Génesis 9:23 - Bible in Tzeltal de Oxchuc y Tenejapa

²³ Jich te Sem soc te Jafet la yich'ic tel jlijc' c'u'il, la slijch'anic ta snejq'uelic ta xchebalic. Walacpat beenic ochel, ba smucbeyic sbaq'uetal a te static te t'anale. Q'uejel la yac' sitic, jich ma la yilic te bit'il t'anale.

Bible in Tzeltal Bachajón

²³ Hich te Sem soc te Jafet la stsaquic jlihc c'u'ul, la yac' bahel ta snehquelic, walac'pat behenic ochel, la smuquic a te static te mayuc sc'u' spac', hich ma ba la yilic a te mayuc sc'u' spac' te statique.

Génesis 9:23 Referans Kwoze

Gálatas 6:1

Quermanotac, teme ay mach'a la awilic te la staix smule, te ja'ex te wentainbil awo'tanic yu'un te Espiritue, lamaluc me awo'tan ya acoltay ta sujt'esel yo'tan ta stojol Dios. Soc tsajtaya me aba uuc, ma me ja'uc te ya xlajat ta sujel ta mulil uuc te ja'ate.

Éxodo 20:12

“Ich'a ta muc' te ame'-atate, swenta yu'un ya me xnajt'aj acuxlejal ta aq'uinal te ya cac'bat te Ajwalilon te Dioson awu'une.

1 Pedro 4:8

Ja' tulan sc'oplal stuquel te ma p'isbiluc nax c'ux ya awaiy abaic ta awo'tanic, melel te c'uxul-o'tanile, ya xch'ay bayal ta jten mulil yu'un.

1 Pedro 2:17

Ich'aic ta muc' spisil yantic. C'ux me x'awaiy ta awo'tanic te awermanotaque. Xi'aic me te Diose. Ich'aic ta muc' te ajwalile.

1 Timoteo 5:19

Soc ma me xach'uun ta ora teme ya xlebot smul te jtul ancianoe, teme ma'yuc cha'oxtuluc testigo yu'une.

1 Timoteo 5:17

Te ancianoetic te lec ya x'at'ejic ta stojol te Diose, ac'a me yich' ich'el ta muc' ta c'axem to xan. Ja' bayal sc'oplalic te mach'atic yat'elinejic xcholel te sc'op Diose soc ta p'ijubteswanej.

1 Timoteo 5:1

Ya calbat te ma me uteluc ya acom te mamaletique. Lamaluc me xatac'uy jichuc atat. Soc te jch'iel queremetique jich me xac'opon te bit'il awijts'inabe.

Romanos 13:7

Tojbeya spisil te mach'a ay abet yu'une: Teme ja' te patan taq'uine, ac'a me. Teme ja' te spatanul biluque, ac'a me. Te mach'a ay ta ich'el ta muq'ue, ich'a me ta muc'; te mach'a ay ta xi'ele, xi'a me.

Levítico 19:32

“Ya me atejc'an aba soc ich'a ta muc' te mach'a me'el-mamale; jo'on ni me la awich'on ta muc' c'oem a te Dioson awu'une. Jo'on te Ajwalilone.

Génesis 9:22

Te Cam, te ja' stat te Canaán, la yil bit'il t'anal te state. La yalbey yaiy te cheb sbanquiltac te ayic ta amaq'ue.

Génesis 9:24

Jul xch'ulel te Noé te bit'il yacube. La sna' stojol bila pasbot yu'un te jtul snich'ane.