Génesis 5:1 - Bible in Tzeltal de Oxchuc y Tenejapa

¹ Jich ay te lista yu'un sts'umbal Adán. C'alal Dios la spas te ants-winic, pajal yilel soc Dios te la spase.

Bible in Tzeltal Bachajón

¹ Hich ay te sbihilic te sts'umbal Adán. C'alal Dios la spas te winic, pajal yilel soc Dios la spas.

Génesis 5:1 Referans Kwoze

Efesios 4:24

C'u'inaic te yach'il cuxlejal yu'un Dios te la xchicnantes te pajal yilel soque. Jich me ya xchicnaj te toj awo'tanic ya x'ainex ta q'uinale soc te ch'ultesbil awo'tanic ta swenta te smelelil c'ope.

Colosenses 3:10

C'u'inaic me te yach'il acuxlejalic te yanyan ta ach'ubele, ja' to teme pajal c'oex soc te Jpaswaneje, yu'un jich me ya ana'beyic sba ta lec.

Hebreos 1:3

Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.

Eclesiastés 7:29

Ja' nax jtaoj in to: ja' te bit'il buen toj yo'tan pasot yu'un Dios te ants-winiquetique, pero te ants-winiquetic chujc'ulajix yu'unic te xcuxlejalique.

Hebreos 12:9

Te c'alal alalotic toe, la yac'botic tojobtesel te jtatic te ayotic ta balumilal soque, soc la quich'tic ta muc'. ¿Ja'uc to bal a te Jtatic te ay ta ch'ulchane? C'ax jich ya sc'an ya quich'tic ta muc' stuquel, swenta yu'un jich me ya xcuxinotic sbajt'el q'uinal.

2 Corintios 3:18

Jich yu'un te jo'otique, lemen xojobil yutsilal Cajwaltic ta jsit quelawtic, jich te bit'il espejo, yu'un ma ba macalix jsitic ta pac'. Jich yanyanotic ta c'atp'ujel ta swenta te pajal quileltic ya xc'ootic soc te yutsilale. Ja' yat'el te Espíritu yu'un te Cajwaltic te ya x'at'ej ta co'tantic.

1 Corintios 11:7

Yan te winiquetique, ma snujp'in teme ya smuc sjol stuquelique, te melel ja' sloc'omba Dios, soc tey ya xchicnaj ta ilel a te yutsilale. Yan te antse, ja' tey ya xchicnaj ta ilel yutsilal a te winique.

San Mateo 1:1

Ja' in to, ja' lista yu'un te antiguo me'il-tatiletic yu'un te Jesucristoe te sts'umbal David te ja' sts'umbal Abrahame.

Eclesiastés 12:1

Na'a me te Jpaswanej awu'un te bit'il jch'ielat toe, te bit'il ma to staojuc yorail te awocol te c'alal ya xmamalubate. Melel ya me sta yorail te jich ya awale: “Jc'axel ma jtabey yutsilal ya caiy te jcuxlejal ta q'uinale”, te xaate.

1 Crónicas 1:1

Te sts'umbal bael Adán, ja' te Set, Enós,

Génesis 10:1

Jich ay te lista yu'un te sts'umbal Noé: ja' te Sem, Cam soc Jafet. Ayin yal-snich'anic c'alal c'axix a te pulemale.

Génesis 2:4

Jich ay sc'oplal bit'il chicnaj te ch'ulchan balumilale. Te c'alal pastaj yu'un Cajwaltic Dios te balumilal soc te ch'ulchane,

Génesis 6:9

Ja' sc'oplal te Noé. Toj yo'tan te Noé, spisil ora la xch'uunbey smandal te Diose. Ta spisil mach'atic ayic ta q'uinal, ja' nax lec yo'tan stuquel; ya spasbey sc'anjel yo'tan Dios ta spisil ora.