Génesis 48:17 - Bible in Tzeltal de Oxchuc y Tenejapa

¹⁷ Ja'uc me to te José, c'alal la yil te stat te bit'il ja' la scajanbey swa'el sc'ab ta sjol te Efraín, ma lecuc c'ot ta yo'tan. Jich yu'un la stsacbey sc'ab te state, te cajal ta sjol te Efraín, c'an yac' bael ta sjol Manasés.

Bible in Tzeltal Bachajón

¹⁷ Pero c'alal la yil te José te la scajambe swa'el-c'ab ta sjol Efraín, ma lecuc la ya'iy; ha yu'un la stsacbe te sc'ab te stat ay ta sjol te Efraín, yu'un ha c'an ya'be ta sjol Manasés.

Génesis 48:17 Referans Kwoze

Génesis 48:14

Jich te mamal Israel la yac' tel te swa'el sc'abe, la scajanbey ta sjol te Efraín, te ijts'inale. Te xq'uexen sc'ab la scajanbey ta sjol te Manasés, ja' te banquilale. Ja'uc me to, te bit'il la yac'bey sjel sba te sc'abe, ay swentail ta yo'tan te bit'il jich la spase.

Romanos 9:11

Ja'uc me to, te c'alal ma to x'ayinic a soc ma'yuc bila spasojic ta bay leque soc ta bay amene, jich albot yu'un Dios te Rebecae: “Te ijts'inale ya me smosoin te sbanquile”, te xi' sc'oplale. Ja' pajal soc te bit'il jich ts'ibubil jilel ta Sjun te Diose: “Te Jacobe, c'ux la caiy ta co'tan. Yan te Esaú, la jp'aj ta co'tan stuquel”, te xie. Jich chican ta jamal te bit'il ay ta swenta stsael stuquel te mach'a ya yic' te Diose, chican te bila snopoj ta yo'tan stuquel. Ma ba ya yich' ta wenta te bila ya spasique.

Proverbios 24:18

Melel te Cajwaltic ma smulan te jich ya apase; ja' me ya xlecub yo'tan ta stojol te acontro teme jich ya apase.

1 Crónicas 21:7

Te Dios ma lecuc yo'tan yu'un spisil, jich la yac'bey tel castigo ta stojol Israel.

1 Reyes 16:25

Te yat'el te Omri, mero ma lecuc ta sit te Cajwaltique. C'axem to xan jich sbolil a te bit'il yantic muc' ajwaliletic neel c'axique.

1 Samuel 16:7

Pero albot yu'un te Cajwaltic: —Ma me ja'uc xbajt' ta awo'tan te bi yilele; te bi yilel snajt'il soc te bi yilel st'ujbilale, te jo'one ma ja'uc ay sc'oplal cu'un. Ma ja'uc ay ta wenta cu'un te bi ya yich' ta wenta te ants-winiquetique. Ja' ya xbajt' ta yo'tanic te bi yilel stec'lejal, yan te jo'one ja' ya quilbey te bi yilel te yo'tane —xi'.

Números 22:34

Te Balaam la sjac'bey sc'op te ch'ul abat yu'un te Cajwaltique: —Jtaoj jmul. Ma la jna' teme ja'at amacojbon te jbee. Teme ma lecuc ya awaiy te ya xboone, ya me sujt'on bael —xi'.

Números 11:1

Te israeletic ay jun c'aal jajch'ic ch'inlajanel ta scontroinel te Cajwaltic, ta scaj te ay swocolic yac ta c'axel c'aal yu'unique. La yaiy stojol te Cajwaltic, bayal ilin yu'un, jich la sticun tel c'ajc'.

Génesis 38:10

Te Cajwaltic ma lecuc yo'tan yu'un te bit'il jich la spas te Onán. Jich yu'un ma la yac' cuxinuc uuc.

Génesis 28:8

Te Esaú la sna' bit'il ma lecuc yo'tan stat yu'un te cheb cananea-antsetic yic'oje.

Génesis 48:18

Te José jich la yalbey te state: —Ma jichuc ya sc'an, jtat. Ja' banquilal te yane, ja' xacajanbey swa'el ac'ab ta sjol stuquel —la yut.

Josué 17:1

Te q'uinal ac'bot ta swenta sts'umbal Manasés, ja' te sba snich'an José, jich ay: te Maquir te tulan yu'un guerra, te sba snich'an Manasés soc stat te Galaad, ja' c'ot ta swenta te q'uinal te Galaad sbiil, soc te Basán, te ay ta stojol sloq'uib c'aal yu'un Jordán.