Génesis 9:25 - Bible in Tzeltal de Oxchuc y Tenejapa

²⁵ Jich la yal: “Boloben me sc'oplal te Canaán. Ja' me abat ya xc'ot yu'un te yermanotaque”, xi' sc'oplal yu'un.

Bible in Tzeltal Bachajón

²⁵ hich la yal: ¡Bohlubuc me sc'oblal te Canaán! ¡A'bat yu'un a'batetic ac'a c'ohtuc ta stojol te yermanotac! xchi sc'oblal.

Génesis 9:25 Referans Kwoze

Josué 9:23

Mero ma me lecuc ac'oplal ya xc'oex yu'un, abatex me ya xc'oex ta jc'axel. Ya me ach'uyic si' soc ya me aliquic ja' te ya xtuun ta sna te Dios cu'une —la yut.

Deuteronomio 27:16

“Boloben me sc'oplal ta jyalel te mach'a ma xyich' ta muc' te sme'e o te state”. “Jichuc”, xiic me ta spisil te lume.

San Juan 8:34

Jesús la yalbey: —Jamal ya calbeyex, spisil mach'a ya sleulay smul, ja' ay ta mosoil yu'un te mulile.

Josué 9:27

ja'uc me to, la yac' ta scuchel si' soc ta sliquel ja' yu'un te lum soc te xchic'jibal smajt'an te Cajwaltic, chican ta bay ya stsabey yawil stuquele. Te gabaonetic jich nix yat'elinejic ta ora yo'tic to.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

Deuteronomio 28:18

C'ax boloben me sc'oplal ya xc'ot te awal-anich'nab soc te sit awawal-ats'unub, te yalatac te wacaxetic awu'un, te yalatac te me' chijetic awu'un, soc ta spisil te chambalametic awu'une.

Génesis 49:7

Ya me x'ac'bot stoj te yilimbaic soc te sc'ajc'alic te bit'il bayal jelawic ta bay nax c'alal. Pujc'ultic ya xc'ot cu'un ta bay jq'uinal, bayuc nax ya xc'otic ta jq'uinal jo'on te Israelone.

Génesis 9:22

Te Cam, te ja' stat te Canaán, la yil bit'il t'anal te state. La yalbey yaiy te cheb sbanquiltac te ayic ta amaq'ue.

Génesis 4:11

Jich yu'un bolobix ac'oplal li' ta lumq'uinal to te la amalbey xch'ich'el te awijts'ine.

Génesis 3:14

Te Cajwaltic Dios jich la yalbey te chane: —Te bit'il jich la apas, c'ax jich bolobix ac'oplal te bit'il spisil yantic chambalametic. Ya me atas aba te ya xbeenate, soc ts'ubil lum ya alo' jayeb c'aal cuxulat ta q'uinal.

Génesis 9:18

Jich sbiilic snich'nab te Noé te loq'uic ta barco: ja'ic te Sem, Cam, soc Jafet. Ja' stat Canaán te Cam.

Génesis 9:24

Jul xch'ulel te Noé te bit'il yacube. La sna' stojol bila pasbot yu'un te jtul snich'ane.