Génesis 48:19 - Bible in Tzeltal de Oxchuc y Tenejapa

¹⁹ Ja'uc me to, ma la sc'an te state, jich la yalbey te José: —Ya jna' stojol, jnich'an, ya jna' stojol. Ya x'esmaj soc sts'umbal uuc, soc muc' ya xc'ot ta loq'uel. Ja'uc me to, ja' c'ax jich ya xc'ot stuquel te yijts'ine, soc bayal ta jchajp nación ya xloc' a te sts'umbale —xi' sc'oplal yu'un.

Bible in Tzeltal Bachajón

¹⁹ Pero ma ba la sc'an te state, hich la yalbe: Ya jna', jnich'an, ya jna'. Ha nix hich muc'ul pueblo ya xc'oht, soc ha nix hich muc' sc'oblal ya xc'oht; pero c'ax hich ya xc'oht a te yihts'ine, soc bayel ta chahp nacionetic ya xloc' a te sts'umbale, xchi.

Génesis 48:19 Referans Kwoze

Deuteronomio 33:17

Buen t'ujbil, pajal soc sba snich'an toro, bayal me yip jichuc ja'mal wacax; ya me sluch ta xulub spisil lumetic, ya me xbajt' c'alal ta sti'il te q'uinale. Jich me te mero bayal lum Efraín. Jich me te mero tsobol lum Manasés —xi'.

Génesis 25:28

Te Isaac ja' c'ux ta yo'tan te Esaú, yu'un ya x'ac'bot ti'bal sti' yu'un. Yan te Rebeca ja' c'ux ta yo'tan te Jacob stuquel.

Apocalipsis 7:8

soc ay lajuneb xcha'winic ta jbajc' (12,000) ta jtul te sts'umbal Zabulón, soc ay lajuneb xcha'winic ta jbajc' (12,000) ta jtul te sts'umbal José, soc ay lajuneb xcha'winic ta jbajc' (12,000) ta jtul te sts'umbal Benjamín, te yich'oj selloilic ta spisilique.

Apocalipsis 7:6

soc ay lajuneb xcha'winic ta jbajc' (12,000) ta jtul te sts'umbal Aser, soc ay lajuneb xcha'winic ta jbajc' (12,000) ta jtul te sts'umbal Neftalí, soc ay lajuneb xcha'winic ta jbajc' (12,000) ta jtul te sts'umbal Manasés,

Ezequiel 27:10

Winiquetic talemic ta Persia soc talemic ta Lidia soc ta Libia, ja' soldadoetic awu'un te ya xtuun awu'un ta guerra, la xch'alat ta majq'uilaletic yu'unic soc ta pixolal cascoetic, ja' snujp' awutsilal yu'unic.

Isaías 7:17

“Te Cajwaltic ya me yac' xtal wocol ta atojol, soc ta stojol te alumal, soc ta stojol te mach'atic ay awu'une, woclajel te ma'yuc bay jich c'oem ta pasel a ja' to c'alal la sloq'ues sba bael Efraín ta stojol Judá —xi'. (Ja' ya yalbey sc'oplal te muc' ajwalil yu'un Asiria.)

Deuteronomio 1:10

Melel mero bayal awal-anich'nabic la yac'beyexix te Cajwaltic te Dios cu'untique, yo'tic mero muc'ul lumexix, jich awipal c'oemex te bit'il eq'uetic ayic ta ch'ulchane.

Génesis 48:14

Jich te mamal Israel la yac' tel te swa'el sc'abe, la scajanbey ta sjol te Efraín, te ijts'inale. Te xq'uexen sc'ab la scajanbey ta sjol te Manasés, ja' te banquilale. Ja'uc me to, te bit'il la yac'bey sjel sba te sc'abe, ay swentail ta yo'tan te bit'il jich la spase.

Génesis 17:4

—Aiya awaiy stojol te trato ya calbate, ja' te tatil ya xc'oat yu'un bayal ta jchajp ants-winiquetic.

Génesis 28:14

Jich yipal ats'umbal ya xc'ot te bit'il ts'ubil lum. Soc ya me spuc sbaic ta bayuc c'alal ta stojol smalib c'aal, soc c'alal ta stojol sloq'uib c'aal soc c'alal ta stojol norte, soc c'alal ta stojol sur. Soc ta awenta soc ta swenta ats'umbal ya me x'ac'bot bendición spisil ta jchajp lum ayic ta spamal balumilal.

Génesis 46:3

Albot yu'un te Diose: —Jo'on Dioson, Dioson yu'un te atate. Ma me x'axi' te ya xcoat bael ta Egipto, yu'un ya me cac' esmajan tey a, bayal me ta jmil ats'umbal ya xc'ot.

Génesis 48:18

Te José jich la yalbey te state: —Ma jichuc ya sc'an, jtat. Ja' banquilal te yane, ja' xacajanbey swa'el ac'ab ta sjol stuquel —la yut.

Génesis 25:23

Albot yu'un: —Cha'chajp nación ya xloc' a te alaletic awic'oje, cha'chajp lum te ay to ta ach'ujt' a te scontroinej sbaique. Te jtule c'ax jich ya xju' yu'un te bit'il te yane, te banquilale abatil ya xc'ot yu'un te ijts'inale —xi' sc'oplal yu'un te Cajwaltique.