Génesis 8:21 - Bible in Tzeltal de Oxchuc y Tenejapa

²¹ Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Bible in Tzeltal Bachajón

²¹ Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Génesis 8:21 Referans Kwoze

2 Corintios 2:15

Yu'un te jo'otique jich c'oemotic te bit'il perfume ta stojol Dios yu'un te Cristoe. Pajal ya xpujc' yic' ta stojol te mach'atic ya xcolique soc ta stojol te mach'atic ya xbajt'ic ta ch'ayele.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Jeremías 17:9

“Bayal ya xlo'laywan te o'tanile. Nojel ta mulil ta jyalel, ma'yuc yan bila pajal soc. Ma'yuc mach'a ay sp'ijil yu'un sna'el.

Génesis 6:5

La yil te Cajwaltic te bit'il toyix te bila amen ya spasic te mach'atic ayic ta balumilale, soc la yil te bit'il ma lecuc te bitic ya snopilay ta yo'tanic spisil ora.

Filipenses 4:18

Te bila la aticunic tele la quich'ix ta spisil. C'ax bayalix a. Ma'yuquix falta ya caiy a te bit'il la quich'ix te la aticunbonic tel soc te Epafroditoe. Te majt'anil la aticunbonic tele, xuq'uet nax sbujts' ta stojol Dios, jich bit'il milbil majt'anil te bin nax yo'tan yu'un te Diose.

Romanos 3:23

te melel sleoj smulic ta spisilic. Loq'uemic tey a ta bay yutsilal te Diose.

Ezequiel 20:41

Te c'alal ya jtsobex tel ta lumq'uinaletic soc ta nacionetic te banti pujq'uemex bael ta ora in to, soc te c'alal ya cac' ta ilel ta awolilic te jo'on ch'ul Diosone, soc te ya yilic te yantic lumetique, tey me yorail ya quich'beyexix a te jmajt'an awu'unic te mero bujts'ane.

San Mateo 15:19

Melel ta yo'tanic ya xcaj snopic te ants-winiquetic te bila amen ta pasele: Ja' te milawe, soc te mulweje, soc yalel ta mulil, soc elec', soc le-c'op, soc toyba-c'op.

Levítico 1:13

Te mach'a ya yac' ta chiq'uel majt'anil, ya me sc'an ya spocbey ta ja' te sbiquil soc te ya' te chambalame. Te sacerdote cu'un ya me xchic'bon spisil ta sba te scajtijib swenta chic'bil majt'anil te bujts'an yic' ta jtojol jo'on te Ajwalilone.

Eclesiastés 7:20

Melel ma'yuc ni jtuluc ta balumilal te mero toj, te spisil ora ja' ya spas te bila leque, te ma'yuc ya sleix smule.

Levítico 1:9

Te mach'a ya yac'bon te chic'bil jmajt'ane, ya me spocbey ta ja' te sbiquil soc te ya' te chambalame. Te sacerdote cu'un ya me xchic' spisil ta sba te scajtijib jmajt'an swenta yu'un bujts'an yic' ta jtojol jo'on te Ajwalilone.

Génesis 3:17

Yan te winique, jich albot yu'un te Cajwaltique: —Te bit'il la ach'uunbey sc'op te awinam te la alo'bey sit te te' te la calbate: “Ma me xalo'bey sit”, te la cutate, bolob me sc'oplal te lumq'uinal ta awenta, ay awocol ya xwe'at te jayeb c'aal ya xc'axat ta q'uinale.

San Juan 3:6

Te mach'a ayinem nax ta swenta baq'uet, ch'ich'-baq'uet nanix abi. Yan te mach'a ayinem ta swenta te Espíritu, yich'ojbey stalel te Espiritue.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

Salmos 58:3

Te mach'atic amen yo'tanic stalel amenix yo'tanic a te c'alal alatayot yu'un te sme'ique; te jlotetic stalel jowejemiquix a te c'alal ayinic ta q'uinale.

