Génesis 50:1 - Bible in Tzeltal de Oxchuc y Tenejapa

¹ Te José la smey te anima state, la yoq'uetay, la sbujts'iy.

Bible in Tzeltal Bachajón

¹ Te José la smech' te stat, la yoq'uetay soc la yuhts'uy.

Génesis 50:1 Referans Kwoze

Génesis 46:4

Ya me joinat bael te ya xcoat bael ta Egipto, soc ya me joinat sujt'el ta patil. Ja' me ya smucat te José te c'alal ya xway abaq'uetale —xi' sc'oplal yu'un.

1 Tesalonicenses 4:13

Quermanotac, ya jc'antic te ya ana'ic stojol ta lec te bit'il ay sc'oplal yu'un Dios te mach'atic wayemix sbaq'uetalic, swenta yu'un ma me jichuc ya amel awo'tanic te bit'il ya smel yo'tanic te mach'atic ma'yuc bila smuc'ulinej yo'tanique.

Efesios 6:4

Ja'ex te sme'-statexe, ma me xawac' te ya x'ilin yo'tan awu'unic te awal-anich'anique. Ja' ya sc'an te lec ya ach'ijtesic, soc te lec ya ap'ijubtesic ta yalalil to, soc te ya atac'uyic ta swenta te Cajwaltique.

Hechos 8:2

Te mach'atic jun yo'tanic xch'uunejic te Diose, la smucbeyic sbaq'uetal te Estebane. Bayal la yoq'uetayic.

2 Reyes 13:14

Te Eliseo taot ta chamel, te ja' ya xway sbaq'uetal yu'un. Te Joás muc' ajwalil yu'un Israel ba yil. La spet ta sc'ab, oc', jich la yal: —Jtat, jtat, te jich c'oemat ta stojol Israel te bit'il jchajp soldadoetic te bayal bitic ya xju' yu'une —xi'.

Génesis 23:2

Tey laj ta Quiriat-arba, te Hebrón yan sbiil te ay ta sq'uinal Canaán. Te Abraham la yoq'uetay te Sara, bayal la smel yo'tan yu'un.

Génesis 49:33

Te c'alal laj yo'tan ta stac'uyel te snich'nabe, te Jacob la stoy moel ta swayib te yacane, jich laj bael.

Génesis 50:2

Patil la yalbey mandal te jpoxtaywanejetic te ya xpoxtaybeyic sbaq'uetal te anima stat swenta yu'un jich ma xc'a' a. Jich te mach'atic ya sna'ic spasele, la xpoxtabeyic sbaq'uetal te animae.