Génesis 49:7 - Bible in Tzeltal de Oxchuc y Tenejapa

⁷ Ya me x'ac'bot stoj te yilimbaic soc te sc'ajc'alic te bit'il bayal jelawic ta bay nax c'alal. Pujc'ultic ya xc'ot cu'un ta bay jq'uinal, bayuc nax ya xc'otic ta jq'uinal jo'on te Israelone.

Bible in Tzeltal Bachajón

⁷ Bohlobuc me sc'oblal te yilimbahic te c'ax jelawix, soc te sc'ahc'alic te mero tulan. Parte ya cac'ticlan ta yohlil Jacob, ya jpucticlan ta yohlil Israel.

Génesis 49:7 Referans Kwoze

Proverbios 27:3

Te tonetic soc te ji' c'ax bayal yalalic; c'axem jich yalal yilimba a te mach'a ma sna' q'uinale.

1 Crónicas 6:65

Ta yolil sq'uinal sts'umbal Judá, Simeón soc Benjamín, ja' la yac'beyic te sts'umbal Leví te lumetic te la yich'iquix tel alel sc'oplale, jil ta swentaic ta swenta número ta na'el.

2 Samuel 13:15

Pero ora nax jc'axel bolob ta sit te Amnón, mero ilaybil c'ot yu'un la yaiy ta yo'tan. C'ax jich la yaiy a te bit'il yac to smulanbel a. Ja' yu'un la spas ta mandal, jich la yalbey: —Jajch'an, baan —la yut.

Números 35:8

Te c'alal ya yac' lumetic chajbalchajp te israeletique, te juju-jchajp te muc' sq'uinal ac'bot ta swentaique, ya me yac' bayal ta jpam te lumetique. Yan te juju-jchajp te ma ba muc' sq'uinal, ma me sta jich yipal ya yac' stuquel —xi' te Cajwaltique.

Proverbios 29:22

Te mach'a jteb stael, ora nax ya sjajch'es c'op; te mach'a ora nax ya xc'ajc'ub, ya me sta bayal falta yu'un.