Génesis 49:22 - Bible in Tzeltal de Oxchuc y Tenejapa

²² “Te José, jich c'oem te bit'il te' ts'unul ta ti'ja' te ya yac' bayal site, te sc'abc'abe ya me xloc' bael ta pat ts'ajc'.

Bible in Tzeltal Bachajón

²² Te José, ha sc'ab te' te bayel ya yac' sit, ha sc'ab te' te bayel ya yac' sit te ay ta sti'il sloq'uib ha', te spuhl ya xmo bahel ta ba ts'ahc.

Génesis 49:22 Referans Kwoze

Génesis 41:52

Te xchebal snich'ane, Efraín sbiil c'ot stuquel, yu'un la yal te José: “Dios la yac'bonix jnich'nab li' ta lum to te banti ay jwocol ta neelale”, xi'.

Salmos 128:3

Te awinam jich me ya xc'ot ta yutil ana te bit'il ts'usubil te bayal sit ya yaq'ue; te anich'nab joyol me ta sti'il amesa jich te bit'il spul olivo.

Génesis 46:27

Te snich'nab José, te ayinic ta Egipto stuquelic, chebic. Ta spisil te mach'a jayeb ay yu'un te Jacob, te c'o nainuc ta Egipto, lajuneb xchanwinic (70) ta spisilic.

Ezequiel 19:11

Mero tulan bajt' te sc'abc'abe, asta la sbastonin muc' ajwalil, mero muc' bajt', c'ot c'alal ta tocal. Jchajp ta ilel yu'un stoyolil a, jchajp ta ilel yu'un a te yutsil sc'abc'abe.

Salmos 128:1

Bin nax me yutsil te mach'a yich'oj ta muc' te Cajwaltique, soc te ja' st'unojbey te sbee.

Génesis 48:16

ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

Génesis 48:5

Jich yu'un te cheb anich'nab, te Efraín soc Manasés, te ayinic ta Egipto te c'alal ma to xtalon ta Egipto, ja' me mero cu'un, jich bit'il cu'un te Rubén soc te Simeón, ja' nix jichic te cheb anich'nabe, cu'un me ta xchebalic.

Génesis 48:1

Ma ba bayalix c'aal te José albot yaiy te ay ta chamel te state. Jich ba yil soc la yic' bael te cheb snich'nabe, ja'ic te Manasés soc Efraín.

Génesis 49:23

Ay swocol ta il-o'tantayel spisil ora, ya xc'ax yo'tan yu'un t'imuywanejetic.

Salmos 80:10

La smuc ta yaxinal te witsetic soc la smuc ta sc'abc'ab te buen toyol te'etique.

Oseas 13:15

Manchuc me ya x'esmaj jichuc ac te Israele, ya me xtal ic' ta sloq'uib c'aal; te tulanil ic' ya xtal ta jochol taquin q'uinal, ya me staquintes soc ya me stub ja'etic soc te sloq'uibja'etique. Te acontro ya me spojbat bael spisil te bitic ay ta yawil ac'ulejal te t'ujbilique.

Génesis 48:15

Jich te mamal Israel la sc'anbey bendición ta stojol José: —Te Dios te jun yo'tan la xch'uunic te jmam Abraham soc te jtat Isaac, ja' te Dios te scanantayejon c'alal ora yo'tic,