Génesis 49:6 - Bible in Tzeltal de Oxchuc y Tenejapa

⁶ Ma smulan co'tan te sc'opique, ma ba ya sc'an co'tan te jun ya jtsob jba soque, te melel bayal ilin yo'tanic, la smilic tsobol ta jtul winiquetic, ta swenta stoybailic la sbojbeyic xchial yacanic te wacaxetique.

Bible in Tzeltal Bachajón

⁶ Ma x'ochon ta banti ya schap sc'opic, soc ma ba ya joquin jba soc c'alal ya stsob sbahic, como ta scuenta yilimbahic la smilic winiquetic soc ta scuenta sbohlil yo'tanic la sbojticlambeyic schihal yacan torohetic.

Génesis 49:6 Referans Kwoze

Génesis 34:30

Te Jacob la yalbey te Simeón soc te Leví: —Ja'ex ta awentaic te bit'il ya me slab-o'tantayoniquix spisil te cananeoetic soc te ferezeoetic te nainemic li' ta q'uinal to. Te bit'il ma ba tsobolon te jo'one, ya me stsob sbaic tel xtal smilonic, jich ya xlajon soc spisil mach'a ay cu'un —xi'.

Salmos 26:9

Ma me pajaluc ya apojbon jcuxlejal soc te jmulawiletique; ma me xawac' xc'ot ta jwenta te bila ya xc'ot ta swenta te milawaletique,

Salmos 16:9

Jich yu'un, nojel sbujts' co'tan. Ta spisil jcuxlejal ma'yuc jwocol ya caiy,

2 Corintios 6:14

Ma me junuc yugo ya xc'oex soc te mach'atic ma ba xch'uunejic te cuxul Diose. ¿Ya bal snujp'in sba soc toj-o'tanil te bila ma stojiluque? ¿Ya bal sjoin sba soc saquil q'uinal te ijc' q'uinale?

San Lucas 12:19

Ya me calbey te jch'ulele: ‘Jch'ulel, bayalix te jbiluctic te ya xtuun cu'untic bayal ja'wile. Ja' lec quich'tic lewa. We'ucotic, uch'ajucotic, bujts'najuc co'tantic yu'un”, xi' ta yo'tan.

Jeremías 15:17

Jo'on ma ba sc'anoj co'tan ta sjoinel te mach'atic ja' nax ya xbajt' ta yo'tanic spasel sbujts' q'uinal yaiyic. Ja' to c'alal la awu'uninon, jich cuxinon tel ta jtuquel nax, melel la awac' te ma la smulan co'tan te bila ay ta pasel.

Jeremías 4:19

Ya jts'ot jba yu'un jwocol, te co'tan xwilwon nax ta jyalel. Ma xcomon ta c'op, ma xju' xch'abon. Ay la caiy stojol sc'op oq'ues, ay aw yu'un guerra.

Salmos 64:2

Nac'awon ta stojol te mach'atic amen yo'tanique, soc te bila muquen xchapojique; coltayawon ta sc'abic te mach'atic amen yo'tanic te la xchapbonic jc'oplale.

Salmos 57:8

Jajch'an, jch'ulel, cuxa awo'tan; jajch'an, cuxa awo'tan ja'ex arpa soc yantic músicaetic; ya me xjajch'on, ya me jcux co'tan, sacubix q'uinal, yach'ilix te c'aale.

Proverbios 12:5

Te mach'a toj yo'tan, ja' ya snop te bitic toj ta pasele; yan te mach'a amen yo'tane, ja' nax ay ta yo'tan lo'laywanej.

Proverbios 1:11

Teme jich ya yalbat: “La', t'unawotic, ya jpastic pejts' ta swenta nax sc'anjel co'tantic, swenta yu'un ya jmiltic mach'auc ch'ayal yo'tan ya xc'ax.

Salmos 139:19

Dios cu'un, lajinbeya xcuxlejal te mach'atic amen yo'tanique, q'uejbon bael ta jtojol te jmilawaletique,

Salmos 103:1

Ya calbey yutsil sc'oplal Cajwaltic ta spisil co'tan; ta spisil jch'ulel ya calbey yutsil sc'oplal te xch'ul-biile.

