Génesis 49:23 - Bible in Tzeltal de Oxchuc y Tenejapa

²³ Ay swocol ta il-o'tantayel spisil ora, ya xc'ax yo'tan yu'un t'imuywanejetic.

Bible in Tzeltal Bachajón

²³ Te j'ac'-t'ihmalte'etic la yaq'uic pihch'ajuc yo'tan, la syalbayic soc la slablab-o'tantayic,

Génesis 49:23 Referans Kwoze

Génesis 37:24

La stsaquic bael, la xch'ojic coel ta pozo. Ja'uc me to, taquin te pozoe, ma'yuc ya'lel.

Salmos 64:3

Ya sjuxbey ye yaq'uic c'oem jichuc puñal; soc jich te bit'il ya yich' t'imuyel bael yat'ejibal t'imalte', ya yac' bael sc'opic te ay svenenoile.

Génesis 37:28

Ay jchonbajeletic madianetic yaquic ta c'axel tey a. Jich yu'un la sliquic loq'uel ta pozo te José, la xchonbeyic bael te ismaeletique, jtab ta jsejp plata stojol c'ot. Jich ic'ot bael ta Egipto te José.

Hechos 14:22

Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.

San Juan 16:33

La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

Salmos 118:13

La scotp'inonic swenta yu'un ya xyalon ta sc'opic a; ja'uc me to, te Cajwaltic tal scoltayon loq'uel ta sc'abic.

Génesis 42:21

Jich yu'un la yalbey sbaic: —La jta jmultic ta stojol te jtul quijts'intic ta namey te bit'il biq'uit nax sti' ta jtojoltique. Ja'uc me to, ma la jna'beytic yo'bolil sba te bit'il ay swocol la quiltique. Ja' swentail te bit'il ay jwocoltic ta ora to —xiic yu'un.

Génesis 37:18

C'ubul to ay tel a te José, ma to xc'ot a, ilot yu'un te sbanquiltaque. Jajch' xchajbanbeyic sc'oplal ta milel.

Génesis 37:4

Ilot yu'un te sbanquiltac te bit'il c'ax c'uxtaybil yu'un stat te bit'il c'uxtaybil stuquelique. Jich yu'un la yil-o'tantayic, ma lecuc yo'tanic ta stojol.

Génesis 49:22

“Te José, jich c'oem te bit'il te' ts'unul ta ti'ja' te ya yac' bayal site, te sc'abc'abe ya me xloc' bael ta pat ts'ajc'.

Génesis 49:24

Ja'uc me to, ma ba ya xlaj yip te sc'ab, soc ma ba ya xlaj yip te st'ime, wocol la yal Dios te Spisil ya xju' yu'une, ja' te Dios cu'une, wocol la yal Dios te jcanantaywanej cu'un, te ya scanantayon jo'on te Israelon soc te jts'umbale.