Génesis 6:17 - Bible in Tzeltal de Oxchuc y Tenejapa

¹⁷ Melel ya xtal pulemal cu'un ta balumilal, ya me xlaj spisil ants-winiquetic soc chambalametic te cuxajtic ta yanil ch'ulchan. Spisil ya xlaj bitic ay ta balumilal.

Bible in Tzeltal Bachajón

¹⁷ Ya cac' tal puhlel ta bahlumilal, ya xlaj spisil te bintic cuxajtic ta ye'tal ch'ulchan. Spisil ya xlaj bintic ay ta bahlumilal.

Génesis 6:17 Referans Kwoze

2 Pedro 2:5

Ja' nanix jich uuc te namey q'uinal ants-winiquetic ta balumilale, ma ba pasbotic perdón yu'un te Diose. La yac' taluc pulemal ta stojolic te bit'il ma ba ich'ot ta muc' yu'unic la yile. Ja' nax la yich' coltayel te Noé, te la yat'elin xcholel te lequil cuxlejal ta q'uinale, soc te juctul xane.

Génesis 7:4

Melel ta sjuquebal c'aal ya xtal ja'al cu'un ta balumilal cha'winic c'aal soc cha'winic ajc'ubal, soc ya me jtup' spisil bitic cuxajtic te pasbil cu'un ta balumilal —xi'.

1 Pedro 3:20

Ja' xch'ulelic te mach'atic ma la xch'uunic mandal ta namey te c'alal ay ta q'uinal a te Noé. Dios ts'icbotic yu'un, ja' to c'alal ju' ta pasel te barco ta bay ma tsoboluc te colique. Waxactul nax te la yich' coltayel te ma ba lajic yu'un te ja'e.

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

Salmos 107:34

ya sc'atp'un ta taquin q'uinal te lequil q'uinale, ta scaj smulic te mach'atic nainemic tey a.

Amós 9:6

Te Cajwaltic spasoj sna ta ch'ulchan, soc spasoj te syaxal sjamalul moel ch'ulchan te chican ta sba te lumq'uinale. Ja' ya yich' tel te ja'etic yu'un mar, soc ya smal ta sba te lumq'uinale. Ajwalil me te sbiile.

Salmos 29:10

Te Cajwaltic ja' smandal te ya xtal ja'al; te Cajwaltic ja' ya xmandalaj, melel Ajwalil sbajt'el q'uinal stuquel.

Romanos 6:23

Melel te stojol te mulile, ja' te lajele. Yan te majt'anil yu'un te Diose ja' te cuxlejal sbajt'el q'uinal ta swenta te jun c'oemotic soc Cristo Jesús te Cajwaltique.

Romanos 5:21

Jich bit'il ay yu'el ta yaq'uel lajel te mulile, ja' nanix jich te yutsil yo'tan te Diose ay yu'el ta yaq'uel ta libre yu'un mulil soc ta yaq'uel cuxinel sbajt'el q'uinal ta swenta te Cajwaltic Jesucristoe.

San Lucas 17:27

Yacalic ta we'el-uch'ajel, soc yacalic ta nujbinel, soc yacalic ta ch'omtayel, ja' to te bi c'aalil och ta barco te Noeje. Tal te pulemale. Jich lajic ta spisilic.

Oseas 5:14

Jich bit'il león-choj te ya xlumtaywan, jich me ya cac'bey guerra te Efraín soc te Judá. Ya me jtsac, wuyultic me ya xjil cu'un; ya me jtas bael, ma'yuc mach'a ya xcoltayot yu'un.

Ezequiel 34:20

Jich yu'un jo'on Ajwalilon, ya calbeyex: Te jujp'en chijetic soc nix te chajalic ta bac ya me yich'ic chajbanel cu'un.

Ezequiel 34:11

La yal te Cajwaltic: —Jo'on Ajwalilon te jich ya cale: Jo'on ni me ya x'ochon ta scanantayel ta stsojbol te chijetic cu'une.

