Génesis 49:25 - Bible in Tzeltal de Oxchuc y Tenejapa

²⁵ Wocol la yal te Dios cu'un te atatone, ja' me ya scoltayat, ja' te Dios te Spisil ya xju' yu'une, ya me yac'bat bayal bendición. Ja' te bendición ta swenta ch'ulchan te toyole, ja' te bendición ta swenta te mar te buen c'ubul coele, ja' te bendición ta swenta bit'il ya x'esmaj te awal-anich'nabe.

Bible in Tzeltal Bachajón

²⁵ ta scuenta te Dios yu'un atat, te ha ya scoltayat, ta scuenta te Dios te spisil ya xhu' yu'un, te ya ya'bat bendición, ha te bendicionetic yu'un te ch'ulchan ay ta toyol, ha te bendicionetic yu'un te sc'ubulil ha' ay ta ye'tal, ha te bendicionetic yu'un chu'ul soc yalajib ants.

Génesis 49:25 Referans Kwoze

Génesis 35:11

Dios la yalbey xan: —Jo'on Dioson te Spisil ya xju' cu'une; esmajan, ayuc me bayal ats'umbal. Muc'ul nación ya xc'oat, bayal me ta jpam lum ya xc'oat ta loq'uel a, bayal ta jtul ajwaliletic ya xloc' a te ats'umbale.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Filipenses 4:19

Te Dios cu'untique, ya me sjeltaybeyex spisil te bila ya xtuun awu'unic ta swenta te yutsil sc'ulejal te ay ta swenta te Cristo Jesuse.

Deuteronomio 8:17

“Ma me ayuc ya xtal ta awo'tanic te jich ya awalique: “Te jc'ulejaltique, jo'otic ju' cu'untic ta swenta quiptic”, ma me xauquex.

1 Timoteo 4:8

Melel ma'yuc lec swentail teme ay bila ya c'ajtes jbaq'uetaltic ta spasele. Yan teme ya c'ajtes jbatic ta xch'uunel te Diose, ja' ay bayal sc'oplal stuquel, te melel ya me xcuxinotic yu'un li'to ta balumilal soc ta sbajt'el q'uinal.

Deuteronomio 33:1

Te c'alal nopol ya xlajix a te Moisés, ja' te swinic Dios, la yalbey yutsil sc'oplal te israeletic,

Génesis 43:23

La sjac' te yabat José: —Ma xiwex, ma xamel awo'tanic. Te Dios awu'unic soc yu'un te atatique, ja' la yac'beyex ochel ta acoxtalic te ataq'uinique, te melel la jtsacbeyex te ataq'uinique —xi' sc'oplalic yu'un. Jich te Simeón ic'ot loq'uel ta chucjibal yu'un, ac'bot sjoinic.

Génesis 27:28

Spisil ora ac'a yac'bat tel ja'al c'alal ta ch'ulchante Diose, ac'a yac' sitinuc ta lec te awawal-ats'unube, ac'a yac' esmajuc bayal trigo soc bayal vino awu'un.

Efesios 1:3

Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.

Salmos 85:12

Ja' me te Cajwaltic te ya yac' tel te ja'ale, swenta ay bi ya sitin ta lumq'uinal cu'untic.

Génesis 28:21

soc teme lec ya sujt'on tel ta sna te jtate, jich yu'un ja' Cajwal ya xc'ot te Diose.

San Mateo 6:33

Ja' me xaleic neeluc te bit'il ay ta ajwalinel te Diose soc te bila toj ta pasel yu'une. Jich me ya yesmantesbeyex spisil te bila ya xtuun awu'unique.

Génesis 35:3

Jajch'ucotic ta beel ta ora, conic ta Betel. Tey me ya xc'o jpasbey scajtijib ta chiq'uel smajt'an Dios a te bit'il la scoltayon c'alal ayon ta wocole, soc la sjoinon te bayuc beenone —xi'.

Salmos 84:11

Melel te Diose, te Cajwaltique, ya yac'otic ta saquil q'uinal, soc ja' jmajq'uiltic stuquel. Te Cajwaltic c'ux ta yo'tan ya yaiy te mach'atic toj bitic ya spasic ta q'uinale, soc ya yich' ta wenta stuquel. Ma me ayuc bila ma x'ac'botic, melel spisil te bitic leque ya me x'ac'botic stuquelic.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 32:9

Soc la sc'opon Dios te Jacob, jich la yal: —Cajwal, te Diosat yu'un te jmam Abraham, soc te Diosat yu'un te jtat Isaac, soc ja'at te la awalbon: “Sujt'an bael ta alumal, ta bay awermanotac, ya me jcoltayat”, te la awutone.

Génesis 48:3

la sc'opon xan te José: —Te Dios te Spisil ya xju' yu'une, la yac' sba ta ilel ta jtojol ta lum te Luz sbiile te ay ta Canaán, soc la yac'bon bendición:

Éxodo 18:4

Te yane Eliezer sbiil, melel la yal xan: “Te Dios yu'un te jme'-jtate la scoltayon, ma la yac'on ta milel yu'un faraón”, xi'.