Salmos 51:5

Ta mero melel, amenonix a te c'alal ayinone; ayonix ta mulil a te c'alal ayon to ta xch'ujt' a te jme'e.

1 Juan 5:19

Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.

Romanos 1:21

Jich sna'ojbeyic sba te Diose. Ja'uc me to, ma la sc'an yalbeyic yutsilal te bit'il ja' Dios stuquele soc ma sc'an yalbeyic wocol. Nojelix ta jowil c'op te yo'tanic, soc jc'axel ayic ta ijc' q'uinal.

Jeremías 18:12

Ya me yalic ta atojol: “Ma xach'ay c'aal a te ja'ate. Ja' nix lec jich ya x'ainotic te bit'il ya smulan te co'tantique, soc ya jpastic bael soc stulanil co'tantic te bila amene”, xiic me ta atojol —xi'.

Proverbios 20:9

Ma'yuc mach'a ya xju' ya yal te sacuben yo'tan, te ma'yuc mulil snopoje.

Job 14:4

Ma'yuc mach'a ya spas te ay bila lec ya xloc' yu'un a te bila ma lecuque.

Levítico 1:17

Ya me stsacbey ta xic' te mute, ya me sjat, pero ma me stuch' ta jyalel. Swenta slajibal ya me xchic' te mute. Ya me yac' ta ba si' ta scajtijib jmajt'an, swenta jmajt'an te scojt'ol ya yich' chiq'uel te buen bujts'an yic' ta jtojol jo'on te Ajwalilone.

Éxodo 29:25

Ta patil loq'uesbeya ta sc'abic, chic'a ta scajtijib te jmajt'ane, ac'beya sjoin te chambalam te scojt'ol ya yich' chiq'uele, te bayal sbujts' yic' ya xc'ot ta jtojol. Ja' me chic'bil jmajt'an te quich'jibal ta muc' jo'on te Ajwalilone.

Éxodo 29:18

Ac'a ta scajtijib te milbil jmajt'ane, yu'un scojt'ol me ya yich' chiq'uel, melel ja' majt'anil quich'jibal ta muc' jo'on te Ajwalilon, te bujts'an yic' ta jtojole.

Génesis 6:17

Melel ya xtal pulemal cu'un ta balumilal, ya me xlaj spisil ants-winiquetic soc chambalametic te cuxajtic ta yanil ch'ulchan. Spisil ya xlaj bitic ay ta balumilal.

Jeremías 8:6

Jun co'tan yacon ta yaiyel stojol; ja'uc me to, ma'yuc mach'a ya caiybey sc'op jtuluc te ya sujt'es yo'tan yu'un te bila amen soc te jamal nax yo'tan ya yal: ‘¿Bila a te jpasoje?’ te xiuque. Ta spisilic la st'unic bael ta animal te sbeique, jich bit'il caballoetic te tulan ya x'animajic ochel ta guerra.

Isaías 65:6

Ja'uc me to, ta spisil ts'ibubil ta jtojol; ja' yu'un ma me jichuc nax jpetoj jc'ab ya xjilon, ya me cac'bey stoj te bit'il nix ya sc'ane,

Isaías 48:8

Te ja'exe ma'yuc bay awaiyojbeyic sc'oplal ta alel, ni ma ba ana'ojbeyic sba, melel macal te achiquinique. Jo'on jna'oj te ma tojuc awo'tanic ta jtojol, soc te atalel jc'axin-c'opex te c'alal ma to x'ayinex ae.

Isaías 47:15

Jich ya xc'oat ta loq'uel soc te mach'atic ya sna'ic yilel te eq'uetique, te c'ax bayal bila la apas soc ta spisil a te acuxlejale. Juju-jtul la st'unic bael te slotil beique, ma me ayuc mach'a ya scoltayat.

