Génesis 6:9 - Bible in Tzeltal de Oxchuc y Tenejapa

⁹ Ja' sc'oplal te Noé. Toj yo'tan te Noé, spisil ora la xch'uunbey smandal te Diose. Ta spisil mach'atic ayic ta q'uinal, ja' nax lec yo'tan stuquel; ya spasbey sc'anjel yo'tan Dios ta spisil ora.

Bible in Tzeltal Bachajón

⁹ Hich ay sc'oblal te yorahil Noé. Toj ta winiquil te Noé; ha nax te lec yo'tan stuquel ta yohlil te ants-winiquetic ta hich ora. Behen soc Dios te Noé.

Génesis 6:9 Referans Kwoze

San Lucas 1:6

Ta xchebalic lec yat'elic ta stojol te Diose, soc xch'uunejbeyic spisil smandal te Cajwaltique. Ma xwejt' ta leel te smulique.

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

2 Pedro 2:5

Ja' nanix jich uuc te namey q'uinal ants-winiquetic ta balumilale, ma ba pasbotic perdón yu'un te Diose. La yac' taluc pulemal ta stojolic te bit'il ma ba ich'ot ta muc' yu'unic la yile. Ja' nax la yich' coltayel te Noé, te la yat'elin xcholel te lequil cuxlejal ta q'uinale, soc te juctul xane.

Génesis 7:1

Te Cajwaltic la yalbey te Noé: —Ochan ta barco soc spisil mach'a ay awu'un, melel ta spisil te mach'atic ay ta q'uinal, ja'at nax atuquel te ya apasbon sc'anjel co'tan ya quile.

Génesis 5:24

Sjoinej Dios te la spasbey sc'anjel yo'tan. C'ot yorail te ma chicanuc bay bajt', ic'ot bael yu'un Dios.

Gálatas 3:11

Jamal chican te ma'yuc mach'a toj ya x'ilot yu'un Dios yu'un te bit'il yat'elinej spasel te bi ya yal te mandalile. Melel jamal ts'ibubil jilel ta Sjun te Diose: “Te mach'a toj ya x'ilot yu'un Dios ta swenta te xch'uunjel yo'tane, ja' me ya xcuxin yu'un”, te xie.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Génesis 5:22

Sjoy sba soc Dios te Enoc te la spasbey sc'anjel yo'tane. Patil jo'lajunwinic (300) xan ja'wil cuxin c'alal ayinemix a te Matusalén, soc ay yantic snich'nab, queremetic soc ach'ixetic.

Ezequiel 14:14

Te teyuc nainemic a te Noé, Daniel soc Job ta lumq'uinal in to, ja' nax ya xcolic ta yoxebalic te jichuque, melel toj yo'tan stuquelic. Jo'on Ajwalilon te jich caloje.

Job 1:1

Ta sq'uinal Uz nain jtul winic, Job sbiil. Buen toj yo'tan ain ta stojol Dios, ma'yuc bila amen spasoj stuquel. Soc mero jun yo'tan la yac' sba ta abatinel yu'un te Diose; mero la stsajtay sba ta lec, soc ma'yuc bila amen la spasbey ta stojol yantic.

Génesis 2:4

Jich ay sc'oplal bit'il chicnaj te ch'ulchan balumilale. Te c'alal pastaj yu'un Cajwaltic Dios te balumilal soc te ch'ulchane,

1 Pedro 2:5

In te ja'exe, jichex uuc te bit'il cuxul tonetique. Ac'a me abaic ta ts'ajc'uyel ta na ta swenta te Espiritue. Jich me ch'ul sacerdoteex yu'un Dios ya xc'oex te ya awac'beyic milbil majt'anil ta swenta Espíritu te lec yo'tan Dios yu'un ta swenta te Jesucristoe.

Eclesiastés 7:20

Melel ma'yuc ni jtuluc ta balumilal te mero toj, te spisil ora ja' ya spas te bila leque, te ma'yuc ya sleix smule.

Hechos 10:22

La yalic: —Ja' la sticunotic tel te Cornelio te centurión cu'untique te toj ta winiquile, soc te xi'oj te Diose, soc te lec sc'oplal yu'un spisil te judioetique. Ja' albot mandal yu'un te ch'ul abat te ya sticunat ta iq'uel te ya xbaat ta snae, swenta yu'un ya yaiy stojol te bila ya awalbeye —xiic.

Ezequiel 14:20

te teyuc nainemic a te Noé, Daniel soc Job, ma ba xju' yu'un scoltaybelic ni squerem-nich'nabic, ni yantsil-nich'nabic te jichuque. Stuquel nax ya xcolic ta scaj te toj yo'tan stuquelic te jichuque. Jo'on te cuxul Ajwalilon, te jich caloje.

