Génesis 49:10 - Bible in Tzeltal de Oxchuc y Tenejapa

¹⁰ Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

Bible in Tzeltal Bachajón

¹⁰ Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

Génesis 49:10 Referans Kwoze

Números 24:17

Ay bila yacon ta yilel te ya xc'ot bael ta pasel, ay bila ya quil ya caiy te c'ubul aye: Ja' jun ec' te ya xloc' tel ta Jacob, ya xjajch' loq'uel tel jtul muc' ajwalil ta yolil Israel. Ja' ya swuybey sjol te sts'umbal Moab, ya swuy spisil sts'umbal Set.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Isaías 42:1

“Li' ay te cabat, te mach'a ya jwentain, ja' te tsabil cu'une, te mach'a bin nax co'tan yu'une. Cac'ojbey ta stojol te espíritu cu'un swenta yu'un ya me yich' tel te stojil ta chajbanel ta spisil te nacionetique.

Salmos 60:7

Te Galaad soc Manasés ayic ta jwenta; te Efraín ja' smajq'uil c'oem ta jole; te Judá ja' jbastón c'oem yu'un pasaw ta mandal;

Isaías 33:22

Te slazoil te muc'ul barcoetic ma xju' ya x'ipajic ta tec'lej tey a te ste'el spac'ul; ma xju' ta lich'el te spac'ule. Ya me xju' jpojbeytic bayal sc'ulejalic te jcontrotactique, asta te ma'site ya to me xc'ot ta swenta, soc te mach'atic sicuben yacan, ya me yat'elinic spojel. Melel te Cajwaltic ja' mero juez cu'untic, ja' jpas-mandalil cu'untic soc muc' ajwalil cu'untic, ya me scoltayotic stuquel.

Hebreos 7:14

Melel jna'ojtic stojol jpisiltic te tey chicnaj ta bay sts'umbal Judá te Cajwaltique. In te Moisese ma'yuc banti la yal te ya yich' yat'el ta sacerdoteil te sts'umbal Judae.

Zacarías 10:11

C'alal ya xc'axic ta mar yu'un woclajel, ya me jlajinbey yip te mar. Ya me jtaquintes c'alal sc'ubulil te muc'ja' Nilo. Ya me jlajinbey stoybail te Asiria; soc ya me jlajinbey yip te Egipto.

Ezequiel 21:27

Spisil jinbil ya xjil cu'un ta jyalel. Jich me ya xc'ot ta pasel teme tal te mach'a jo'on cac'ojbey ta swenta te chajbanwaneje.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Romanos 15:12

Soc jich la yal ta sjun uuc te Isaiase: “Ya xpulin loq'uel yisim te Isaí, ja' ajwalil ya xc'ot yu'un te jyanlumetique. Ja' me ya smuc'ulin yo'tanic te jyanlumetique”, te xie.

San Juan 12:32

Te c'alal ya quich' jijp'anel ta balumilale, ya me quic' tel ta jtojol spisil ants-winiquetic —xi'.

Zacarías 2:11

Te c'alal jich ya xc'ot ta pasele, bayal me nacionetic jun nax ya xc'otic soc te Cajwaltique. Jich me ya yal te Cajwaltic: —Te nacionetic ja' nix lum cu'un, jo'on me ya xnainon ta yolilic —xi' me. Jich me ya ana'ic a te ja' la sticunon tel te Cajwaltic te Spisil ya xju' yu'une.

Jeremías 30:21

Ya xloc' ta yolilic te jtsobwanej yu'unique; tey nix ya xloc' ta yolilic jtul ajwalil. Ya me cac' te ya xnoptsaj ta jtojol; ¿ay bal mach'a ya xju' xnoptsaj bael ta jtojol? Ja'ic me te lum cu'une, soc jo'on me Dioson yu'unic. Jo'on Ajwalilon, jich ya cal —xi' te Cajwaltique.

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

San Juan 19:15

Cajic ta aw: —¡Bajt'uc ta milel! ¡Bajt'uc ta milel! ¡Mila ta cruz! —xiic ta aw. La yal te Pilatoe: —¿Ya bal stac' ya cac' ta milel ta cruz te muc' ajwalil awu'unique? —xi'. Te jwolwanej-sacerdoteetic la yalic: —Ma'yuc yan muc' ajwalil cu'untic, ja' nax stuquel te Césare —xiic.

