Génesis 7:23 - Bible in Tzeltal de Oxchuc y Tenejapa

²³ Jc'axel laj ta balumilal spisil ants-winiquetic soc chambalametic, chanetic, soc spisil ta jchajp mutetic. Stuquel xanix cuxul jilel te Noé, soc spisil bitic cuxajtic sjoinej ta barco.

Bible in Tzeltal Bachajón

²³ Hich laj spisil bintic cuxajtic ta sba te bahlumilal: ants-winiquetic, chambahlametic, chanetic, soc mutetic lajic ta bahlumilal, stuquel xanix cuxul hilel te Noé soc te mach'atic sjoquinej ta barco.

Génesis 7:23 Referans Kwoze

2 Pedro 2:5

Ja' nanix jich uuc te namey q'uinal ants-winiquetic ta balumilale, ma ba pasbotic perdón yu'un te Diose. La yac' taluc pulemal ta stojolic te bit'il ma ba ich'ot ta muc' yu'unic la yile. Ja' nax la yich' coltayel te Noé, te la yat'elin xcholel te lequil cuxlejal ta q'uinale, soc te juctul xane.

1 Pedro 3:20

Ja' xch'ulelic te mach'atic ma la xch'uunic mandal ta namey te c'alal ay ta q'uinal a te Noé. Dios ts'icbotic yu'un, ja' to c'alal ju' ta pasel te barco ta bay ma tsoboluc te colique. Waxactul nax te la yich' coltayel te ma ba lajic yu'un te ja'e.

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

2 Pedro 3:6

Ja' nix ta swenta ja' te laj ta pulemal te balumilale.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

2 Pedro 2:9

Jich chican ta jamal te ya xju' yu'un te Cajwaltic te ya yac' ta libre yu'un sujel te mach'atic jun yo'tan yac'oj sbaic ta stojol. Soc ya to sq'uej te mach'atic ma tojuc yo'tanique, swenta yu'un ya yac'bey castigo c'alal ya sta sc'aalelal te ich'el ta c'ope.

Proverbios 11:4

Ma xtuunix c'ulejalil a ta yorail te castigoe; yan te toj-o'tanile ya x'ac'awan ta libre yu'un te lajele.

Salmos 91:1

Te mach'a ay ta canantayel yu'un Dios te mero Toyole, te ay ta yaxinal te Mach'a Spisil ya xju' yu'une,

Job 5:19

Ta spisil ora ya scoltayat loq'uel a te bila chujc'ule, ma xyac' te ya staat te bitic amene.

Salmos 91:7

Ay me jmil ya xlajic ta stojol aq'uexen soc ay me lajunmil ya xlajic ta awa'el; ja'uc me to, ma'yuc bi ya staat, ni jtebuc te ja'ate.

Génesis 6:17

Melel ya xtal pulemal cu'un ta balumilal, ya me xlaj spisil ants-winiquetic soc chambalametic te cuxajtic ta yanil ch'ulchan. Spisil ya xlaj bitic ay ta balumilal.

Génesis 8:18

Jich loc' ta barco te Noé, te snich'nab, te yinam, soc yinamic te snich'nabe.