Génesis 6:6 - Bible in Tzeltal de Oxchuc y Tenejapa

⁶ Jich yu'un bayal la smel yo'tan yu'un te la spas te ants-winiquetique. C'ax to xan la smel yo'tan,

Bible in Tzeltal Bachajón

⁶ Te Jehová la smel yo'tan yu'un te la spas te ants-winiquetic; tal sc'uxul ta yo'tan.

Génesis 6:6 Referans Kwoze

Isaías 63:10

Ja'uc me to, la stoy sbaic ta scontroinel te Cajwaltique, soc la yac'bey smel yo'tan te ch'ul espíritu yu'une. Jich yu'un te Cajwaltic la scontroin, jich ac'botic guerra yu'un.

1 Samuel 15:11

—Ma lecuc ya caiy te ja' och ta muc' ajwalil te Saúl. Melel la spijt'esix sba, ma ba la xch'uunbon te bi la calbey spase —xi'. Te Samuel mero ma ba lec la yaiy, sjunal ajc'ubal la yalbey bayal wocol te Cajwaltic yu'une.

Efesios 4:30

Ma me xawaq'uic ta mel-o'tan te Ch'ul Espíritu yu'un te Diose, te melel ja' sello awich'ojic yu'un Dios, ja' to teme la sta sc'aalelal te jc'axel ya xcolex yu'une.

Hebreos 3:10

Ja' swentail te ilinon ta stojol in ants-winiquetic to, soc jich la cal yu'un: ‘Spisil ora jowejem yo'tanic, soc ma sc'an st'unbonic te jbee’, te xoone.

1 Samuel 15:29

Melel te Diose, te ja' yutsilal te Israel, ma sna' lot soc ma patiluc ya sut sc'op. Melel ma pajaluc soc mach'auc nax winiquil te patil ya sut sc'ope —xi'.

2 Samuel 24:16

Te c'alal nopol ya slajinix a te Jerusalén te ch'ul abate, te Cajwaltic la sujt'es sc'op, la scom te ch'ul abat yu'un yac ta lajinwaneje: —Tiq'uix a. Ma xalajinix —xi'. Jich quejch'aj te lajele. Te ch'ul abat yu'un te Cajwaltic, ja' yorail tey ay bael ta banti yac ta sloq'uesel spat strigo te Arauna te jebuseo-winique.

Números 23:19

Te Dios ma jichuc te bit'il mach'a ya xlaje: Ma spas lot, ma sujt'es sc'op. Teme ay bila ya yal, ya sc'otes ta pasel. Teme ay bila ya yal ta jamal te ya spase, ya sc'otes ta pasel te sc'ope.

Jonás 3:10

La yil Dios te bila yacalic ta spasel te níniveetique. Te bit'il yacalic ta sujt'esel yo'tanic yu'un te bila ma lecuc yacalic ta spasele, jich ma ba la yac' c'otuc ta pasel ta stojolic te lajel la sticun ta alele.

Joel 2:13

Sujt'anic tel ta stojol te Awajwalic, te Dios awu'unique. Jatsaic jichuc pac' te awo'tanique, ma ja'uc x'ajatsic te ac'u'ique. Melel te Cajwaltique, sts'ujetotic ta yo'tan, ya sna' yo'bolil jbajtic; ay perdón ta yo'tan stuquel, mero c'uxotic ta yo'tan. Spisil ora ya xju' yu'un te ya slajinbey sc'oplal te castigoe.

Éxodo 32:14

Te Cajwaltic la sujt'es sc'op, scaj te la yalbey te Moisés te ma xyuts'in te lum yu'une.

Ezequiel 33:11

Melel jo'on te cuxul Ajwalilon, ya cal ta jamal: Ma jc'an te ya xlaj te mach'a amen yo'tane, ja' ya jc'an te ya stojtes te yat'el soc te ya xcuxin xane. Israel, ijq'uitaya te apocol acuxlejal awich'oj ta ora in to. ¿Bi yu'un jiche te ya xlajate?” uta me.

Jeremías 26:19

“¿Te muc' ajwalil Ezequías soc spisil te lum Judá, la bal smilic te Miqueas? Ma jichuc la spas. Te muc' ajwalil la xi' te Cajwaltique. Och ta sc'anel te yacuc xna'bot yo'bolil sba yu'une. Jich yu'un, te Cajwaltic ma la sticun tel ta stojolic te woclajel te yalojbeyix sc'oplale. ¿Ja' bal ya xc'ot ta jwentatic xcuchel yuts'inel ta milel te mach'a muc' sc'oplale? —xiic.