Isaías 47:12

Pasulaya me quiltic te ya ana' spiquel c'abal soc te ya awac' chamele, jich bit'il la apasulay te c'alal jch'ielat to ae. Ya me awil teme ya xtuun awu'un jtebuque; ya me awil teme ya xi'at a te ants-winiquetique.

Levítico 26:31

Ya me jlajinbeyex te lumetic awu'unique, ya me jlajinbeyex te toyol ch'uunjibaletic awu'unic, soc ma me ba ya jmulanix te sbujts' perfume awu'unique.

Génesis 5:29

Noé sbiil c'ot yu'un te snich'ane, yu'un jich la yal: “Scaj te la yac' bolobuc sc'oplal lumq'uinal te Diose, ja' ay jwocoltic ta at'el ta jc'abtic yu'un. Te alale ya me yac'botic cux co'tantic”, xi' sc'oplal yu'un.

Génesis 4:12

Te c'alal ya awaiy awal ta lumq'uinal, ma me xyac' sit. Melmonel ya xc'axat ta q'uinal, soc ma xwejt' bay ya x'ainat —xi' sc'oplal yu'un te Diose.

Génesis 6:7

jich yu'un la yal: “Ya me jtup' ta balumilal spisil ants-winiquetic te pastajem cu'un, soc te chambalametic, te chanetic te ya stas sbaic ta beel, soc te mutetique, yu'un tojol pastaj cu'un”, xi'.

Génesis 6:13

jich la yalbey te Noé: —Jnopojix te ya jtup' spisil ants-winiquetic, yu'un ja' ta swentaic te bayal uts'inwanej ta balumilale. Jich yu'un pajal me ya jlajin soc spisil te bitic aye.

Levítico 4:31

Soc ya me sloq'uesbey te xepuile, jich nix te bit'il ya yich' pasel te chambalam ya yich' aq'uel swenta milbil majt'anil swenta lamal-o'tanile. Te xepuile ya me yich' chiq'uel ta scajtijib majt'anil, te bujts'an yic' ta jtojol te Ajwalilone. Te sacerdote jich me ya stabey perdón yu'un smul te mach'a staoj smule, soc jich me pasbil perdón ya xjil a te smule.

Levítico 8:28

Te Moisés la yich'bey ta sc'abic spisil, la xchic' ta scajtijib majt'anil, ja' la yac'bey sjoin ta chiq'uel te majt'anil te scojt'ol ya yich' chiq'uel, swenta majt'anil yu'un xchajbanel xch'ul yat'el sacerdoteetic te mero bujts'an yiq'ue, ja' te chic'bil majt'anil swenta yich'el ta muc' te Cajwaltique.

Números 15:3

biluc ora te ya awac'bonic jcojt' toro o jcojt' chij swenta chiq'uel te quich'jibal ta muc', jich bit'il milbil majt'anil o teme scojt'ol ya yich' chiq'uel te buen bujts'an te yiq'ue, chican teme ja' ya awac' a c'alal ya sts'aquej te ay bila jc'axel achapoje o teme majt'anil te mero spasemal awo'tan ya awaq'ue, o teme ja' te ay ya yich' pasel ta yorail te q'uine,

1 Samuel 26:19

Wocoluc, cajwal, yacuc awaiybon jc'op jo'on te abaton awu'une. Teme ja' te Cajwaltic te ya yac'bat acontroinone, yacuc lamajuc yo'tan yu'un teme ya cac'bey smajt'an. Pero teme swenta nax winiquetic, jc'axel ch'aybil ac'a c'otuc yu'un te Cajwaltique. Melel ya stenoniquix loq'uel li' ta q'uinal yac'ojbotic te Cajwaltique, jich ya sticunonic bael ta spasel yat'el yan diosetic ya caiy.

Salmos 58:4

Ay svenenoilic jichuc jti'awal chan, pajalic soc svenenoil muc'ul chan; ya spas sbaic ta cojc', yolojic nax ya smac xchiquinic,