Génesis 6:7 - Bible in Tzeltal de Oxchuc y Tenejapa

⁷ jich yu'un la yal: “Ya me jtup' ta balumilal spisil ants-winiquetic te pastajem cu'un, soc te chambalametic, te chanetic te ya stas sbaic ta beel, soc te mutetique, yu'un tojol pastaj cu'un”, xi'.

Bible in Tzeltal Bachajón

⁷ Ha yu'un la yal te Jehová: Ya me jlajin ta sba te bahlumilal spisil ants-winiquetic te pasbil cu'un, spisil chambahlametic, te bintic ya stas sba ta behel, soc te mutetic ya xwihlic ta toyol, como ya jsuht jc'op yu'un te la jpasticlan, xchi.

Génesis 6:7 Referans Kwoze

Sofonías 1:3

Ya jlajin te ants-winiquetic soc te chambalametique; ya jlajin te mutetic soc te chayetique. Ya sc'ojch'in sba te mach'atic amen yo'tanique; soc ya jch'ay ta balumilal te ants-winiquetique —xi'. Tulan ya yal xan te Cajwaltique:

Salmos 37:20

Te mach'atic amen yo'tanic ya me xtilic jichuc taquin ac stuquelic; te mach'atic scontroinejic te Cajwaltique jich me ya xch'ayic bael te bit'il ya xch'ay bael te ch'aile.

Proverbios 16:4

Te Cajwaltic la xchicnantes spisil, yu'un ay swentail ta yo'tan; ja' nix jich la xchicnantes te mach'a amen yo'tane, swenta yu'un ya yich' castigo ta slajibal c'aal.

Proverbios 10:27

Te mach'a ya yich' ta muc' te Cajwaltique, ya xnajt'aj xcuxlejal yu'un; yan te mach'a amen yo'tane, ya xcombot xcuxlejal stuquel.

Oseas 4:3

Jich yu'un te lumq'uinal yaquix yoc'taybel sba c'oem; ma'yuquix yipic te mach'atic tey ayic ae, soc ma'yuquix yipic te ja'mal chambalametic soc te mutetique, ja' nix jich ya xlajic te chayetic ta mar.

Génesis 6:6

Jich yu'un bayal la smel yo'tan yu'un te la spas te ants-winiquetique. C'ax to xan la smel yo'tan,

Génesis 7:4

Melel ta sjuquebal c'aal ya xtal ja'al cu'un ta balumilal cha'winic c'aal soc cha'winic ajc'ubal, soc ya me jtup' spisil bitic cuxajtic te pasbil cu'un ta balumilal —xi'.

Génesis 7:21

Jich laj spisil ants-winiquetic ta balumilal, soc mutetic, soc alaq'uil chambalametic soc te yantic ja'mal chambalametic, soc spisil chambalam te staslajan ya xbeen ta balumilale.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Deuteronomio 28:63

Jich te bit'il bin nax yo'tan la yac'bat awutsilal, soc te la yac' esmajan te Cajwaltic Diose, ja' ni me jich bin nax yo'tan ya sjinat soc ya slajinat. Ora nax me ya awich' bulel loq'uel tey ta lumq'uinal ya awich'e,

Deuteronomio 29:20

Te Cajwaltic ma me ja'uc ya xbajt' ta yo'tan pasulayel-perdón, ja' nax me ya yac'bey tel te yilimba ta stojol te mach'a jich ya yale. Ya me xc'ot ta swenta te bitic castigo albilix sc'oplal ta libro in to. Te Cajwaltic ya me stup'bey sts'umbal ta jc'axel ta lumq'uinal.

1 Samuel 15:11

—Ma lecuc ya caiy te ja' och ta muc' ajwalil te Saúl. Melel la spijt'esix sba, ma ba la xch'uunbon te bi la calbey spase —xi'. Te Samuel mero ma ba lec la yaiy, sjunal ajc'ubal la yalbey bayal wocol te Cajwaltic yu'une.

Amós 7:3

Jich yu'un te Cajwaltic la snop xan te bila xchapoj ta yo'tane, jich la yal: —Ma me xc'ot ta pasel —xi'.

Amós 7:6

Jich yu'un te Cajwaltic la scom sba ta spasel te bila xchapoj ta yo'tane, soc jich la yal: —Ma me xc'ot ta pasel jiche —xi'.

Sofonías 1:2

Tulan ya yal te Cajwaltique: —Jc'axel me ya jlajin ta spisil te bitic ay ta sba te balumilale.

Sofonías 1:18

Ta sc'aalelal yilimba te Cajwaltique, te ants-winiquetic ma xcoltayotic yu'un te plata soc te oro yu'unique. Melel te sc'aal yilimba Cajwaltic ya xlilaj ta c'ajq'uel yu'un spisil te lumq'uinale. Spisilic te mach'atic ayic ta balumilal ajc' nax ya yich'ic jinel ta jyalel.

Isaías 27:11

Te sc'ab te' ya yich' c'asel coel te c'alal ya xtaqueje; jich yu'un te antsetic ya stsobic, soc ya spas sc'ajq'uic a. Jich te lum te ma'yuc sp'ijile. Jich yu'un te Mach'a chicnantesot yu'une, ma sna'bey yo'bolil sba yu'un; te Mach'a pasot yu'une ma xc'uxtay.