Salmos 43:5

¿Bi yu'un ya xpejc'aj co'tan? ¿Bi yu'un te bayal ya x'ayan co'tan? Ja' ya jmaliy te Diose, ya to calbey xan yutsil sc'oplal. Ja' Dios cu'un stuquel, ja' stuquel te jcoltaywanej cu'une.

Salmos 42:11

¿Bi yu'un ya xpejc'aj co'tan? ¿Bi yu'un bayal ya x'ayan co'tan? Ja' ya jmaliy te Diose, ya to calbey xan yutsil sc'oplal. Ja' Dios cu'un stuquel, ja' stuquel te jcoltaywanej cu'une.

Salmos 42:5

¿Bi yu'un ya xpejc'aj co'tan? ¿Bi yu'un te bayal ya x'ayan co'tan? Ja' yacon ta smaliyel te Diose, ya to calbey xan yutsil sc'oplal. Ja' Dios cu'un stuquel, ja' stuquel te jcoltaywanej cu'une.

Salmos 30:12

Jich yu'un, Cajwal, Dios cu'un, ma xju' ya xcomon ta c'op ta atojol; ya me jc'ajintayat ta c'ayojetic ta yalel yutsil ac'oplal, soc spisil me ora ya calbat wocol.

Salmos 28:3

Ma me pajaluc ya atason bael soc te mach'atic amenique; ma me xc'ot ta jwenta awu'un te bila ya xc'ot ta swenta te mach'atic amen yat'elique. Tojol nax te t'ujbil ya xc'opojique, melel ta yutil yo'tanic nojel ta mulil.

Salmos 5:10

Dios cu'un, ac'beya castigo. Pasbeya te ja'uc ya staic falta soc te bila amen xchapojique. Ta scaj te bayal smulic ac'a yich'ic ilayel awu'un ta jc'axel, melel stoyoj sbaic ta atojol.

Salmos 1:1

Bin nax me yutsil te ants-winic te ma st'unbey sbe te mach'atic amen yo'tanique, te ma sc'ainbey yat'elic te mach'atic yat'elinejic sleel smulique, soc te ma junuc yo'tan sba soc te mach'atic ya slabanic te Diose,

Jueces 5:21

te yocja', ja' te yocja' namey q'uinal, ja' te ja' Cisón, la smes bael spisilic. Te ja'at ya apech'bey ta teq'uel snuc' te mach'atic ay yipique.

Deuteronomio 27:24

“Boloben me sc'oplal ta jyalel te mach'a ya yac' ta milel te spat-xujq'ue”. “Jichuc”, xiic me ta spisil te lume.

Josué 11:9

Te Josué ts'acal la spas te bit'il nix yaloj mandal te Cajwaltique: la stuch'beyic xchial yacan scaballoic te scontroic, soc la xchic'beyic te scarretaic yu'un guerra.

2 Samuel 8:4

Te David la stsac jmil soc jo'lajunwinic xcha'bajc' (1,700) soldadoetic te cajajtic ta caballo, soc jtab ta jmil (20,000) soldadoetic yacalic ta beel yacanic. Soc xan la set'beyic xchial yacan spisil te caballoetic te ya snitic carretaetic yu'un guerra, ja' xanix la yijq'uitay te jaycojt' ya xtuun yu'unic, yu'un ya yac'beyic snit jo'winic carretaetic.

1 Crónicas 18:4

Te David la spojbey jmil (1,000) carretaetic yu'un guerra, soc la xchuc bael jucmil (7,000) soldadoetic te cajajtic ta caballo, soc jtab ta jmil (20,000) soldadoetic te yacalic ta beel ta yacanic. La sbojbey xchial yacanic spisil te caballoetic te ya snitic te carretaetic yu'un guerra, ja' xanix col te caballoetic te ya xtuunic xan ta snitel te jo'winic (100) carretaetique.