Génesis 48:16 - Bible in Tzeltal de Oxchuc y Tenejapa

¹⁶ ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

Bible in Tzeltal Bachajón

¹⁶ ha te Ch'ul A'bat te la scoltayon loq'uel ta spisil te bintic chopol, ac'a ya'be bendición te queremetic ini. Ac'a yich'bonic hilel te jbihil soc te sbihil te Abraham soc Isaac te tatiletic cu'un, soc bayel ac'a p'ohlicuc ta bahlumilal, xchi.

Génesis 48:16 Referans Kwoze

Salmos 34:22

Ja'uc me to, te Cajwaltic ya scoltaybey xcuxlejalic te abatetic yu'une; ma ba ya yich'ic castigo te mach'atic ja' ya smuc'ulin yo'tanique.

Génesis 49:22

“Te José, jich c'oem te bit'il te' ts'unul ta ti'ja' te ya yac' bayal site, te sc'abc'abe ya me xloc' bael ta pat ts'ajc'.

Génesis 48:5

Jich yu'un te cheb anich'nab, te Efraín soc Manasés, te ayinic ta Egipto te c'alal ma to xtalon ta Egipto, ja' me mero cu'un, jich bit'il cu'un te Rubén soc te Simeón, ja' nix jichic te cheb anich'nabe, cu'un me ta xchebalic.

2 Timoteo 4:18

Ja' la scoltayon loq'uel ta yolil spisil te bila amene, soc ya me scanantayon ja' to c'alal ya sta yorail te ya yic'on bael ta banti ay ta ajwalinel te Diose. Ac'a ich'otuc ta muc' soc yutsilal sbajt'el q'uinal. Jichuc.

Josué 17:17

Jich yu'un te Josué la sujt'esbey sc'opic te sts'umbal José, ja' te sts'umbal Efraín soc Manasés, jich la yalbey: —Mero bayalex te ja'exe, soc bayal awipic, jich yu'un ma ba jsejp nax ya awich'ic te q'uinale.

Hebreos 11:21

Ta swenta xch'uunjel yo'tan te Jacobe, te c'alal ya xlajix a, la yac'bey yich' bendición ta juju-jtul te snich'nab José, soc la snijan sba ta sjol snabate' ta sc'oponel te Diose.

Hechos 15:17

swenta yu'un ya me xtal sleic Cajwaltic te mach'atic jilemic xane soc spisil te jyanlumetic te ya yalbonic te jbiile’, xi'.

San Juan 17:15

Ma ja'uc ya calbat wocol yu'un te ya aloq'uesbon ta balumilale; ja' ya jc'anbat te ma xawac' a te bila amene.

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Salmos 121:7

Te Cajwaltic ya scanantayat ta yu'el ta spisil te bitic chujc'ul ya staate; ja' ya scanantaybat te acuxlejale.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

1 Corintios 10:9

Soc ma me xquilbeytic yo'tan te Cajwaltique, jich te bit'il ay la yil-o'tantayique, jich lajic ta ti'el ta chan yu'un.

Amós 9:12

swenta yu'un te bila jilem yu'un Edom soc spisil te nacionetic te ay ta jwenta ta neelale, ja' ni me ya x'och yu'unin te Israele —xi'. Te Cajwaltic la yal te sc'ope, soc ya xc'ot ta pasel yu'un.

1 Corintios 10:4

Soc spisilic la yuch'ic te ja' yu'un te Diose, melel la yuch'ic te ja' loc' tel ta ton yu'un te Diose, joinbilic ta beel yu'un. In te tone, ja' ix te Cristoe.

Romanos 8:23

Soc ma stuqueluc nax te yac ta woclajele. Jichotic uuc yacotic ta woclajel manchuc teme quic'ojtiquix te Espiritue, te ja' sbabial seña te jayeb bi ya yac'botic ta spisil te Diose. Jich bayal ayotic ta ajc'an jpisiltic te bit'il yacotic ta smaliyel te bi ora yal-snich'an Dios ya xc'ootique. Tey me ya xcolotic soc a te jbaq'uetaltique.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

Jeremías 14:9

¿Bi yu'un jichat te bit'il jtul winic te jajch'ix xiwel ta yo'tane? ¿Bi yu'un jichat te bit'il jtul soldado te ma xju' yu'un coltaywaneje? Ja'uc me to, Cajwal, ayat ta coliltic; spisilic ya sna'ic te jo'otic lumotic awu'une. Ma me xapijt'esotic —xiic.

