Génesis 8:19 - Bible in Tzeltal de Oxchuc y Tenejapa

¹⁹ Loq'uic ta spisil te alaq'uil chambalametic soc ja'mal chambalametic, spisil yantic chambalametic te staslajan ya xbeenic, soc spisil te mutetique.

Bible in Tzeltal Bachajón

¹⁹ Spisil te chambahlametic, mutetic, soc bintic staslajan ya xbehenic, spisil ta chahp te bintic ya xbehenic ta lumq'uinal loq'uic ta barco.

Génesis 8:19 Referans Kwoze

Génesis 1:21

Ja' nix jich Dios la xchicnantes muc'ul xchanul ja', soc spisil te bitic ya xcuxinic ta ja' te ya x'ainic tey a te juju-jchajbe, soc spisil ta jchajp mutetic te ya xwilique. Lec la yil te Diose,

Génesis 1:24

La yal te Diose: “Ac'a chicnajuc ta lumq'uinal spisil ta jchajp te chambalametique: te alaq'uil chambalametic, soc te ja'mal chambalametique, soc te chanetic te ya stas sbaic ta lumq'uinale”, xi'. Jich pastaj yu'un.

Génesis 8:18

Jich loc' ta barco te Noé, te snich'nab, te yinam, soc yinamic te snich'nabe.

Génesis 8:20

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

Génesis 9:10

soc spisil chambalametic te ajoinej te loq'uic ta barco: ja' te mutetic, te alaq'uil chambalametic, soc te yantic chambalametic ta balumilale.