⁶ Te mach'a ya smalbe sch'ich'el winic, winic nix ya xmalbot sch'ich'el yu'un; como pajal yilel soc Dios la yich' pasel te winique.

Génesis 9:6 Referans Kwoze

Levítico 24:17

“Te mach'a yoloj ya smil te yane, ja' nix me jich ya yich' milel.

San Mateo 26:52

Jesús la yalbey: —Q'ueja ta sna te apuñale, melel te mach'a ya yac' puñal, puñal nix ya yaiy ya xlaj uuc.

Apocalipsis 13:10

Te mach'a jich sc'oplal ya yich' chuquel, ya me yich' chuquel. Soc te mach'a jich sc'oplal ya yich' milel ta puñal, ya me yich' milel ta puñal. Ja' in to ja' smuc'ul co'tantic te ya sts'ijc' cu'untic ta swenta xch'uunjel co'tantic soc te mach'atic ch'ul lum yu'un te Diose.

Números 35:33

“Ma me xaboltesbeyic sc'oplal ta swenta smalel ch'ich' te lumq'uinal ta bay ya x'ainexe, melel te ch'ich' ya sboltesbey sc'oplal te lumq'uinale. Ma xju' te ya yac' taq'uin swenta scoltayel ta libre te jtul jmilawale, jich yu'un puersa me ya yich' milel te mach'a la smal ch'ich' swenta yu'un ya xlecub sc'oplal te lumq'uinale.

Santiago 3:9

Ja' nix ta cac'tic te ya calbeytic yutsilal sc'oplal a te Jtatic Diose, soc ja' nix ya jbolc'optaytic a te ants-winiquetic te ja' sloc'tayej sba a te Diose.

Génesis 5:1

Jich ay te lista yu'un sts'umbal Adán. C'alal Dios la spas te ants-winic, pajal yilel soc Dios te la spase.

Romanos 13:4

Melel ja' abatetic yu'un Dios ta swenta alequilalic. Yan teme amen te bila ya jpastique, xiwanic me ta stojol. Melel ma tojoluc te ay ta sc'ab te yat'ejibe, yu'un ay ta abatinel yu'un Dios te ya yac'bey spacol ta castigo te mach'a ya x'uts'inwane.

Génesis 4:14

melel ya atenon loq'uel ta q'uinal, soc ma xawac'bonix quilbat asit. Melmonel ya xc'oon, soc ma xwejt' bay ya x'ainon. Spisil mach'a ya staon, ya me smilon —xi'.

Salmos 51:4

Ja'at nax te jtaoj jmul ta atojole, ja'at nax atuquel, melel jo'on la jpas te bila amen, te ya awac' castigo yu'une. Ja' yu'un te castigo ya awac'bone, stojil ay stuquel, ma'yuc ta ch'ayel te bila chapal awu'un atuquele.

Números 35:25

Te lum ya me xc'opoj yu'un te mach'a ma ba snopoj ta yo'tan te la yaiy milawe, ma me xyaq'uic te ya sujt'esbey spacol te yermano te mach'a lajeme. Yan te mach'a la yaiy milaw, ya me yich' ticunel sujt'el ta bay lum yu'un anjibal, tey nix ta bay sleoje. Tey me ya xjil a ja' to me c'alal ya xlaj te muc' sacerdote te ochemix ta ch'ul at'ele.

Levítico 17:4

Teme ma ba ya yich'bon tel ta yochibal Nailpac' te banti ya quich' c'oponele, jo'on te Ajwalilon, swenta jmajt'an ta ch'ul awilal cu'une, ya me sta smul ta swenta bit'il la smal ch'ich'. Ja' yu'un ya me yich' loq'uesel ta yolil te slumale.

1 Corintios 11:7

Yan te winiquetique, ma snujp'in teme ya smuc sjol stuquelique, te melel ja' sloc'omba Dios, soc tey ya xchicnaj ta ilel a te yutsilale. Yan te antse, ja' tey ya xchicnaj ta ilel yutsilal a te winique.

Génesis 42:22

La yal te Rubén: —La nix calbeyex: “Ma xawuts'inic te quereme”, la cutex, pero ma la ach'uunbonic jc'op. Jich yu'un ja' ya jtojtiquix te bit'il la jmalbeytic xch'ich'ele —xi' ta stojolic.

Éxodo 20:13

“Ma me x'awaiy milaw.

Deuteronomio 5:17

“Ma me x'awaiy milaw.

Jueces 9:56

Jich ac'bot stoj yu'un Dios te bit'il la yuts'in te mach'atic ay yu'un te anima state, ja' te la smil te lajuneb xchanwinic (70) ta jtul te yermanotaque.

1 Samuel 15:33

Pero te Samuel jich la yalbey: —Ta swenta apuñal te ma'yuc jilel yalatac bayal ta jtul antsetique. Yo'tic ja' ni me jich ya xjil te ame'e —xi'. Te Samuel ora nax la sesen te Agag ta stojol Cajwaltic ta Gilgal.

2 Reyes 11:16

la stsaquic la yiq'uic bael ta banti ya x'ochic ta sna ajwalil te mach'atic ayic ta caballo. Tey c'o smilic a te Atalía.

Proverbios 28:17

Te mach'a la yaiyix milaw, puersa ya xyal bael ta muquenal; ma me ayuc mach'a ya xcoltayot yu'un.

Eclesiastés 3:3

Ay yorail milaw, soc ay yorail poxtayel. Ay yorail te bila ya yich' jinel, soc ay yorail te bila ya yich' pasel.

Números 35:16

“Teme ay mach'a ya yaiy ejch'enteswanej soc biluc a te pasbil ta taq'uin, teme laj te mach'a ejch'enaje, jmilawal me c'ot abi. Te jmilawale ya me yil swocol ta milel.

Deuteronomio 19:11

“Pero teme ay jtul winic te scontroinej yan, te spisil ora yac ta sleel bila ya yute, teme la sta yorail ju' yu'un te la smile, teme tey bajt' ta anel ta lum anjibal te c'alal la smile,

2 Samuel 4:11

Mero ja' ni me jich ya jpasbeyex. Buen amenex, la amuquen-milic jtul winic te ma'yuc bi yac sna'bele, te wayal ta sna. Ja' yu'un ya me cac'beyex atojic te la amilique. Ya me jtup'ex ta balumilal —xi'.

1 Reyes 2:9

Ja' yu'un ma me xapasbey perdón te bit'il ay sp'ijil awo'tan, ila awil bila ya xju' ya apasbey, pero te c'alal ya xlaje, ja' lec te milel ya yaiy te ya xlaje —xi' jilel te muc' ajwalil David.

2 Reyes 11:1

Te c'alal la yaiy te Atalía sme' Ocozías te lajix te yale, bajt', la yac' ta milel spisil te mach'atic ay yu'un te muc' ajwalile.

2 Reyes 11:20

Spisil te yajwal lum bin nax yo'tanic yu'un, soc ma'yuquix swocol jilic yu'un te bit'il lajix ta milel ta puñal ta sna ajwalil te Atalía.

2 Crónicas 33:24

Te sjo'tac ta ajwalil la xchajbanbeyic sc'oplal, la smilic ta palacio yu'un.