Génesis 6:8 - Bible in Tzeltal de Oxchuc y Tenejapa

⁸ Yan te Noé lec ilot yu'un Cajwaltic stuquel.

Bible in Tzeltal Bachajón

⁸ Yan te Noé lec ilot yu'un Jehová stuquel.

Génesis 6:8 Referans Kwoze

Génesis 19:19

Te bit'il lec awo'tanic cu'un te awabatone, soc te bit'il la ac'uxtayonic, cuxul la acoltayonic loq'uel tel; ja'uc me to, ma xju' ya x'anon bael ta witstiquil teme repente ay jwocol ya xc'oon, soc teme repente ya xlajon ta be.

Hebreos 4:16

Jich yu'un jun co'tantic ac'a noptsajucotic bael ta smuc'ul nactijib te Diose, te bayal yutsil yo'tan cu'untic stuquele, swenta yu'un jich me ya jtatic c'uxtayel yu'un. Melel ta swenta nax yutsil yo'tan ya scoltayotic teme ay bila ay jwocoltic yu'une.

San Lucas 1:30

Albot xan yu'un: —María, ma me xiwat, melel awich'ojix c'uxtayel yu'un te Diose.

Salmos 84:11

Melel te Diose, te Cajwaltique, ya yac'otic ta saquil q'uinal, soc ja' jmajq'uiltic stuquel. Te Cajwaltic c'ux ta yo'tan ya yaiy te mach'atic toj bitic ya spasic ta q'uinale, soc ya yich' ta wenta stuquel. Ma me ayuc bila ma x'ac'botic, melel spisil te bitic leque ya me x'ac'botic stuquelic.

Tito 2:11

Melel la yaq'uix ta ilel te Diose te bit'il ay yutsil yo'tan cu'untic te bit'il ja' ta swenta te ayix colel yu'un ta stojol spisil te ants-winiquetique.

1 Corintios 15:10

Ta swenta nax yutsil yo'tan Dios te jich c'ot ta jwentae. Soc ma tojoluc te bit'il ay yutsil yo'tan cu'une, yu'un c'ax jich at'ejemonix te bit'il at'ejemic spisil te yantique. Ja'uc me to, ma jo'ocon cat'el jtuquel, yu'un ja' at'ej ta jwenta te yutsil yo'tan te Diose.

Proverbios 3:4

Jich me lec ac'oplal ya xc'oat yu'un, soc ya me yich'at ta wenta te Diose soc te ants-winiquetique.

Salmos 145:20

Te mach'atic c'ux ta yo'tanic te Cajwaltique, ya xcanantayot ta lec; yan te mach'atic amen yo'tanic ya sjinbey xcuxlejal stuquelic.

Romanos 4:4

Yan te mach'a ya x'at'eje, ma smajt'anuc te bila ya x'ac'bote. Yu'un nanix stojol sc'ab stuquel.

Hechos 7:46

Te bit'il lec yo'tan Dios yu'un te muc' ajwalil Davide, jich la sc'anbey Dios te yacuc x'ac'bot spasbey sna te Dios yu'un te Jacobe.

Proverbios 12:2

Te mach'a lec yo'tan, lec sc'oplal yu'un Cajwaltic; yan te mach'a ma lecuc bila snopoj ta yo'tane, ya yac'bey castigo yu'un.

2 Pedro 2:5

Ja' nanix jich uuc te namey q'uinal ants-winiquetic ta balumilale, ma ba pasbotic perdón yu'un te Diose. La yac' taluc pulemal ta stojolic te bit'il ma ba ich'ot ta muc' yu'unic la yile. Ja' nax la yich' coltayel te Noé, te la yat'elin xcholel te lequil cuxlejal ta q'uinale, soc te juctul xane.

Proverbios 8:35

Melel te mach'a ya staone, la me sta xcuxlejal stuquel; soc ya yac' lecubuc yo'tan ta stojol te Cajwaltique.

Jeremías 31:2

Te Cajwaltic ya yal: —Ta jochol taquin q'uinal la cac'bey yil yutsil co'tan ta stojol te lum colic xan ta lajele. C'alal la sleic ta bay ya xcux yo'tan Israel,

2 Timoteo 1:18

Ac'a me yich' c'uxtayel yu'un Cajwaltic te bi ora ya sta sc'aalelal te ya xcha'tal xane. Te ja'ate ana'oj ta lec te bit'il bayal la yac' sba ta abatinel cu'untic ta lum Efeso.

Gálatas 1:15

Ja'uc me to, Dios la stsaon te c'alal ayon to ta xch'ujt' a te jme'e. La yic'on ta swenta nax te yutsil yo'tane.

Romanos 11:6

Teme ta swenta yutsil yo'tan te Diose, jich ma ja'uquix ta swenta te yutsil yat'elique. Te ja'uc ta swenta yat'elic, jich ma ja'uquix ta swenta te yutsil yo'tan te Diose.

Tito 3:7

swenta yu'un lec ya yilotic te Diose ta swenta nax te yutsil yo'tane. Jich me ay ta jwentatic te ya quich'tic jcuxlejaltic sbajt'el q'uinal, jich bit'il te maliybil cu'untique.

San Mateo 24:37

“Jich bit'il ta yorail te Noeje, ja' nanix jich te c'alal ya xtal te Nich'anile.

San Lucas 17:26

Jich bit'il ta yorail te Noeje, ja' nanix jich yilelic a te c'alal ya xtal te Nich'anile.

1 Pedro 3:20

Ja' xch'ulelic te mach'atic ma la xch'uunic mandal ta namey te c'alal ay ta q'uinal a te Noé. Dios ts'icbotic yu'un, ja' to c'alal ju' ta pasel te barco ta bay ma tsoboluc te colique. Waxactul nax te la yich' coltayel te ma ba lajic yu'un te ja'e.

Ezequiel 14:14

Te teyuc nainemic a te Noé, Daniel soc Job ta lumq'uinal in to, ja' nax ya xcolic ta yoxebalic te jichuque, melel toj yo'tan stuquelic. Jo'on Ajwalilon te jich caloje.