Génesis 6:13 - Bible in Tzeltal de Oxchuc y Tenejapa

¹³ jich la yalbey te Noé: —Jnopojix te ya jtup' spisil ants-winiquetic, yu'un ja' ta swentaic te bayal uts'inwanej ta balumilale. Jich yu'un pajal me ya jlajin soc spisil te bitic aye.

Bible in Tzeltal Bachajón

¹³ Ha yu'un Dios la yalbe te Noé: La jnopix te ya jlajin spisil bintic cuxajtic, yu'un ha ta scuentahic te nojel ta uts'inwanej te q'uinale. Ha yu'un pajal ya jlajin te q'uinal soc spisil bintic cuxajtic.

Génesis 6:13 Referans Kwoze

1 Pedro 4:7

Nopol sta yorail te ya xlaj spisil. Jich yu'un, ya me sc'an te ya ana'ic q'uinal ta leque. Wiq'uiluc me asitic spisil ora soc c'oponaic me te Diose.

Amós 8:2

la sjojc'obon: —¿Bi ya awil, Amós? —la yuton. —Ay moch te nojel ta sit awalts'unubil te lequix ta lo'ele —la cut. La yalbon te Cajwaltique: —Jich c'oem te Israel; ma ba ya jpasbeyix perdón ta jc'axel.

Génesis 7:23

Jc'axel laj ta balumilal spisil ants-winiquetic soc chambalametic, chanetic, soc spisil ta jchajp mutetic. Stuquel xanix cuxul jilel te Noé, soc spisil bitic cuxajtic sjoinej ta barco.

Génesis 6:4

Te mach'atic najt'il winiquetic chicnajic ta balumilal te c'alal la yic' sbaic soc yantsil-nich'nab winiquetic te snich'nab te Diose. Soc chicnajic xan ta patil bael, ja'ic te mach'atic pujq'uem sc'oplalic te bit'il tulanic ta namey q'uinale.

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

Jeremías 51:13

Ja'at Babilonia, te ayat ta bay muc'ul ja'etic, soc bayal smuc'ul ac'ulejal, c'otix te alajibale, te slajibal te bit'il ayat ta q'uinale.

Génesis 49:5

“Te Simeón soc Leví, jun sme'ic, te yat'ejibic ja' nax tuun yu'un ta swenta ixtajel.

Génesis 6:14

Yan te ja'ate, pasa jun barco ta te' te ay xuch'ile, tsalaltsal me ya apas te barcoe. Ya me apac' ta xuch' ta yutil soc ta spat, swenta yu'un ma x'och ja' a.

Génesis 7:4

Melel ta sjuquebal c'aal ya xtal ja'al cu'un ta balumilal cha'winic c'aal soc cha'winic ajc'ubal, soc ya me jtup' spisil bitic cuxajtic te pasbil cu'un ta balumilal —xi'.

Génesis 7:21

Jich laj spisil ants-winiquetic ta balumilal, soc mutetic, soc alaq'uil chambalametic soc te yantic ja'mal chambalametic, soc spisil chambalam te staslajan ya xbeen ta balumilale.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Isaías 34:1

Noptsajanic tel, lumetic, aiya awaiyic stojol; nacionetic, aiya awaiyic stojol. Ac'a yaiy stojol te lumq'uinal soc bitic ay tey a, te balumilal soc spisil te bitic ya yaq'ue.

Amós 3:7

Ma'yuc bila ya spas Cajwaltic teme ma neeluc ya yac'bey sna'ic te j'alwanejetic yu'une.