Génesis 6:5 - Bible in Tzeltal de Oxchuc y Tenejapa

⁵ La yil te Cajwaltic te bit'il toyix te bila amen ya spasic te mach'atic ayic ta balumilale, soc la yil te bit'il ma lecuc te bitic ya snopilay ta yo'tanic spisil ora.

Bible in Tzeltal Bachajón

⁵ La yil te Jehová te bayel bintic chopol yac spasbelic te mach'atic ayic ta bahlumilal, soc te spisil ora ma lecuc te bintic ya snopticlan ta yo'tanic.

Génesis 6:5 Referans Kwoze

San Mateo 15:19

Melel ta yo'tanic ya xcaj snopic te ants-winiquetic te bila amen ta pasele: Ja' te milawe, soc te mulweje, soc yalel ta mulil, soc elec', soc le-c'op, soc toyba-c'op.

Jeremías 4:14

Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Jeremías 17:9

“Bayal ya xlo'laywan te o'tanile. Nojel ta mulil ta jyalel, ma'yuc yan bila pajal soc. Ma'yuc mach'a ay sp'ijil yu'un sna'el.

Eclesiastés 9:3

Te bila amen ya xc'ax ta pasel ta balumilale, ja' te pajal quechel ya xc'ot ta swentaic spisilique. Soc yan xan, te bila ya snop ta sjol soc ta yo'tan te ants-winique, nojel ta bila amen; ja' te mulile, ja' u'uninbil yu'un ta sjol te jayeb c'aal cuxule. Te bila mero slajibale, ja' te c'oel ta muquenale.

Eclesiastés 7:29

Ja' nax jtaoj in to: ja' te bit'il buen toj yo'tan pasot yu'un Dios te ants-winiquetique, pero te ants-winiquetic chujc'ulajix yu'unic te xcuxlejalique.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Salmos 53:2

C'alal ta ch'ulchan ya x'ilot yu'un Dios te ants-winiquetique, ja' ya sle yil teme ay mach'a ay sp'ijil yo'tan, teme ay mach'a ya sle te Diose.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

Ezequiel 8:9

Jich la yalbon: —Ochan, ya me awil te bitic mero ilaybil sba te yacalic ta spasele —xi'.

Génesis 13:13

Ja'uc me to, amen yat'elic te yajwal lum Sodoma, mero jmulawiletic ta stojol te Cajwaltique.

Ezequiel 8:12

La yalbon xan: —¿Ya bal awil te bila muquen ya spasic te principaletic yu'un te israeletique? Ta juju-jtul ay yawil sloc'ombaic ta ch'ujt' pajc' yu'unic. Ya scuyic te ma ba yacon ta yilele, soc te la quijq'uitayix te lumq'uinale —xi'.

Proverbios 6:18

ja' te mach'a te ya xchajban bitic swenta ixta-o'tanil, ja' te mach'a te bin nax yo'tan ya x'animaj ta spasel te bila amene,

Deuteronomio 29:19

“Te c'alal ya xlaj awaiyic te bitic jc'axel chapale, teme ay jichex te jc'axel ya scuy sba te mero lec ay stuquele, teme jich ya yale: “Spisil me lec ya xloc' cu'un, manchuc me ja' ya jpas te bila ya sc'an te co'tane”, teme xi' jajch'ele, ja' me ajinjibalic ya xc'otix ta apisilic abi.

Job 15:16

ja'uc to balix a jiche te winic te boloben soc te ilaybil sba, te ya yuch' c'oem te bila amen te bit'il ay ta uch'el te ja'e.

San Mateo 24:37

“Jich bit'il ta yorail te Noeje, ja' nanix jich te c'alal ya xtal te Nich'anile.

San Lucas 17:26

Jich bit'il ta yorail te Noeje, ja' nanix jich yilelic a te c'alal ya xtal te Nich'anile.

1 Pedro 3:20

Ja' xch'ulelic te mach'atic ma la xch'uunic mandal ta namey te c'alal ay ta q'uinal a te Noé. Dios ts'icbotic yu'un, ja' to c'alal ju' ta pasel te barco ta bay ma tsoboluc te colique. Waxactul nax te la yich' coltayel te ma ba lajic yu'un te ja'e.

Job 22:15

¿Ja' bal ya at'un te be ay ta ijc' q'uinal te st'unojic te mach'atic ma lecuc yo'tanique?