Génesis 49:1 - Bible in Tzeltal de Oxchuc y Tenejapa

¹ Te Jacob la yic' tel ta stojol te snich'nabe, jich la yalbey: —Tsoba abaic tel, ya calbeyex awaiyic te bila ya xc'ot ta pasel ta atojolic ta patil baele:

Bible in Tzeltal Bachajón

¹ Te Jacob la yic'ticlan tal te snich'nab, hich la yalbe: Tsoba abahic, ya calbeyex awa'iyic te bin ya xc'oht ta pasel ta atojolic ta patil bahel:

Génesis 49:1 Referans Kwoze

Números 24:14

Lec ay, ya sujt'onix bael ta jlumal; ja'uc me to, ya to calbat xan jilel te bila ya spas bael ta yan c'aal te lum Israel ta stojol te alumale —xi'.

Daniel 10:14

Ja' yu'un tal cac'bat ana'bey swentail te bila ya xc'ot ta pasel ta stojol ta patil te alumale, melel te bila la awil la awaiye, ja' ya yac' ta na'el te bila ya xc'ot ta pasele”, xi' te Gabriele.

Jeremías 23:20

Te yilimba Cajwaltic, ma xcom, ja' to chican teme c'ot ta pasel yu'un te bila ay ta yo'tane. Ya me sta yorail te ya anop ta awo'tanic soc ya xc'ot ta awo'tanic in bitic to.

Deuteronomio 4:30

Te c'alal c'axix awu'unic spisil a te tulan wocoletique, teme ya asujt'es xan awo'tanic ta stojol te Cajwaltic soc te ya ach'uunbeyic te smandale,

Apocalipsis 4:1

Patil ay yan bila la quil. Ja' la quil te ay ti'nail jamal ta bay te ch'ulchane. Te sbabial c'op te la caiy stojole, jich sc'op te bit'il oq'uese. Jich la yalbon: —Moan tel li'to, yu'un ya cac'bat awil te bila ya xc'ot ta pasel ta puersa ta patilal baele —la yuton.

Isaías 2:2

Ta slajibal c'aal tulan me ya xc'ot te wits te tey ay a te templo yu'un te Cajwaltique. Ja' me te wits te c'ax toyol xane, ja' c'ax toyol yu'un a te yantic witsetique. Spisil te nacionetic ya me xtalic ta stojol;

Salmos 105:15

“Ma me xacontroinic te mach'atic tsabil cu'une, ma me x'awuts'inbonic te j'alwanejetic cu'une”, xi'.

Salmos 25:14

Te Cajwaltic ja' me sjoy te mach'a ya yich' ta muq'ue, soc ya me yac'bey sna' stojol te trato yu'une.

Deuteronomio 31:12

Ta spisil me ya stsobic te winiquetic, antsetic, alaletic soc te jyanlumetic te nainemic ta alumalique, swenta yu'un ya me yaiyic te ya yich' ilel te mandaliletique, soc ya me snopic yich'el ta muc' te Cajwaltic Dios, soc ya me spasic bael te bila ya yal te mandaliletique.

Hebreos 1:2

Yan ta ora to te slajibal c'aal ayotique, la sc'oponotiquix ta swenta te Snich'ane. Dios la spas ch'ulchan balumilal ta swenta te Snich'ane, soc ja' yac'ojbey yu'unin spisil te bitic aye.

2 Timoteo 3:1

Ya sc'an ya ana' stojol in to, te c'alal nopolix a te slajibal c'aale, ya me xtal te bila c'ax chujc'ultic sba ta q'uinale.

1 Timoteo 4:1

Ja'uc me to, jamal yalojix te Espíritu te ay mach'atic jc'axel ya xch'ay xch'uunjel yo'tanic te c'alal nopolix a te slajibal c'aale. Ya me xjajch' xch'uunic te lo'layel yu'un te pucujetic, soc te nopjibal yu'unique.

Hechos 2:17

“Jich ya yal te Diose: Ta nopol slajibal c'aal ya me jmal te Espíritu cu'un ta stojol spisil ch'ich'-baq'uet. Te aquerem-nich'anic soc awantsil-nich'anic, ya me yalic te sc'op Diose. Te jch'ieletic awu'unique ay me bi ya x'ac'bot yilic ta stelemal, Soc te mamaletique, ay me bi ya swaichinic.

San Lucas 2:26

Ac'bot sna' stojol yu'un te ma to xlaj a te ya yilbey sit te Cristoe te ya xticunot tel yu'un te Cajwaltique.

Miqueas 4:1

Ta slajibal c'aal tulan me ya xc'ot xan te wits ta banti ay te templo yu'un Cajwaltique. Ja' me te wits te c'ax toyol xane; ja' c'ax toyol yu'un a te yantic witstiquile. Spisil te nacionetic ya me xtalic ta stojol.

Amós 3:7

Ma'yuc bila ya spas Cajwaltic teme ma neeluc ya yac'bey sna'ic te j'alwanejetic yu'une.

Daniel 10:1

Ta yoxebal ja'wil yat'el ta muc' ajwalil yu'un Persia te Ciroe, te Daniel, te Beltsasar yan sbiile, ay bila ac'bot yil ta mero melel, pero chujc'ul ta na'beyel swentail. Te Daniel la yac' yo'tan ta sna'el, jich ju' yu'un sna'beyel swentail te bila ac'bot yile.

Daniel 2:47

Patil jich la yalbey te Daniel: —Ta mero melel, Daniel, te Dios awu'unic ja' mero toyol yu'un yantic diosetic. Ja' Ajwalil yu'un ajwaliletic, ja' ya xchicnantes te bitic wocol ta na'ele, melel ju' awu'un xchicnantesel te bila wocol ta na'ele —xi'.

Isaías 53:1

¿Mach'a ya xch'uun te bi caiyojtic stojole? ¿Mach'a yac'ojbey sna' stojol Cajwaltic te yu'ele?

Isaías 39:6

“Ya me sta sc'aalelal te spisil te bitic ay awu'un ta apalacio, soc spisil te bitic la stsob te antiguo ame'-atat, ja' to c'alal ora yo'tic, ya x'ich'ot bael ta Babilonia. Ma me ayuc bi ya xjil.

Isaías 22:14

Te Cajwaltic te Spisil ya xju' yu'un, la yac' sba ta ilel ta jtojol soc jamal la yalbon ta jchiquin: —Ma ba ya jpasbeyex perdón yu'un in mulil to, ja' to c'alal ya xlajex bael te ja'exe —xi' te Cajwaltique. Jich la yal te Cajwaltic te Spisil ya xju' yu'une.

Hebreos 13:1

Ma me xawijq'uitayic te talel c'axel c'ux ya awaiy abaic te bit'il awermano abaique.

Isaías 48:14

Tsoba abaic apisilic te ja'exe, soc aiya awaiyic stojol: ¿Mach'aex la awalbeyic sc'oplal te bila ya xc'ot ta pasele? Te winic te jtsaojixe ja' me ya spas te bila jnopoj te ya xc'ot ta pasel ta Babilonia soc ta stojol te sts'umbal caldeoetique.