San Mateo 1:21

Ya me x'ayin squerem-al. Jesús sbiil ya xc'ot awu'un te yale. Jich ay te sbiile, yu'un ya me scoltay ta lajel yu'un smulic te lum yu'une —xi' te ch'ul abate.

Isaías 62:11

Te Cajwaltic ya me yal bael ja' to ta sti'il te balumilale: —Albeyaic te lum Sión te julemonix tel te Jcoltaywanejon yu'une. Te jo'on Yajwalon, ya quic' tel te lum cu'une, teme la jcoltayix loq'uel tel ae —xi'.

Oseas 11:12

La yal xan te Cajwaltique: —Te Efraín la sbusanbon ta jtojol te lotetic yu'une; la spotson ta lot te lum Israele. Judá la sloq'ues sba ta jtojol jo'on te Diosone; ja' jun yo'tan ta stojol te yajcanane.

Isaías 60:1

Jajch'an, Jerusalén, xojobajan, melel julix tel te luz awu'un; ya xojobajix yutsilal Cajwaltic ta atojol.

Isaías 2:2

Ta slajibal c'aal tulan me ya xc'ot te wits te tey ay a te templo yu'un te Cajwaltique. Ja' me te wits te c'ax toyol xane, ja' c'ax toyol yu'un a te yantic witsetique. Spisil te nacionetic ya me xtalic ta stojol;

Salmos 108:8

Te Galaad soc Manasés ayic ta jwenta; te Efraín ja' smajq'uil c'oem te jole; te Judá ja' jbastón c'oem yu'un pasaw ta mandal.

Números 21:18

Te jtsobwanejetic la sjoq'uic soc ste'ic; te mach'atic muc' sc'oplalic yu'un te lum la sjamic soc sbastonic”, te xie. Ta jochol taquin q'uinal cha'beenic xan bael te israeletic ja' to ta Matana.

San Mateo 25:32

Spisil ta jchajp nacionetic ya me yich'ic tsobel tel ta stojol. Cha'q'uejp ya sloq'ues a jich bit'il te jcanan-chije te jq'uejp ya yac' te chijetique soc jq'uejp ya yac' te tentsunetique.

San Mateo 21:9

Te ants-winiquetique te neel yacalic ta beel soc te patil ayique, la yawtayic: —¡Jelawen yutsil te sts'umbal David! ¡Bin nax yutsil te mach'a talem ta swenta te Cajwaltique! ¡Jelawen yutsil te Mach'a ay ta ch'ulchane! —xiic ta aw.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

Hageo 2:7

Ya me cac' nijc'uc ta spisilic te nacionetique. Ya me yich'ic tel sc'ulejalic, te templo cu'un ay me bayal yutsil ya xc'ot —xi' te Cajwaltic te Spisil ya xju' yu'une. Soc jich ya yal ta jamal te Cajwaltique:

Daniel 9:25

Ya sc'an te ya ana'bey swentail in to soc te ya xc'ot ta awo'tan ta mero melel: Te bi ora ya yich' alel mandal ta jachel xan te Jerusalén soc te ya me yich' cha'pasel xan, ja' to teme jul tel te ch'ul jwentainwanej, ya me xc'ax juqueb semana. Te calleetic soc joyob ts'ajc' te ya yich'ix xan pasel ta Jerusalén, ya me xjalajic cheb xchanwinic (62) semana, pero ta spisil in c'aal to, ay me bayal wocol a.

Ezequiel 19:14

Ta sc'abc'ab ya xloc' c'ajc', ja' nix ya slajin a te spule, soc ja' nix ya slajin a te site. Ma'yuquix jil te sc'abc'ab mero tulanic, te ya xju' ya x'och ta sbastón muc' ajwalil —xi'. (Te c'ayoj in to ja' sc'ayojil te mach'a ya xlaje; ja' me ya xtuun spisil ora ta sna'jibal te bila ya yac' mel-o'tane.)

2 Corintios 5:10

Melel jpisiltic ya me xc'o jtejc'an jbatic ta bay chajbajibal yu'un te Cristoe, swenta yu'un juju-jtul ya me yich' te bila ya xc'ot ta swentae, chican te bila spasoj te c'alal snainej to a te sbaq'uetale, chican teme leque o teme ma lecuque.

