Génesis 48:15 - Bible in Tzeltal de Oxchuc y Tenejapa

¹⁵ Jich te mamal Israel la sc'anbey bendición ta stojol José: —Te Dios te jun yo'tan la xch'uunic te jmam Abraham soc te jtat Isaac, ja' te Dios te scanantayejon c'alal ora yo'tic,

Bible in Tzeltal Bachajón

¹⁵ La ya'be bendición te José, hich la yal: Te Dios, te ha ta stojol behenic te Abraham soc Isaac te tatiletic cu'un, ha te Dios te scanantayejon ta spisil jcuxlejal ha to c'alal ora,

Génesis 48:15 Referans Kwoze

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Colosenses 2:6

Jich yu'un, te bit'il la ach'uuniquix te Cajwaltic Jesucristoe, ya sc'an te jich ya xcuxinex ta stojole.

Hebreos 11:21

Ta swenta xch'uunjel yo'tan te Jacobe, te c'alal ya xlajix a, la yac'bey yich' bendición ta juju-jtul te snich'nab José, soc la snijan sba ta sjol snabate' ta sc'oponel te Diose.

2 Corintios 1:12

Ay bila te ya xjachbotic sbujts' co'tantic, ja' ya yalbotic ta co'tantic te lec cac'oj jbajtic ta melel li' ta balumilal to, c'axem to xan ta atojolic te ja'exe. Ja' in to ma ja'uc nax ta swenta te jp'ijiltique, melel ja' te Diose ta swenta yutsil yo'tan te jich yac'oj cuxinucotique.

1 Corintios 10:31

Jich yu'un ya calbeyex: Spisil te bila ya atuuntesic, soc te bila ya awuch'ique, soc spisil te bila ya apasique, ja'uc me lec sc'oplal ya xc'ot awu'unic a te Diose.

San Lucas 1:6

Ta xchebalic lec yat'elic ta stojol te Diose, soc xch'uunejbeyic spisil smandal te Cajwaltique. Ma xwejt' ta leel te smulique.

Jeremías 8:2

Limil me ta lum ya xjilic ta sit te c'aal, te u soc spisil te eq'uetic te c'ux la yaiyic ta yo'tanique, te la yac' sbaic ta abatinel yu'unic, te la xch'uunique, te ay bila la sjojc'obeyic soc te la squejan sbaic ta stojolique. Ma'yuquix mach'a ya stambeyic sbaquelic te ya xcha'mucbeyic xane. Ya me xjilic ta sba lumq'uinal jich bit'il stsa' chambalam.

Isaías 33:16

ja' me ya xcuxin ta melel stuquel. Ay me yanjib ta tulanil tonetic c'oem, xujt' ma me xch'ay swe'el soc te ja' ya yuch', ma me ayuc falta yu'un.

Isaías 30:21

Teme ya xjowejat bael ta wa'el o ta q'uexen, ya me awaiy c'op ta apat, jich me ya yalbat: “Tey ay te be, beenanic”, xi' me.

Eclesiastés 6:7

Te ants-winique puro at'el nax ay yu'un ya sta swe'el, pero ma'yuc bi ora ya xnoj xch'ujt' yu'un.

Eclesiastés 5:18

Te jo'one la jta ta na'el te bila lec ya sc'an pasel soc te bi mero t'ujbile: Ja' te we'el-uch'ele, soc te ya jc'ases co'tantic ta stuuntesel te sit te cat'eltique, te c'ax bayal jwocoltic ta at'el yu'un te jayeb nax c'aal la yac' cuxinucotic ta balumilal te Diose. Ja' nax cu'untic abi.

Eclesiastés 5:12

Te mach'a ya x'at'eje, manchuc me bayal ya xwe' o ma'yuc bayal ya xwe', pero jun me yo'tan ya xway spisil ora stuquel. Yan stuquel te jc'uleje, ma x'ac'ot ta wayel yu'un stuquel te sc'ulejale.

Salmos 37:3

Ja' me ac'a smuc'ulin awo'tan te Cajwaltic, ja' me xapas te bila leque; ainan ta q'uinal soc junuc me awo'tan ta stojol.

