Génesis 50:10 - Bible in Tzeltal de Oxchuc y Tenejapa

¹⁰ C'otic ta Goren-ha-atad, te ay ta swenta stojol sloq'uib c'aal yu'un te muc'ja' Jordán, tey jalajic xan ta yoq'uetayel a te anima Israel. Te José juqueb c'aal la yoq'uetay tey a te state.

Bible in Tzeltal Bachajón

¹⁰ C'alal c'ohtic ta sq'uiyojibal trigo yu'un Atad, te ay ta sjehchelul te Jordán, mero tulan la yoq'uetayic soc mel-o'tan tey a. Te José huqueb c'ahc'al la yoq'uetay te state.

Génesis 50:10 Referans Kwoze

Hechos 8:2

Te mach'atic jun yo'tanic xch'uunejic te Diose, la smucbeyic sbaq'uetal te Estebane. Bayal la yoq'uetayic.

Job 2:13

La snajc'an coel sbaic ta lum soc te Job. Juqueb c'aal soc juqueb ajc'ubal ainic tey soc a, pero ma'yuc jp'aluc c'op loc' ta yeic tey a, ja' nax la yilbeyic te swocol te Job te mero bayale.

2 Samuel 1:17

Te David la spas jcum c'ayoj swenta mel-o'tan, yu'un te laj te Saúl soc te snich'ane, ja' te Jonatán.

1 Samuel 31:13

Patil la smucbeyic te sbaquelic ta Jabes ta ye'tal te'. C'alal laj yo'tanic ta smuquel, la scom swe'elic juqueb c'aal.

Deuteronomio 34:8

Te israeletic lajuneb xcha'winic (30) c'aal la yoq'uetayic ta jochol taquin q'uinal yu'un Moab te Moisés. Jich c'ot ta pasel yu'unic a te la smel yo'tanic yu'un, soc te la smal ya'lel sitic yu'un te laje.

Deuteronomio 1:1

Te Moisés la sc'opon spisil te israeletic, ja' te c'alal ayic ta jochol taquin q'uinal a, te ay ta stojol sloq'uib c'aal yu'un muc'ja' Jordán. Ja' te ay ta suclej Arabá te nopol yiloj sba soc Suf, te ay ta olil yu'un Parán, Tofel, Labán, Hazerot soc Dizahab.

Números 19:11

“Te mach'a ya spicbey sbaq'uetal anima, ma ba lec sc'oplal ya xjil juqueb c'aal.

Génesis 50:11

C'alal te cananeoetic te nainemic tey a, la yilic te ay mach'atic bayal yacalic ta sna'el ta oq'uel ta Goren-ha-atad, la yalic: —Mero toyem yacalic ta oq'uel ya quil te egipcioetique —xiic. Jich yu'un Abel-mizraim sbiil c'ot yu'unic te q'uinal ta bay yacalic ta oq'uele, ay ta swenta stojol sloq'uib c'aal yu'un te muc'ja' Jordán.

Génesis 50:4

C'alal laj yo'tanic ta yoq'uetayel te anima Israel, te José la yalbey te mach'atic ayic ta sna faraón: —Teme ya ac'uxtayon ya me ac'oponbonic te faraón. Jich me xawalbon yaiy:

Génesis 27:41

Jich yu'un te Esaú la slab-o'tantay te Jacob yu'un te bit'il ja' c'anbot bendición yu'un static stuquel. La yal ta yo'tan: “Teme laj te jtate, ya me jmil te quijts'in Jacob”, xi'.

Génesis 50:3

Cha'winic (40) c'aal ju' yu'unic xpoxtayel, yu'un stalel jich ya spasic teme ay mach'a ya xlaj te ya yich' poxtayel sbaq'uetal swenta yu'un ma xc'a'. Te egipcioetic lajuneb xchanwinic (70) c'aal la yoq'uetayic te anima Israel.

Génesis 50:9

Soc ay tsobol yantic la sjoin bael te José, cajajtic bael ta carreta, soc cajajtic bael ta caballo, mero bayal bajt'ic.

Números 20:29

C'alal la sna'ic stojol israeletic te lajemix te Aarón, ay lajuneb xcha'winic (30) c'aal la yoq'uetayic.

2 Samuel 11:26

C'alal la yaiy te yinam Urías te lajix te smamlal, la yoq'uetay.

Eclesiastés 12:5

Ya me xiwat te ya xbeenat ta banti toyol, soc ay me xiwel ya awaiy te ya xbeenat ta bebetic. Ya me xjajch' ta sacubel te ajole. Ya xlaj yip te abaq'uetale, soc ma xtuun awu'un te poxile te ya yac' xan sbujts' q'uinal ya awaiy yu'une. Melel ya sta yorail te ya xbaat ta muquenal; ta calle ya me xchicnaj yoq'uel te mach'atic ya yoq'uetayate.

1 Crónicas 10:12

la xchap sbaic spisil te winiquetic te ma xiwique, ba yich'beyic tel sbaq'uetal Saúl soc snich'nab c'alal ta lum Jabes. Tey la smucbeyic sbaq'uetalic a ta yet'al jijte'. Ay juqueb c'aal la scom swe'elic yu'un mel-o'tan.