Génesis 9:16 - Bible in Tzeltal de Oxchuc y Tenejapa

¹⁶ C'alal ya xchicnaj te arco iris ta yolil tocal, ya me quil soc jich me ya jna' te trato calojbey ta stojol spisil bitic cuxajtic te ayic ta balumilale.

Bible in Tzeltal Bachajón

¹⁶ C'alal ya xchicnaj te xojob ta yohlil te tocal, ya me quil soc ya me jna' te chapbil-c'op te ma xlaj sc'oblal ta stojol Dios soc ta stojol spisil bintic cuxajtic ta bahlumilal, xchi.

Génesis 9:16 Referans Kwoze

Jeremías 32:40

Ya me jpas trato soc ta sbajt'el q'uinal: Ya me cal ta jamal te ma'yuc bi ora ya xquejch'aj ta pasel cu'un ta stojolic te bila leque, soc ya jnojesbey ta yo'tanic ta yich'belonic ta muc', soc te ma'yuc bi ora q'uejel ya yac' bael yo'tanic.

2 Samuel 23:5

Ja' yu'un te patil alnich'anetic cu'un jc'axel ainemiquix ta stojol Dios; ay bi mero xchapoj ta jtojol te ma xlaj sc'oplal sbajt'el q'uinal. Ja' ts'acal ya yac'on ta tsalaw; ts'acal ya yac' c'otuc ta pasel spisil te bitic ya jc'ane.

Génesis 17:19

Ja'uc me to, la yal te Diose: —La calbat awaiy, ja' la calbat te ya me x'ayin yal te awinam Sara, Isaac sbiil ya xc'ot awu'un. Jc'axel ya jpas trato soc stuquel, swenta sbajt'el q'uinal soc te jayeb sts'umbale.

Génesis 17:13

Te mach'a ya x'ayin ta ana, soc te mach'atic manbil ta ataq'uin, ya me yich' circuncisión ta puersa. Ja' seña ta abaq'uetalic te trato cu'un ya xc'ot sbajt'el q'uinal.

Hebreos 13:20

Te Dios, te ya yac' lamal q'uinale, la xcha'cuses tel ta bay animaetic te Cajwaltic Jesucristo te Muc' Jcanantaywanej yu'un te chijetique, te ja' ta swenta xch'ich'el te chajbaj a te trato te sbajt'el q'uinal aye.

Génesis 17:7

Soc jc'axel ya jpas trato ta atojol ja'at soc jayeb ats'umbal ta patil. Swenta sbajt'el q'uinal te trato cu'un: te jo'on Dioson awu'un, soc Dioson yu'un jayeb ats'umbal ta patil.

Isaías 55:3

La'ic ta jtojol, soc aiya awaiyic, aiybon awaiyic stojol te jc'ope, yu'un jich me ya xcuxinex. Te jo'one ya jpas trato ta sbajt'el q'uinal ta atojolic, jich me ya xc'ot ta pasel te bit'il caloj ta swenta xc'uxul co'tan ta stojol David.

Génesis 9:17

Ja' seña trato te albil cu'un ta stojol spisil bitic cuxajtic ta q'uinal —xi' te Diose. Jich a c'opoj Dios ta stojol Noé.

Ezequiel 34:26

“Te chijetic cu'un ya me cac' ta sjoyobal te ch'ul wits cu'une, buen lec me sc'oplalic cu'un. Ya me jticunbey tel bayal bendición ta yorail, jich yipal ya xtal te bit'il te ja'ale.

Ezequiel 37:26

Ya me jpas trato soc, swenta yu'un ay me lamal q'uinal ya yaiyic ta nainel spisil ora. Sbajt'el me q'uinal ay sc'oplal te trato ya jchap soque. Ya cac' esmajuc yajtalulic; sbajt'el me q'uinal ya cac' ta yolilic te ch'ul templo cu'une.