Génesis 7:21 - Bible in Tzeltal de Oxchuc y Tenejapa

²¹ Jich laj spisil ants-winiquetic ta balumilal, soc mutetic, soc alaq'uil chambalametic soc te yantic ja'mal chambalametic, soc spisil chambalam te staslajan ya xbeen ta balumilale.

Bible in Tzeltal Bachajón

²¹ Hich laj spisil bintic cuxajtic ta bahlumilal: mutetic, alaq'uil chambahlametic soc ha'mal chambahlametic, spisil bintic staslajan ya xbehen ta lumq'uinal, soc spisil ants-winiquetic.

Génesis 7:21 Referans Kwoze

Génesis 6:13

jich la yalbey te Noé: —Jnopojix te ya jtup' spisil ants-winiquetic, yu'un ja' ta swentaic te bayal uts'inwanej ta balumilale. Jich yu'un pajal me ya jlajin soc spisil te bitic aye.

Génesis 7:4

Melel ta sjuquebal c'aal ya xtal ja'al cu'un ta balumilal cha'winic c'aal soc cha'winic ajc'ubal, soc ya me jtup' spisil bitic cuxajtic te pasbil cu'un ta balumilal —xi'.

Génesis 6:17

Melel ya xtal pulemal cu'un ta balumilal, ya me xlaj spisil ants-winiquetic soc chambalametic te cuxajtic ta yanil ch'ulchan. Spisil ya xlaj bitic ay ta balumilal.

Romanos 8:20

Melel te bitic pasbile, ch'ay ta jc'axel te yutsilale. Ma yolojuc te bolobe. Melel ja' nix Dios te la yac' c'otuc ta pasele. Ja'uc me to, ay ta yo'tan te ya to xlecube,

2 Pedro 2:5

Ja' nanix jich uuc te namey q'uinal ants-winiquetic ta balumilale, ma ba pasbotic perdón yu'un te Diose. La yac' taluc pulemal ta stojolic te bit'il ma ba ich'ot ta muc' yu'unic la yile. Ja' nax la yich' coltayel te Noé, te la yat'elin xcholel te lequil cuxlejal ta q'uinale, soc te juctul xane.

Romanos 8:22

Jna'ojtic stojol te ay ta ajc'an spisil te bitic pasbile, ja' to ta ora to. Yac ta nacbal yu'un xc'uxul, jich bit'il jtul ants te ya x'ayin te yale.

San Lucas 17:27

Yacalic ta we'el-uch'ajel, soc yacalic ta nujbinel, soc yacalic ta ch'omtayel, ja' to te bi c'aalil och ta barco te Noeje. Tal te pulemale. Jich lajic ta spisilic.

San Mateo 24:39

Ma la sna'ic stojol te bila ya xc'ot ta pasele, ja' to te tal te pulemale. Jich lajic ta spisilic. Ja' nanix jich te c'alal ya xtal te Nich'anile.

Sofonías 1:3

Ya jlajin te ants-winiquetic soc te chambalametique; ya jlajin te mutetic soc te chayetique. Ya sc'ojch'in sba te mach'atic amen yo'tanique; soc ya jch'ay ta balumilal te ants-winiquetique —xi'. Tulan ya yal xan te Cajwaltique:

Joel 2:3

Pajalic soc c'ajc', te spisil ya slajine. Ya xchic'awan te c'alal ma to xc'ax ae, soc manchuc me c'axemix a, pero ya to xchic'awan xan a. Te c'alal ma to xjulic ae, mero c'ax t'ujbil te q'uinale; te c'alal ya xbajt'ique, pajal soc jochol taquin q'uinal ya xjil yu'unic. Ma'yuc bila col jilel yu'unic.

Oseas 4:3

Jich yu'un te lumq'uinal yaquix yoc'taybel sba c'oem; ma'yuquix yipic te mach'atic tey ayic ae, soc ma'yuquix yipic te ja'mal chambalametic soc te mutetique, ja' nix jich ya xlajic te chayetic ta mar.

Isaías 24:19

Te balumilal xiweltic me sba ta nijq'uel, ya me xyuq'uilayot, wuyultic nax me ya xbajt'.

Isaías 24:6

Ja' swentail te bolob sc'oplal, tic' laj a te balumilale; jich yu'un te mach'atic nainemic tey a, ya xc'ax swocolic yu'un te castigo. Ja' swentail te mach'atic nainemic ta balumilal peq'uelix yajtalul, jteb xanix cuxulic jilel te ants-winiquetique.

Génesis 1:25

Dios la spas spisil chambalametic ta balumilal ta juju-jchajp. Lec la yil te Diose.