Génesis 8:22 - Bible in Tzeltal de Oxchuc y Tenejapa

²² Te jayeb c'aal ay te balumilale, ma xch'ay te bit'il ay yorail awal soc ay yorail c'ajoj, ay me yorail sic soc ay me yorail c'ajc'alel q'uinal, ay me yorail verano soc ay me yorail invierno, ay me c'aal soc ay me ajc'ubal ta balumilal”, xi'.

Bible in Tzeltal Bachajón

²² Te jayeb c'ahc'al ay te bahlumilal, ma xch'ay te yorahil sts'umbajel soc c'ajoj, te yorahil sic soc sq'uixinal q'uinal, te yorahil snahtil c'ahc'al soc scomil c'ahc'al, te c'ahc'alel soc ahc'abal, xchi.

Génesis 8:22 Referans Kwoze

Santiago 5:7

Jich yu'un, quermanotac, junuc awo'tanic ts'ijc'uc awu'unic te awocolique, ja' to teme chicnaj tel te Cajwaltique. Jich bit'il te mach'a yat'elinej sc'altayel te q'uinale te ya smaliybey yutsil sit te sc'ale, ya sc'an te jun nax yo'tan ya smaliy te bi ora ya xtal te ja'ale.

Jeremías 5:24

Ma'yuc bay la yal awo'tanic, ni ma'yuc bay la anop: “Ya me quich'tic ta muc' te Cajwaltic te Dios cu'untique, te melel ya yac'botic tel ja'al ta mero sc'aalelal ta yorail siquil q'uinal soc ta q'uepel q'uinal, soc ya yac'botic sc'aalelal ta swenta c'ajoj”, ma xauquex.

Jeremías 31:35

Te Cajwaltic la yac' te c'aale, swenta yu'un ya sacub q'uinal yu'un; soc la yac' te u soc te eq'uetique, swenta yu'un ya xojobaj ta ajc'ubal; soc ya yac'bey stij sba soc sbul te mar te ya xc'opoj soc te yipe. Ja' me sbiil te Ajwalil te Spisil ya xju' yu'une, ja' ya yal:

Éxodo 34:21

“Waqueb me c'aal ya x'at'ejex, ta sjuquebal c'aal ya me acux awo'tanic. Manchuc me yorailix ts'unbajel, o teme yorailix c'ajoj, puersa me ya acux awo'tanic.

Génesis 45:6

Melel xchebalix ja'wil sjajch'el wi'nal ta balumilal, soc jo'eb xan ja'wil sc'an te ma'yuc awal soc ma'yuc c'ajoj.