San Juan 19:12

Te Pilato tey jajch' snop te bi ya yut ya scoltay baele. Yan te judioetique la yalic ta aw: —Teme ya acoltay baele, yu'un nanix ma junuc awo'tan ta stojol a te César. Melel te mach'a ya scuy sba ta muc' ajwalile, ja' scontroinej te Césare —xiic ta aw.

San Juan 18:31

La yal te Pilatoe: —Ic'aic bael te ja'exe. Baan, chajbanaic ta swenta te mandalil awu'unique —la yut. La yalic te judioetique: —Te jo'otique ma'yuc ta jwentatic te ay mach'a ya cac'tic ta lajele —xiic.

Ezequiel 19:11

Mero tulan bajt' te sc'abc'abe, asta la sbastonin muc' ajwalil, mero muc' bajt', c'ot c'alal ta tocal. Jchajp ta ilel yu'un stoyolil a, jchajp ta ilel yu'un a te yutsil sc'abc'abe.

San Juan 9:7

Jich la yalbey: —Baan, poca asit ta bay estanqueil ja' te Siloé sbiile —la yut. (Te Siloé, “ticunbil”, xi' c'oem.) Te ma'site ba spoc te site. Te c'alal sujt' baele, ya yilix te q'uinale.

Deuteronomio 28:57

Jich ma xyac'bey sti'ic uuc te yalatac ya yalatay, soc te sme'alal ya xloc' tel ta yutil xch'ujt'e. Melel spisil me ya sti' ta muquen, scaj te ma'yuc we'elil a te jayeb c'aal yac ta aq'uel guerra yu'un acontrotac te lumetic awu'une.

Jeremías 33:26

Jich yu'un, ma'yuc bi ora ya jch'oj bael ta co'tan sts'umbal Jacob soc David te cabate; ma xch'ay cu'un ta tsael loq'uel ta yolilic te mach'atic ya xmandalajic ta stojol te sts'umbal Abraham, Isaac soc Jacob. Melel te jo'one ya me jna'bey yo'bolil sbaic, soc ya me cac'bey xan yutsilalic —xi' te Cajwaltique.

Números 24:19

Ay jtul jtsalwanej ya xloc' ta sts'umbal Jacob, ya me sjin te mach'atic ya xjilic ta lumetic —xi' te Balaam.

2 Samuel 7:13

Ja' me ya spasbon jun templo; soc ya me cac'bey yat'el ta muc' ajwalil sbajt'el q'uinal.

2 Samuel 7:16

Te ats'umbal soc te awat'el ta muc' ajwalil stalel ay cu'un sbajt'el q'uinal, jo'on ya jwentain. Soc nix te awat'el ta muc' ajwalil sbajt'el q'uinal chapal ya xjil”, uta me —xi' te Cajwaltique.

1 Crónicas 12:24

Te sts'umbal Judá: ay talic wacmil soc cha'bajc' (6,800) winiquetic soc smajq'uilic soc slanzaic, chapalic ta lec yu'un yaq'uel guerra.

1 Crónicas 12:39

Oxeb c'aal ainic tey a ta sjoinel David, we'ic-uch'ajic, melel te slumale xchajbanejic te bitic ya xtuune.

Salmos 60:9

¿Mach'a ya yic'otic bael ta lum te ay sjoyob ts'ajc'ule? ¿Mach'a ya yic'otic bael c'alal Edom?

Salmos 78:68

Ja' la stsabey stuquel te sts'umbal Judá soc nix te buen mulanbil wits yu'un, ja' te Sión.

Isaías 55:3

La'ic ta jtojol, soc aiya awaiyic, aiybon awaiyic stojol te jc'ope, yu'un jich me ya xcuxinex. Te jo'one ya jpas trato ta sbajt'el q'uinal ta atojolic, jich me ya xc'ot ta pasel te bit'il caloj ta swenta xc'uxul co'tan ta stojol David.

Ezequiel 21:32

Ya me awich' chiq'uel, soc ya me awich' lajinel. Ya me x'oquin ach'ich'el ta lumq'uinal ta bayuc; ma'yuc mach'a ya xcha'na'at xan. Jo'on Ajwalilon te jich caloje —xi' te Cajwaltique.

Miqueas 5:1

La yal te Cajwaltic: —Yan ta ora yo'tic, Jerusalén, chajbana me te ajoyob ts'ajc'ul, melel joytaybilatix yu'un te acontro, soc ya me yac'bey tulan castigo te jtsobwanej yu'un Israel.