Génesis 49:11 - Bible in Tzeltal de Oxchuc y Tenejapa

¹¹ Ya me xchuc xch'in burro ta ste'el te ts'usube, ya me sac' sc'u'-spac' ta vino, ja' te ya'lel ts'usube.

Bible in Tzeltal Bachajón

¹¹ Ya schuc ta sch'oxal ts'usub te stut burro, ta lequil sch'oxal ya schuc te yal sme' burro yu'un; ya sac' sc'u' ta ya'lel ts'usub, ta sch'ich'el ts'usub ya sac' te snahtil-c'u'.

Génesis 49:11 Referans Kwoze

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

Joel 3:18

Te c'alal ya xc'ot sc'aalelal, te vino soc te leche ya me x'oquin c'oem ta tseletic soc ta witstiquil. Te beja'etic yu'un Judá ya me yich'ic bael bayal ja'. Ta templo cu'un ya xchicnaj sloq'uibja' te ya yajts'es te stenlej xatal q'uinal yu'un Sitim.

Apocalipsis 19:18

Ya me ati'beyic sbaq'uetal te muc' ajwaliletique, soc sbaq'uetal te capitán-soldadoetique, soc sbaq'uetal te tulan winiquetique, soc sbaq'uetal te caballoetique, soc sbaq'uetal te mach'atic cajajtic tey a, soc sbaq'uetal spisil ta jchajp ants-winiquetic chican teme libre ayique o teme ayic ta mosoile, teme muc' biq'uite”, xi' ta aw.

Miqueas 4:4

Ma me ayuquix xiwel ya yaiyic ta spisilic; juju-jtul ya me xju' xcux yo'tanic ta yaxinal sts'usub soc ta yaxinal higuera yu'un. Ja' me sc'op stuquel te Cajwaltic te Spisil ya xju' yu'une.

1 Reyes 4:25

Te jayeb c'aal cuxin te Salomón, te yajwal Judá soc Israel ta spamal sq'uinalic, c'alal ta Dan soc c'alal ta Beerseba, buen lamal q'uinal la yaiyic, soc jun yo'tanic ayic ta ye'tal sts'usubic soc ta higuera yu'unic.

1 Reyes 4:20

Te Judá soc Israel mero ma xju' ta ajtayel te yajwale, jich te bit'il ji' ay ta ti'mar. Ay bayal swe'el-yuch'elic; mero bin nax yo'tanic ainic.

2 Reyes 18:32

Ta patil ya me yiq'uex bael ta yan q'uinal te pajal nix soc te awu'unique. Ya xch'i trigo tey a, soc ya xch'i ts'usubiltic tey a, swenta yu'un ya yich' pasel waj soc ya yich' pasel vino a, q'uinal te banti ay aceite yu'un oliva soc te banti ay chabe. Jich me ya xju' ya xcuxinex, ma ba ya xlajex a. Ja' yu'un ma me x'awich'ic ta muc' te Ezequías, melel ya slo'layex teme ya yalbeyex te ja' ya scoltayex te Awajwalic te Dios awu'unique.

Apocalipsis 14:20

La yich' teq'uel ta pits'el ta bay spat te lume, ta bay te spits'jibale loc' tel ch'ich' tey a. Te stoylejal pamaj ta lum te ch'ich'e, jich bit'il ta bay stoylejal sfrenoil ye te caballoe, soc jo'lajunwinic (300) kilómetro te spamlejale.

Génesis 49:12

Jich me yilel sit te bit'il tsaj ya'lel te ts'usube, soc jich me yilel ye te bit'il saquil leche.

Deuteronomio 8:7

Melel te Cajwaltic ya yiq'uex bael ta mero lequil q'uinal, ta banti ay bayal muc'ja'etic, soc sloq'uibja'etic te ayic ta stenlej xatal q'uinal soc te ayic ta witstiquile.

Deuteronomio 8:8

Te q'uinale ya xch'i trigo tey a, soc cebada, ts'usubil, higueraetic, granadoetic, olivoetic soc ay chab tey a.

Deuteronomio 32:14

soc mantequilla yu'un wacaxetic, soc ya'lel xchu' yu'un sme' chijetic. La swe'ic jujp'en alal chijetic, muc'ul chijetic ta Basán, soc tat tentsunetic. Buen t'ujbilic sit trigo la sta swe'elinic; la yuch'ic vino, ja' te xch'ich'el yilel te ts'usube.

Amós 9:13

—Ya me sta sc'aalelal te yac to nax ta loq'uel trigo a te ya xc'ot yorail ta joq'uel te lume, soc ma to xlaj ta pits'el ta teq'uel ts'usub a, te ya xc'ot yorail ta ts'unel te trigoe. Ta witstiquil soc ch'in witsetic ya me x'oquin coel tel jichuc ja' te vinoe.

Apocalipsis 7:7

soc ay lajuneb xcha'winic ta bajc' (12,000) ta jtul te sts'umbal Simeón, soc ay lajuneb xcha'winic ta bajc' (12,000) ta jtul te sts'umbal Leví, soc ay lajuneb xcha'winic ta bajc' (12,000) ta jtul te sts'umbal Isacar,