1 Crónicas 21:15

Te Dios la sticun ch'ul abat ta sjinel te Jerusalén. Te c'alal yaquix ta jinwanej a te ch'ul abate, te Cajwaltic la yil te Jerusalén, c'ux la yaiy ta yo'tan yu'un te uts'inele. La yalbey mandal te ch'ul abat te yac ta milawe: —¡Tiq'uix a, comaix aba! —la yut. Te ch'ul abat yu'un te Cajwaltic tey nopol teq'uel a ta bay yawil swuyjibal spat strigo te Ornán te jebuseo-winique.

Isaías 48:18

Ja' mero lec te lajuc awich' ta muc' te mandaliletic cu'une. Te jichuque, te awutsil-alequile jich a muc'ub c'oem te bit'il snojel ja'; jich me lec c'oat ta loq'uel te bit'il xquechet ya xbeen yip te mar.

Salmos 106:45

te Diose la sna' xan te trato yu'un soque. Jich la sujt'es sc'op, melel te xc'uxul yo'tan c'ax muc' ta jyalel.

1 Samuel 15:35

Te Samuel tey ma'yuquix bi ora la yilbey xan sit a te Saúl, manchuc me bayal la smel yo'tan yu'un te la sut sc'op te Cajwaltic ta stojol Saúl te la yac' ochel ta muc' ajwalil ta Israel.

Deuteronomio 32:36

Te Cajwaltique ya me xloc' ta scoltayel te lum yu'un, teme ya yil te ma'yuc te yipe; te Cajwaltic ya me sna'bey yo'bolil sba te abatetic yu'un, te c'alal ya yil te ma'yuquix jilem mach'atic ay yipic.

Deuteronomio 32:29

Te ayuc sp'ijil yo'tanic, ya xc'ot ta yo'tanic te bi c'oem ta pasel te jichuque.

Deuteronomio 5:29

¡Bayal me yutsil teme spisil ora jich ay te yo'tanique, te yacuc yich'onic ta muc' soc te yacuc spasic spisil ora te bila ya yal te mandaliletic cu'une, swenta yu'un bin nax me yo'tanic ya x'ainic soc yal-snich'nab ta spisil ora!

Santiago 1:17

Spisil bila lec te quich'ojtique soc spisil jmajt'antic te jelawen yutsile, coem tel ta cajal spisil, te ja' yac'ojbotic te Jtatic te la spas te c'aal, u, soc eq'uetique. Stalel ay stuquel, soc xujt' ma xyanaj te xojobile.

Hebreos 3:17

¿Soc mach'atic a te cha'winic ja'wil ilinem Dios ta stojolique? ¿Ma bal ja'uc te mach'atic la sta smulic soc te lajic jilel ta bay te muc'ul jochol taquin q'uinale?

Malaquías 3:6

“Jo'on Ajwalilon, ma'yuc bay yanajem co'tan. Jich ma ba jtup'ex ta q'uinal te sts'umbalex Jacob.

Oseas 11:8

“¿Bit'il c'an quijq'uitayat ta co'tan, Efraín? ¿Bit'il c'an ch'ayucat ta co'tan, Israel? ¿Jich bal c'an jinat te bit'il la jin te lum Adma, jich bal ya jpasbat ta atojol te bit'il la jpasbey te lum Zeboim? Bayal ya xc'opoj co'tan awu'un; ta spisil co'tan ya jna'belat yo'bolil aba.

Salmos 119:158

Ma xcujch'ix cu'un te bila muquen ya spasic te mach'atic ma xch'uunic te mandaliletic awu'une.

Salmos 110:4

Te Cajwaltic ay bila yaloj ta jamal, ma xju' ya xcha'sujt'es xan te sc'ope: “Ja'at sacerdoteat swenta sbajt'el q'uinal, te ja' nix pajal sacerdote ayat soc te Melquisedec”, xi'.

Salmos 95:10

Cha'winic (40) ja'wil ilinon yu'un te alnich'an cu'une, soc jich la cal yu'un: “Te ants-winiquetic q'uejel nix baem yo'tanic a; ma xch'uunbonic te mandaliletic cu'une.

Salmos 81:13

Te lajuc yaiybon jc'op te lum cu'une, te lajuc st'unbon te beetic cu'un te Israel,

Salmos 78:40

Bayal buelta la xc'axintaybeyic smandal te Diose; la yac'beyic smel yo'tan ta jochol taquin q'uinal.

Romanos 11:29

Melel teme Dios la yal te ya xc'uxtaywane, soc te ay mach'a ya x'ic'ot yu'une, ma ba ya sujt'es sc'op stuquel te Diose.

Génesis 6:7

jich yu'un la yal: “Ya me jtup' ta balumilal spisil ants-winiquetic te pastajem cu'un, soc te chambalametic, te chanetic te ya stas sbaic ta beel, soc te mutetique, yu'un tojol pastaj cu'un”, xi'.

Jeremías 18:7

Teme ay bi ora ya calbey sbulel, syalesel ta lum soc sjinel jpam nación,