Génesis 6:4 - Bible in Tzeltal de Oxchuc y Tenejapa

⁴ Te mach'atic najt'il winiquetic chicnajic ta balumilal te c'alal la yic' sbaic soc yantsil-nich'nab winiquetic te snich'nab te Diose. Soc chicnajic xan ta patil bael, ja'ic te mach'atic pujq'uem sc'oplalic te bit'il tulanic ta namey q'uinale.

Bible in Tzeltal Bachajón

⁴ Ha yorahil a te ay muc'ul nahtil ants-winiquetic ta bahlumilal, soc nix ta patil te c'alal la sta sbahic te snich'nab Dios soc te yantsil-nich'nab ants-winiquetic, te ayin yal-snich'nabic. Ha'ic te mach'atic ich'bilic ta muc' te puhquem sc'oblalic ta namey.

Génesis 6:4 Referans Kwoze

Números 13:33

Soc la quiltic tey a te muc'ul najt'il winiquetic te mach'atic sts'umbal Anac. Jich quileltic ta stojolic la caiytic te bit'il c'ulubetic, soc jich wan la yilotic te jo'otique —xiic ta yalel.

Deuteronomio 3:11

(Te muc' ajwalil Og ja' slajibal sts'umbal te refaimetique. Te swayibe puro taq'uin pasbil, ay chaneb metro snajt'il soc jteb xanix ma ba staoj cheb metro sjamalul. Chican to ta ilel ta lum Rabá te ay ta sq'uinal te amonetique.)

1 Samuel 17:4

Ora nax loc' tel jtul soldado-filisteo, ay wan oxeb metro snajt'il, Goliat sbiil, ja' slumal te lum Gat.

Números 16:2

la stoy sbaic ta stojol Moisés. La sjoin sbaic xan soc lajuneb yoxlajunwinic (250) israeletic, ja'ic winiquetic te ay yat'elic yu'un te lume, ja'ic te ya xmandalajic ta stojol te lume soc te mero na'bil sbaique.

Génesis 11:4

Soc jich la xchajbanic: —La'ic jpastic muc'ul lum, soc ya me jpastic jun muc'ul toyol ts'ajc' te bayal ta caj moel, c'alal ta ch'ulchan ya xc'ot cu'untic. Ja' lec muc' ac'a c'otuc jc'oplaltic, ma me xpujc'otic bael ta spamal balumilal —xiic.

Deuteronomio 2:11

Te ants-winiquetic la scuyic ta sts'umbal refaimetic, ja'uc me to te moabetique, emitaetic sbiil c'ot yu'unic.