Génesis 48:4 - Bible in Tzeltal de Oxchuc y Tenejapa

⁴ Jich la yalbon: “Ya me cac' esmajuc te ats'umbale, bayal ta jchajp nación ya xc'otic ta loq'uel. Soc ya me cac'bey yu'unin ats'umbal in q'uinal to. Ja' me yu'unic sbajt'el q'uinal”, la yuton te Diose.

Bible in Tzeltal Bachajón

⁴ soc hich la yalbon: Ya cac' xmuc'ubat soc ya cac' xp'ohlat, ya cac' te bayel ta chahp nación ya xc'ohat, soc ya ca'be te patil ats'umbal te q'uinal ini, ha yu'unic ya xc'oht spisil ora, xchi.

Génesis 48:4 Referans Kwoze

Génesis 17:8

Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Génesis 35:11

Dios la yalbey xan: —Jo'on Dioson te Spisil ya xju' cu'une; esmajan, ayuc me bayal ats'umbal. Muc'ul nación ya xc'oat, bayal me ta jpam lum ya xc'oat ta loq'uel a, bayal ta jtul ajwaliletic ya xloc' a te ats'umbale.

Deuteronomio 32:8

Te mach'a mero Toyole, ta namey la spuc ta lumq'uinal te ants-winiquetic soc te nacionetique, la yac'bey seña bay c'alal sti'il te lumetique. Pero ay sc'oplal ta yo'tan te israeletique,

Éxodo 1:7

Ja'uc me to, bayal esmajic te israeletique, c'axem to xan esmajic ta jyalel, mero bayal yipic a c'ot. Noj yu'unic te sq'uinal Egipto.

Génesis 47:27

Jich te israeletic nainic ta Egipto. La sq'uinalinic te q'uinal te Gosén sbiile, tey esmajic bayal a.

Génesis 46:3

Albot yu'un te Diose: —Jo'on Dioson, Dioson yu'un te atate. Ma me x'axi' te ya xcoat bael ta Egipto, yu'un ya me cac' esmajan tey a, bayal me ta jmil ats'umbal ya xc'ot.

Génesis 32:12

Te melel jich awalojbon ta jamal: “Ya me jc'uxtayat, soc jich yipal ya xc'ot ats'umbal cu'un te bit'il sji'al mar te ma xju' ta ajtayel”, te la awutone —xi'.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 26:4

Ya me cac' esmajuc ats'umbal, jich yipal ya xc'otic te bit'il eq'uetic ta ch'ulchan. Soc ya me cac'bey sq'uinalin spisil in q'uinal to te ats'umbale. Ta swenta ats'umbal ya me x'ac'bot bendición ta spisil ta jchajp mach'atic ayic ta balumilal.

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Génesis 17:13

Te mach'a ya x'ayin ta ana, soc te mach'atic manbil ta ataq'uin, ya me yich' circuncisión ta puersa. Ja' seña ta abaq'uetalic te trato cu'un ya xc'ot sbajt'el q'uinal.

Génesis 12:2

Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.

Éxodo 1:11

Jich yu'un te egipcioetic la sleic tulan jwolwanejetic, te ya stenic ta tulan at'el te israeletique. La yac'beyic spas cha'pam lum te Pitón soc Ramsés te sbiilique. Yu'un ay ta yo'tan te faraón, te muc' ajwalil xi' c'oem yu'un Egipto, te ja' sq'uejibal te sbiluque.

Levítico 26:9

Buen lequex me ta jsit, soc ya me cac' esmajuquex, ya me cac' c'otuc ta awentaic te trato cu'une.

Salmos 127:3

Te cal-jnich'antic ya x'ayinic, ja' jc'ulejaltic te ya yac'botic te Cajwaltique.

Génesis 17:6

Ya cac' esmajuc bayal ats'umbal, soc bayal ta jchajp ants-winiquetic ya xc'oat ta loq'uel cu'un, soc bayal ta jtul ajwaliletic ya xchicnaj ta awenta.

Ezequiel 37:25

Ya me xnainic tey ta lumq'uinal te la cac'bey te cabat Jacob, tey ta banti nainic uuc te antiguo sts'umbalique. Jc'axel me tey ya xnainiquix soc yal-snich'anic a, soc ta spisil te patil alnich'anetic yu'unique. Ja' me ajwalil yu'unic sbajt'el q'uinal te cabat David.