Génesis 50:11 - Bible in Tzeltal de Oxchuc y Tenejapa

¹¹ C'alal te cananeoetic te nainemic tey a, la yilic te ay mach'atic bayal yacalic ta sna'el ta oq'uel ta Goren-ha-atad, la yalic: —Mero toyem yacalic ta oq'uel ya quil te egipcioetique —xiic. Jich yu'un Abel-mizraim sbiil c'ot yu'unic te q'uinal ta bay yacalic ta oq'uele, ay ta swenta stojol sloq'uib c'aal yu'un te muc'ja' Jordán.

Bible in Tzeltal Bachajón

¹¹ Te cananeohetic te nahinemic tey a, c'alal la ya'iyic te tulan oq'uel ta sq'uiyojibal trigo yu'un Atad, la yalic: Mero tulan oq'uel ay yu'un te egipciohetic, xchihic. Ha yu'un Abel-mizraim sbihil c'oht yu'unic te lugar te ay ta sjehchelul Jordán.

Génesis 50:11 Referans Kwoze

Génesis 24:6

Ja'uc me to, albot yu'un te Abraham: —Ma me x'awic' bael tey a te jnich'ane.

1 Samuel 6:18

Te jayeb ch'oetic pasbil ta oro, jujun c'oem ta swenta spisil te lumetic yu'un filisteoetic te ay ta swenta te juju-jtul ajwaliletic yu'unique, manchuc teme joybil ta ts'ajc', o ma ba joybil ta ts'ajc'. Te muc'ul ton te banti la scajanic te cajón yu'un Cajwaltic, c'alal ora chican ta ilel ta sq'uinal Josué te ay ta lum Bet-semes.

Deuteronomio 11:30

Ja' witsetic in to ayic ta jejch' ja' Jordán, ta jejch' be ta stojol smalib c'aal, ta slum-sq'uinal cananeoetic te ayic ta nainel ta stenlej xatal q'uinale, te yelawinej sba soc Gilgal te nopol ay soc jijte'etic yu'un More.

Deuteronomio 3:27

Moan bael ta stoyolil te wits Pisga, tey me ya awil bael a ta norte soc ta sur, ta stojol sloq'uib c'aal soc ta stojol smalib c'aal, pero te Jordán ma xju' ya xc'axat bael.

Deuteronomio 3:25

Ya calbat wocol te yacuc awac'on c'axel ta jejch' ja' Jordán, yu'un co'tan xquil te buen lequil q'uinale, ja' te buen t'ujbil witstiquil soc te Líbano”, xoon.

Génesis 50:10

C'otic ta Goren-ha-atad, te ay ta swenta stojol sloq'uib c'aal yu'un te muc'ja' Jordán, tey jalajic xan ta yoq'uetayel a te anima Israel. Te José juqueb c'aal la yoq'uetay tey a te state.

Génesis 34:30

Te Jacob la yalbey te Simeón soc te Leví: —Ja'ex ta awentaic te bit'il ya me slab-o'tantayoniquix spisil te cananeoetic soc te ferezeoetic te nainemic li' ta q'uinal to. Te bit'il ma ba tsobolon te jo'one, ya me stsob sbaic tel xtal smilonic, jich ya xlajon soc spisil mach'a ay cu'un —xi'.

Génesis 13:7

Te jcanan-chambalametic yu'un te Abram la yut sbaic soc te jcanan-chambalametic yu'un Lot. Tey nix nainemic a te cananeoetic soc te ferezeoetique.

Génesis 50:12

Jich nix la spasic te snich'nab anima Israel te bit'il la spas jilel ta mandale.