Génesis 7:4 - Bible in Tzeltal de Oxchuc y Tenejapa

⁴ Melel ta sjuquebal c'aal ya xtal ja'al cu'un ta balumilal cha'winic c'aal soc cha'winic ajc'ubal, soc ya me jtup' spisil bitic cuxajtic te pasbil cu'un ta balumilal —xi'.

Bible in Tzeltal Bachajón

⁴ Huqueb c'ahc'al ta patil ya cac' tal ha'al ta bahlumilal cha'winic c'ahc'al soc cha'winic ahc'abal; ya jlajin spisil bintic cuxajtic te pasbil cu'un ta sba te bahlumilale, xchi.

Génesis 7:4 Referans Kwoze

Génesis 7:17

Cha'winic c'aal noj moel ja' ta sba te balumilale, jich mujc' ta ja' te balumilale. C'alal yac ta toyel te ja'e, licot moel yu'un te barcoe.

Génesis 7:12

Cha'winic c'aal soc cha'winic ajc'ubal la yac' ja'al ta sba te balumilale.

Génesis 6:17

Melel ya xtal pulemal cu'un ta balumilal, ya me xlaj spisil ants-winiquetic soc chambalametic te cuxajtic ta yanil ch'ulchan. Spisil ya xlaj bitic ay ta balumilal.

Génesis 6:13

jich la yalbey te Noé: —Jnopojix te ya jtup' spisil ants-winiquetic, yu'un ja' ta swentaic te bayal uts'inwanej ta balumilale. Jich yu'un pajal me ya jlajin soc spisil te bitic aye.

Génesis 6:7

jich yu'un la yal: “Ya me jtup' ta balumilal spisil ants-winiquetic te pastajem cu'un, soc te chambalametic, te chanetic te ya stas sbaic ta beel, soc te mutetique, yu'un tojol pastaj cu'un”, xi'.

Salmos 69:28

Tup'beya sbiilic ta slibroil cuxlejal; ma me xawaq'uic ta slistaul te mach'atic toj yo'tanique.

Apocalipsis 3:5

Te mach'atic ya xju' yu'unic tsalawe, ya me x'ac'bot slapic saquil sc'u'-spaq'uic, soc ma ba ya jtup'bey sbiilic ta bay te libro swenta cuxinele. Soc ya me calbey ta jamal sbiilic ta stojol te Jtate soc ta stojol uuc te ch'ul abatetic yu'une.

Amós 4:7

—Ja' nix jich la jcom ja'al oxeb u te ma to sta yorail te ya xloc' sit a te awawal-ats'unube. Ay la cac' ja'al ta jpam lum, soc ay ma la cac' ja'al ta yan jpam lum; ay jsejp q'uinal ta bay la cac' ja'al, soc ay yan jsejp q'uinal te ma la cac' ja'al, jich taquej.

Job 28:25

Te c'alal Dios la yal mandal te bay c'alal te yip te iq'ue, te la yal mandal te bay c'alal ya xbeen te ja'e,

Job 22:16

Ora lajic stuquelic, jich lajic te bit'il mach'atic ya xlajic ta snojel ja'e.

Génesis 8:12

La smaliy xan juqueb c'aal, la xcha'loq'ues xan bael te stsumute. Tey ma ba sujt'ix tel ta stojol a.

Génesis 7:10

Ta sjuquebal c'aal a tal pulemal ta balumilal.

Génesis 8:10

La smaliy juqueb xan c'aal, la xcha'loq'ues xan bael ta barco te stsumute.

Génesis 6:3

La yal te Cajwaltique: “Ma xcac' te ya xcuxinic sbajt'el q'uinal te ants-winiquetique, te melel baq'uet nax, wacwinic (120) ya'wilal ya xc'ot yorail juju-jtul”, xi' sc'oplalic yu'un.

Génesis 2:5

ma to ayuc ta lumq'uinal spisil ta jchajp te te'etic wamaletic, melel te Cajwaltic Diose ma to bay ya yac' tel ja'al ta balumilal a, soc ma to ayuc winic te ya x'at'ej ta lumq'uinale.

Génesis 7:3

Ja' nix jich te ja'mal mutetique, juqueb ta jcojt' stat soc juqueb ta jcojt' sme' ta juju-jchajp, swenta yu'un jich me ma xtup' sts'umbal ta spamal balumilal.

Génesis 8:2

Majq'uic te bay t'om loq'uel tel ja'etic ta mar, soc te bay mal coel tel ja'al ta ch'ulchan. Jich com te ja'ale.

Jeremías 28:16

Jich yu'un te Cajwaltic jich ya yal: “Ta melel ya jticunat bael; ja'uc me to, ta swenta ach'ayel ta jc'axel ta q'uinal. Ja' in ja'wil to ya me xlajat, melel ta scaj ac'op la awac' scontroinon te lume”, xi' me ac'oplal yu'un te Cajwaltique —la yut.