Génesis 49:18 - Bible in Tzeltal de Oxchuc y Tenejapa

¹⁸ “¡Cajwal, yacon ta smaliyel te bit'il ya quich' coltayel awu'une!

Bible in Tzeltal Bachajón

¹⁸ Yacon ta smahliyel te coltayel awu'un, Jehová.

Génesis 49:18 Referans Kwoze

Salmos 119:174

Cajwal, ya jc'an te yacuc acoltayone. Bin nax co'tan ya caiy yu'un te p'ijubtesel awu'une.

Salmos 119:166

Cajwal, ya jmaliy te ya acoltayon, melel c'oemix ta pasel cu'un te mandaliletic awu'une.

Miqueas 7:7

Ja'uc me to, ya jmaliy te Cajwale; ja' ayon ta smaliyel jtuquel te Dios te Jcoltaywanej cu'une, melel ya yaiybon stojol jc'op stuquel.

Isaías 25:9

Te bi c'aalil ya xc'ot ta pasele, jich me ya yalic: “Ja' Dios cu'untic, ja' la smuc'ulin co'tantic melel ja' ya scoltayotic stuquel. Binuc nax me co'tantic, bujts'najuc me co'tantic, melel ja' la scoltayotic stuquel”, xiic me.

Salmos 130:5

Ta spisil co'tan ya jmaliy te Cajwaltique; ja' ya smuc'ulin co'tan te sc'ope.

1 Tesalonicenses 1:10

Soc yacalic ta yalel te bit'il yacalex ta smaliyel te ya xloc' tel ta ch'ulchan te Snich'ane. Ja' te Jesús te cha'cux tel ta bay te animaetique, soc te ya scoltayotic loq'uel ta tulan castigo te ya xtale.

San Lucas 2:30

La quilix ta jsit te bit'il ay te jcolel awu'une,

San Lucas 2:25

Ay jtul winic te ainem ta lum Jerusalén te Simeón sbiile. Toj ta winiquil, soc yich'oj ta muc' te Diose. Jun yo'tan yac ta smaliyel te bi ora ya yich' coltayel ta libre te lum Israele. Te Simeone sjoinej te Ch'ul Espiritue.

San Lucas 1:30

Albot xan yu'un: —María, ma me xiwat, melel awich'ojix c'uxtayel yu'un te Diose.

San Mateo 1:21

Ya me x'ayin squerem-al. Jesús sbiil ya xc'ot awu'un te yale. Jich ay te sbiile, yu'un ya me scoltay ta lajel yu'un smulic te lum yu'une —xi' te ch'ul abate.

Lamentaciones 3:25

Te Cajwaltic lec te bila ya spasbey te mach'a ja' ya smuc'ulin yo'tane, te mach'atic ya xbajt' yo'tanic ta sc'oponele.

Salmos 85:7

Cajwal, ac'a quiltic te xc'uxul awo'tane, coltayawotic.

Salmos 40:1

La cac' smuc'ulin co'tan te Cajwaltic, spisil co'tan la jmaliy; jich la yac' tel xchiquin ta jtojol, jich la yaiybon te cawe.

Salmos 14:7

Ayuc laj bit'il ya xtal ta wits Sión te scolel te lum Israele. Te Cajwaltic ya me yac'bey xan yutsilal te lum yu'une. Jich me bin nax yo'tanic a te sts'umbal Jacob, ja' ta spisil te lum Israel.

Gálatas 5:5

Yan te jo'otique ta swenta te Espíritu te ya cac' xch'uunjel co'tantic. Jich jun co'tantic ya jmaliytic te bit'il toj ya yilotic te Diose.

Romanos 8:25

Yan teme ma to chicanuc te bila yacotic ta smaliyele, ya sc'an te jun co'tantic ya jts'ictic smaliyel, ja' to teme chicnaje.

Romanos 8:19

Soc spisil te bitic pasbil yu'un te Diose, yo'tanuc ya xchicnantesot ta ora te mach'atic yal-snich'an te Diose.

San Lucas 23:51

Ja'uc me to, ma la yac' sba a te bi la snopic soc te bi la spasique, soc yac ta smaliyel te ya xjajch' ta ajwalinel te Diose.

San Marcos 15:43

Ay jtul winic José sbiil te talem ta ch'in lum Arimatea te yich'oj yat'el ta Muc'ul Tsobleje. Ich'bil ta muc' te José, soc yac ta smaliyel te bit'il ay ta ajwalinel te Diose. Ja' ba sc'opon te Pilatoe. Ma ba xiw ta stojol te ya sc'anbey sbaq'uetal te Jesuse.

Isaías 36:8

Soc la yal xan: —Ja' lec pasa trato soc te cajwale, te muc' ajwalil yu'un Asiria: Jo'on ya cac'bat cha'mil (2,000) caballoetic te jichuque, teme ya atabey yajwal ta cajtibinele.

Isaías 33:2

Cajwaltic, na'botic yo'bolil jbatic, ja' smuc'ulat co'tantic te ja'ate. C'opojan cu'untic ta jujun sab; c'alal ay bi ora te ay bi chujc'ul ya jtatique, Jcoltaywanejat me cu'untic.

Isaías 8:17

Manchuc me ya snac' sba Cajwaltic ta stojol te lum yu'un Jacob, ja' ya smuc'ulin co'tan stuquel. Ja' cac'oj ta co'tan smaliyel stuquel.

Salmos 123:2

Jich te bit'il ya yilbey sc'ab yajwal te moso, te ayuc bi ya x'ac'bot yu'une, soc jich te bit'il criada ya yilbey sc'ab te ants yajwalinej, te ayuc bi ya x'ac'bot yu'une, ja' jich te jo'otic yacalotic ta smaliyel te yacuc sna' yo'bolil jbatic te Cajwaltique.

Salmos 119:41

Cajwal, ac'bon quil te xc'uxul awo'tan, soc ac'bon quil te coltayel awu'un, jich te bit'il awaloj ta jamale.

Salmos 62:5

Ja' nax ta stojol Dios ya jta lamal q'uinal; ja' ya xtal ta stojol stuquel te smuc'ul co'tane.

Salmos 62:1

Ja' nax ta stojol Dios ya jta lamal q'uinal; ja' ya xtal ta stojol stuquel te jcolele.

Isaías 30:18

Ja'uc me to, te Cajwaltic ya smaliyex, yu'un ya sna'beyex yo'bolil abaic; mero toyol yo'tan te ya yac'beyex awilic te xc'uxul yo'tane, melel te Cajwaltic ja' Dios te toj yo'tan ta chajbanwaneje. Bin nax me yutsil q'uinal ya yaiyic spisilic te mach'atic ya smaliyic te Cajwaltique.

Génesis 49:17

Jich ya xc'ot Dan te bit'il jti'awal chan te snac'oj sba ta ti'be; ya sti'bey yit yacan caballo c'oem, jich ya yac' yaluc coel te mach'a cajal a.

Éxodo 15:2

Ja' yu'un ya jc'ajintay te Cajwale, ja' quip soc ja' Jcoltaywanej. Ja' Dios cu'un, cajal yutsil sc'oplal, ja' Dios yu'un te jtate, muc' sc'oplal stuquel.

Proverbios 14:32

Te mach'a amen yo'tan, ya me xjinot yu'un te bila ma lecuc ya spase; yan te mach'a lec yo'tane, ja' ya xcanantayot yu'un te slequil yo'tane.

Oseas 12:7

Te Cajwaltic ya yal: —Pajalat soc cananeo-winic te ay ta sc'ab spisil ora te lotil slicojibal, melel ya smulan lo'laywanej.