Génesis 50:2 - Bible in Tzeltal de Oxchuc y Tenejapa

² Patil la yalbey mandal te jpoxtaywanejetic te ya xpoxtaybeyic sbaq'uetal te anima stat swenta yu'un jich ma xc'a' a. Jich te mach'atic ya sna'ic spasele, la xpoxtabeyic sbaq'uetal te animae.

Bible in Tzeltal Bachajón

² Patil la yalbe mandar te a'batetic yu'un, ha te jpoxtaywanejetic, te ya spoxtaybeyic sbaq'uetal te stat scuenta yu'un hich ma xc'a' a. Hich te jpoxtaywanejetic la spoxtaybeyic sbaq'uetal te Israel;

Génesis 50:2 Referans Kwoze

2 Crónicas 16:14

Ba smuquic ta smuquenal te yaloj mandal ta pasel ta Lum-yu'un-David. La sq'uechic bael, nojel ta perfumeetic soc spisil bitic bujts'anic te c'ax t'ujbil chajbanbile. La spasic muc'ul c'ajc' swenta yich'jibal ta muc'.

Génesis 50:26

Lajuneb swacwinic (110) ya'wilal a te laj te José. La yich' poxtayel te sbaq'uetal swenta yu'un ma xc'a', soc la yich' aq'uel ochel ta cajón ta Egipto.

San Marcos 16:1

C'alal c'axemix a te sc'aalelal cux-o'tane, te María Magdalena, soc te yan María te sme' te Jacobo, soc te Salomé, ba smanic perfume yu'un ya xba yac'beyic ta sbaq'uetal te Jesuse.

San Mateo 26:12

Te bit'il la smalbonix ta perfume jbaq'uetal in ants to, ja' la xpoxtaybonix a te jbaq'uetal ta swenta te ya quich' muquele.

San Juan 12:7

Jesús la yalbey: —Ac'a spas, melel ja' sq'uejojbon yu'un xpoxtayel te jbaq'uetal te ya yich' muquele.

San Lucas 24:1

Ta buen sab ta sba c'aalil semana bajt'ic te antsetic ta yilel xan te muquenale. La yich'ic bael poxil te bujts'an nax yic' te chajbanbil yu'unique. Soc ay yantic antsetic te la sjoinic baele.

San Marcos 14:8

In ants to, ja' la yac'bon te bila ay yu'une. Ja' la xpoxtaybonix a te jbaq'uetal ta swenta te ya quich' muquele.

Génesis 27:41

Jich yu'un te Esaú la slab-o'tantay te Jacob yu'un te bit'il ja' c'anbot bendición yu'un static stuquel. La yal ta yo'tan: “Teme laj te jtate, ya me jmil te quijts'in Jacob”, xi'.

Génesis 50:1

Te José la smey te anima state, la yoq'uetay, la sbujts'iy.