Isaías 47:4

Te J'ac'wanej ta libre cu'untique, ja' te Ch'ul Dios yu'un Israel, te sbiile: “Ajwalil te Spisil ya xju' yu'une”, jich ya yal:

Salmos 34:7

Te ch'ul abat yu'un Cajwaltic ya scanantay soc ya scoltay te mach'atic ya yich'ic ta muc' te Cajwaltique.

Salmos 34:2

Te jo'one toyem q'uinal ya caiy yu'un te Cajwale; te ja'ex te peq'uelexe, aiya awaiyic stojol, binuc nax me awo'tanic yu'un.

2 Crónicas 7:14

jich te lum cu'un te yich'ojbon te jbiile, teme ya xbic'taj, soc teme ya sc'oponon, soc teme ya xtal ta jtojol, soc teme ya yijq'uitay spasel te amen yat'ele, ya me caiybey sc'opic c'alal ta ch'ulchan, ya me jpasbey perdón yu'un te smulique, soc ya me cac' utsubuc xan te slumalique.

Deuteronomio 33:17

Buen t'ujbil, pajal soc sba snich'an toro, bayal me yip jichuc ja'mal wacax; ya me sluch ta xulub spisil lumetic, ya me xbajt' c'alal ta sti'il te q'uinale. Jich me te mero bayal lum Efraín. Jich me te mero tsobol lum Manasés —xi'.

Deuteronomio 28:10

Jich ta spisil te lumetic ta q'uinal ya me yilic te ja' yu'unat te Cajwaltique. Ya me xtal xiwel ta yo'tanic yu'un.

Números 1:46

loc' oxeb sbuluchwinic xcha'bajc' ta jmil soc lajuneb swaxacwinic xcha'bajc' (603,550) ta spisil.

Éxodo 1:7

Ja'uc me to, bayal esmajic te israeletique, c'axem to xan esmajic ta jyalel, mero bayal yipic a c'ot. Noj yu'unic te sq'uinal Egipto.

Génesis 32:28

La yal te winique: —Ma jichuquix abiil te Jacob, Israel abiil ya xc'otix, yu'un la atsal aba soc Dios soc winiquetic, soc ju'ix awu'un —xi' sc'oplal yu'un.

Génesis 22:11

Ja'uc me to, c'opoj te ch'ul abat yu'un te Cajwaltic ta ch'ulchan: —¡Abraham! ¡Abraham! —xi' sc'oplal. La sjac' te Abraham: —Li' ayon to, Cajwal —xi'.

Génesis 22:15

Te Abraham cha'c'oponot xan yu'un te ch'ul abat yu'un te Cajwaltic c'alal ta ch'ulchan.

Génesis 46:3

Albot yu'un te Diose: —Jo'on Dioson, Dioson yu'un te atate. Ma me x'axi' te ya xcoat bael ta Egipto, yu'un ya me cac' esmajan tey a, bayal me ta jmil ats'umbal ya xc'ot.

2 Samuel 4:9

Jac'botic yu'un David: —Ya calbeyex ta jamal ta stojol te Cajwaltic, te ja' la scoltayon te bitic c'ux obol jba yu'un a.

Jeremías 15:21

Ya cac'at ta libre yu'un yipic te mach'atic amen yo'tanique; ya jcoltayat yu'un yipic te mach'atic bayal ya yuts'inate —xi'.

1 Reyes 1:29

Te muc' ajwalil jich jc'axel la yal ta jamal: —Jc'axel ya cal ta jamal ta stojol te Cajwaltic, ja' te scoltayejon loq'uel ta spisil jwocole.

Salmos 34:8

Pasaic prueba te Cajwaltic, soc ilawilic te ja' mero lec stuquel. Bin nax yutsil te mach'a ya smuc'ulin yo'tane.