Génesis 48:21 - Bible in Tzeltal de Oxchuc y Tenejapa

²¹ Soc la yalbey te José: —Ya xwayix jbaq'uetal; ja'uc me to, ja' me ya sjoinex te Diose, soc ya me yiq'uex sujt'el ta bay slumal te ame'-atatique.

Bible in Tzeltal Bachajón

²¹ Te Israel hich la yalbe te José: Ya xwayix jbaq'uetal; pero ya me sjoquinex te Dios soc ya me yiq'uex suhtel bahel ta slumal te ame'atatique.

Génesis 48:21 Referans Kwoze

Génesis 50:24

Ta patil te José la yalbey yaiy te yermanotaque: —Ya me xlajonix. Ja'uc me to, te Diose puersa me ya scoltayex xan ta patil. Ya me yiq'uex loq'uel li'to ta Egipto, ya me yiq'uex bael ta ba ay te q'uinal yaloj te ya yac'beyex aq'uinalinic ja'ex te sts'umbalex te Abraham, te Isaac, soc te Jacob —xi'.

Génesis 46:4

Ya me joinat bael te ya xcoat bael ta Egipto, soc ya me joinat sujt'el ta patil. Ja' me ya smucat te José te c'alal ya xway abaq'uetale —xi' sc'oplal yu'un.

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Génesis 26:3

Tey me xnainat a te bay q'uinal ayate, ya me joinat, soc ya me cac'bat bendición. Yu'un ya me cac'bat aq'uinalin spisil soc ats'umbal te q'uinale, soc ya me cac' c'otuc ta pasel te bila la calbey te atat Abrahame.

Hebreos 7:3

Ma'yuc banti nacal ta jun sbiil te sme'-state soc te antiguo sme'-state. Ma chicanuc xjajch'ibal soc slajibal te xcuxlejale, jich pajal soc te Snich'an Diose. Sbajt'el q'uinal ay ta sacerdoteil stuquel.

2 Pedro 1:14

Yu'un yac'ojbonix jna' stojol te Cajwaltic Jesucristo te nopolix ya quijq'uitay jilel te jcuxlejal ta q'uinale.

Hebreos 7:8

Stalel ya xlajic te sacerdoteetic yu'un Leví te ja' ay ta swentaic yich'el jun ta slajunebal sbiluc te slumalique. Ya yal ta Sjun Dios te cuxul to ta q'uinal stuquel te Melquisedeque.

2 Timoteo 4:6

Te jo'one nopolix ya cac' jba ta milbil smajt'an Dios, yu'un nopolix ya quijq'uitay te balumilale.

Hechos 13:36

Melel te David la yac' sba ta abatinel ta stojol te mach'atic pajal c'ax ta q'uinal soque, jich nix te bit'il ay sc'anjel yo'tan ta neelal to te Diose. Patil way sbaq'uetal. Bajt' ta muquenal ta bay mucul te sme'-state. Tey c'a' sbaq'uetal a.

San Lucas 2:29

—Cajwal, jun co'tan ic'awonix ta atojol. Melel c'otix ta pasel te bila awalojbon te awabatone.

Salmos 18:46

¡Viva Cajwaltic, jelawenuc yutsil sc'oplal te jcanantaywanej cu'une! Ac'a toyuc xan yutsil sc'oplal te Dios,

Josué 23:14

“Te jo'one ya xlajonix. Ja'uc me to, ya jc'an cac'beyex jilel ana'ic ta spisil awo'tanic soc ta spisil ach'ulelic, te c'otix ta pasel spisil te bitic lec yaloj te Cajwaltique. Ma'yuc bay quechel jilel jp'aluc ta pasel te bila yaloje.

Josué 3:7

Te Cajwaltic la yalbey te Josué: —Yo'tic ya me cac' te ya xmuc'ub ac'oplal ta sitic te israeletique. Tey me ya yilic a te joinejat, jich bit'il la join te Moisese.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Josué 1:5

Ma'yuc mach'a ya stsalat te jayeb c'aal cuxulate. Jich bit'il la join te Moisés, jich nix ya joinat te ja'ate, ma xquijq'uitayat soc ma ba ya jpijt'esat.

Deuteronomio 31:8

Ja' nix me te Cajwaltic te ya xneelaj bael ta atojole, soc ya me sjoinat spisil ora. Ma ba ya yijq'uitayat soc ma ba ya spijt'esat. Ja' yu'un, ma me xiwat, ma me xyu'uninat xiwel —xi' te Moisese.

Génesis 37:1

Te Jacob nain ta sq'uinal Canaán, te bay nix nain te state.

Génesis 15:14

Ja'uc me to, jo'on me ya cac'bey castigo te mach'atic ya smozoinwanique. Patil te ats'umbale ya me xloq'uic tel soc bayal sc'ulejalic.

Génesis 12:5

Te Abram la yic' bael te yiname ja' te Sarai, soc te snich'an yijts'in te Lot sbiile, soc spisil sbiluc tsobajem yu'un, soc spisil mach'a och ta swenta ta lum Harán. Loq'uic tel tey a, bajt'ic ta sq'uinal Canaán.

Deuteronomio 30:3

jich me ya syantesbeyex a te bila wocolil ay ta atojolic te Cajwaltic Diose. Ya me sna'beyex xan yo'bolil abaic, ya me xcha'tsobex tel li' ta nacionetic ta banti la xch'ojex bael ta neelal toe.

Génesis 15:16

Ta xchancajal ats'umbal ya xcha'talic xan li'to, yu'un ma to sts'acaj jayeb smul te amorreoetique —xi' sc'oplal yu'un.

Génesis 47:29

La sta yorail te la sna' stojol te mamal Israel te nopol ya xlajixe, jich yu'un la sticun ta iq'uel te snich'ane, ja' te José. Jich la yalbey: —Teme c'uxon ta awo'tane, ac'a tel ac'ab ta yanil ca', ya me awalbon ta stojol Dios te puersa me ya xc'ot ta pasel awu'un te bila ya calbate. Wocoluc, ma me x'amucon li'to ta bay Egipto.

Génesis 50:6

Jich yu'un te faraón la yalbey tel te José: —Baan, muca te atat jiche, jich bit'il la yac'bat awal ta stojol Dios te ya apasbeye —la yut.