Ezequiel 6:3

jich xawalbey: “Aiya awaiyic, witsetic yu'un Israel, te bila ya yalbeyex te Cajwaltique, ja'ex witsetic, tseletic, muc'ja'etic soc spamlejetic: Ya me cac' taluc ta atojolic guerra, ya me yich'ic lajinel te toyol ch'uunjibaletic awu'un.

Ezequiel 5:8

Ja' yu'un jo'on Ajwalilon jich ya cal: Ja' nix jichon ya me x'ochon ta acontro, ja'at Jerusalén. Ya me cac' c'otuquix ta atojol te castigo ta comonsitil yu'un te yantic nacionetique.

Isaías 54:9

—Jich bit'il la cal ta jamal ta stojol Noé, te c'alal ay a te pulemale, te ma ba ya jmuc xan ta ja' te balumilale; jich nix ya cal ta jamal ta ora to: Ma ba ya x'ilinon xan awu'un, ni ma ba ya jchajbanbat xan ac'oplal.

Isaías 51:12

Ya yal te Cajwaltic: —Jo'on nix me ya jmuc'tesbat awo'tan. ¿Mach'a ya awaiyic a te ya axi'e? ¿Ja' bal te winiquetique? ¿Ja' bal te winiquetic ya xlajic, te jich nax c'oemic te bit'il aque?

Job 22:16

Ora lajic stuquelic, jich lajic te bit'il mach'atic ya xlajic ta snojel ja'e.

Deuteronomio 32:39

Jo'on nax jtuquel te Diosone, ma'yuc yan dios pajalon soc. Jo'on ya cac' cuxlejal, jo'on nix ya xju' cu'un slajinel. Jo'on ya cac' ejch'en, jo'on nix ya xju' cu'un xpoxtayel. Ma'yuc mach'a ya xju' yu'un ya scoltay sba ta jc'ab jtuquel.

Levítico 26:28

ja' ni me jich tulan ya cac' jba ta atojolic uuc, buen ilinemon me a ya cac'beyex castigo juqueb xan buelta yu'un.

Éxodo 14:17

Te jo'one ya jtulantesbey yo'tanic te egipcioetique, jich me ya snutsex. Ja'uc me to, tey me ya cac'bey yil cu'el a te faraón soc spisil te soldadoetic yu'un te ayic ta carreta soc ta caballoetique.

Génesis 6:13

jich la yalbey te Noé: —Jnopojix te ya jtup' spisil ants-winiquetic, yu'un ja' ta swentaic te bayal uts'inwanej ta balumilale. Jich yu'un pajal me ya jlajin soc spisil te bitic aye.

Génesis 6:7

jich yu'un la yal: “Ya me jtup' ta balumilal spisil ants-winiquetic te pastajem cu'un, soc te chambalametic, te chanetic te ya stas sbaic ta beel, soc te mutetique, yu'un tojol pastaj cu'un”, xi'.

San Mateo 24:39

Ma la sna'ic stojol te bila ya xc'ot ta pasele, ja' to te tal te pulemale. Jich lajic ta spisilic. Ja' nanix jich te c'alal ya xtal te Nich'anile.

Génesis 9:9

—Aiya awaiyic stojol, ay trato ya calbeyex ta atojolic soc ats'umbalic,

Génesis 7:17

Cha'winic c'aal noj moel ja' ta sba te balumilale, jich mujc' ta ja' te balumilale. C'alal yac ta toyel te ja'e, licot moel yu'un te barcoe.

Génesis 7:15

Och soc Noé ta barco cha'cha'cojt' juju-jchajp ta spisil bitic cuxajtic ta q'uinal.

Génesis 2:7

Jich te Dios la spas ta ts'ubil lum jtul winic, la sjujch'ibey sni', jich cuxul c'ot. Jich caj ta cuxinel ta q'uinal te winique.

Génesis 6:16

Oxcaj me xapas, soc ya me apasbey sventanail te barco, olil me metro ma xloc' ta nopol sba ya xc'ot, soc ya me apasbey sti' te barcoe.