Job 1:8

Jich albot yu'un te Cajwaltic: —¿La bal awilbon te cabat Job? Ma'yuc mach'a yan jich pajal soc ta balumilal te mero jun yo'tan yac'oj sba ta abatinel ta jtojole, soc te mero toj yo'tan cuxul ta q'uinale. Ma'yuc bila amen spasoj, soc stsajtayej sba te ma'yuc mach'a ya yuts'in ta q'uinal stuquele —xi'.

Romanos 1:17

Melel ya yal te lec yach'il c'ope te ja' toj ya x'ilot yu'un Dios te mach'a ay xch'uunjel yo'tane. Jich nix te bit'il ts'ibubil jilele: “Te mach'a toj ya x'ilot yu'un Dios ta swenta xch'uunjel yo'tane, ja' me ya xcuxin yu'un”, te xie.

San Lucas 23:50

Ay jtul winic José sbiil te talem ta ch'in lum Arimatea te ay ta sq'uinal Judea. Lec yo'tan soc toj yat'el, soc miembro yu'un uuc te Muc'ul Tsoblej yu'un te judioetique.

San Lucas 2:25

Ay jtul winic te ainem ta lum Jerusalén te Simeón sbiile. Toj ta winiquil, soc yich'oj ta muc' te Diose. Jun yo'tan yac ta smaliyel te bi ora ya yich' coltayel ta libre te lum Israele. Te Simeone sjoinej te Ch'ul Espiritue.

Habacuc 2:4

Ts'ibuya te ma ba xjalajic te toybaetic te c'ax amen yo'tanique; yan te mach'atic tojique ta swenta te bit'il jun yo'tanic ta stojol Dios ya me xcuxinic —xi' te Cajwaltique.

Proverbios 4:18

Te be yu'unic te mach'atic toj yo'tanique, jich c'oem te bit'il saquil q'uinal te c'alal ya sacub tel q'uinal ta jujun sabe, yac ta sacubel tel te q'uinale, asta ya sacub ta lec.

Salmos 37:37

Ja' me x'awil te mach'a lec sc'oplal soc te lec yat'el, melel te bila ya xc'ot ta swenta, ja' te lamal q'uinale.

2 Crónicas 15:17

Manchuc me ma ba loq'uem yu'un stuquelic te israeletic te toyol ch'uunjibal, te Asa jun nax yo'tan la yac' sba ta stojol Cajwaltic.

Génesis 48:15

Jich te mamal Israel la sc'anbey bendición ta stojol José: —Te Dios te jun yo'tan la xch'uunic te jmam Abraham soc te jtat Isaac, ja' te Dios te scanantayejon c'alal ora yo'tic,

Job 12:4

“Manchuc me ma'yuc bila jpasoj soc manchuc me toj ayon, soc ta yan c'aal la yaiybon te Dios te la calbey wocole, yo'tic te camigotac ya stse'luyonic.

1 Reyes 3:6

La sjac' te Salomón: —Ja'at bayal la ac'uxtay te anima jtate, ja' te awabat David, ta swenta te bi yilel been ta atojole, ja' te jun yo'tan ain ta atojol soc te la spas te bila toj ta pasele, soc te toj yo'tan la yac' sba ta atojole. Ja' yu'un bayal la ac'uxtay, soc la sc'an awo'tan te jtul snich'an la awac' najc'ajuc ta smuc'ul nactijibe, jich te bit'il c'otix ta pasele.

2 Crónicas 25:2

Te yat'el Amasías lec ta sit Cajwaltic, pero ma mero jc'axeluc lec la yac' sba.

Génesis 10:1

Jich ay te lista yu'un te sts'umbal Noé: ja' te Sem, Cam soc Jafet. Ayin yal-snich'anic c'alal c'axix a te pulemale.

Génesis 5:1

Jich ay te lista yu'un sts'umbal Adán. C'alal Dios la spas te ants-winic, pajal yilel soc Dios te la spase.

Génesis 6:10

Ayin snich'nab te Noé: Sem, Cam, soc Jafet sbiilic te oxtul snich'nabe.

Deuteronomio 18:13

Ya me sc'an te mero toj awo'tanic ya x'ainex ta stojol te Diose.

2 Samuel 22:24

Toj ayon ta beel ta stojol, ma'yuc jtaoj jmul; jilem cu'un te bitic amene.

Salmos 37:39

Te coltayel ya xjul ta stojolic te mach'atic lec yo'tanic, ja' ya yac' tel te Cajwaltique, ja' me ya sta yipic yu'un ta yorail teme ay bila chujc'ul ae.