Salmos 23:1

Te Cajwale ja' pastor cu'un; ma'yuc bi ya spasbon falta.

Salmos 16:8

Spisil ora ay ta jtojol te Cajwale; ta swenta te bit'il ayon ta swa'el sc'ab, ma'yuc bila ya xju' syaleson.

1 Reyes 3:6

La sjac' te Salomón: —Ja'at bayal la ac'uxtay te anima jtate, ja' te awabat David, ta swenta te bi yilel been ta atojole, ja' te jun yo'tan ain ta atojol soc te la spas te bila toj ta pasele, soc te toj yo'tan la yac' sba ta atojole. Ja' yu'un bayal la ac'uxtay, soc la sc'an awo'tan te jtul snich'an la awac' najc'ajuc ta smuc'ul nactijibe, jich te bit'il c'otix ta pasele.

Deuteronomio 33:1

Te c'alal nopol ya xlajix a te Moisés, ja' te swinic Dios, la yalbey yutsil sc'oplal te israeletic,

Génesis 49:28

Jich sc'oplalic te lajchaychajp israeletic. Jich ay sc'oplalic yu'un static te c'alal c'anbot bendición ta stojolic yu'une, chican te bila bendición la sc'anbey ta stojol juju-jtul.

Génesis 49:24

Ja'uc me to, ma ba ya xlaj yip te sc'ab, soc ma ba ya xlaj yip te st'ime, wocol la yal Dios te Spisil ya xju' yu'une, ja' te Dios cu'une, wocol la yal Dios te jcanantaywanej cu'un, te ya scanantayon jo'on te Israelon soc te jts'umbale.

Génesis 48:16

ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

Génesis 28:22

Soc te ton te la jtejc'anixe, ja' sna Dios ya xc'ot cu'un. Soc spisil te bila ya yac'bon te Diose, ya me cac'bey jun ta slajunebal smajt'anin”, xi'.

Génesis 28:20

Jich la yal ta jamal te Jacob: “Teme yu'un ya sjoinon te Diose, soc teme ya scanantayon ta bay ya xboon, soc teme ya yac'bon jwe'el, jc'u'-jpac',

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 27:4

Pasbon me buen bujts'an ti'bal jti', jich nix bit'il ya smulan co'tan. Ich'bon tel jwe'elin, jich me ya jc'anbat jilel bendición te bit'il ma to xlajone —la yut.

Génesis 24:20

Ora ba scojc'anbey ta yuch'oja' chambalam, animal ba slic tel yan ta pozo. La yich'bey tel ja' yuch'ic spisil te scamelloe.

Génesis 6:9

Ja' sc'oplal te Noé. Toj yo'tan te Noé, spisil ora la xch'uunbey smandal te Diose. Ta spisil mach'atic ayic ta q'uinal, ja' nax lec yo'tan stuquel; ya spasbey sc'anjel yo'tan Dios ta spisil ora.

1 Tesalonicenses 2:12

La calbeyex te toj nax ya awac' abaic ta q'uinal jich te bit'il ya sc'an te Diose te la yiq'uex ochel ta ba ay ta ajwalinel te Dios soc te yutsilale.

Éxodo 3:16

Baan, tsoba te mamaletic ich'bilic ta muc' yu'un te alumal, albeya yaiyic: “Te Cajwaltic Dios yu'un te antiguo jme'-jtatique, te Dios yu'un Abraham, Isaac soc Jacob, la yac' sba ta ilel ta jtojol. La yalbon te stsacojbeyexix te ac'opique. Yiloj lajix te bila ya spasbeyex te egipcioetique.

Éxodo 4:5

La yal te Diose: —Ja' me tey ya xch'uunic a te yac'ojix sba ta ilel te Ajwalil ta atojole, ja' te Dios yu'un te antiguo ame'-atatique, te Dios yu'un Abraham, Isaac soc Jacob.

1 Crónicas 5:1

Te snich'nab Rubén, te sba snich'an Israel, ja'ic te Hanoc, Falú, Hezrón soc Carmi. Te Rubén, ja' te mero banquilale; ja'uc me to, ch'ay te bendición ta swenta banquilal ta scaj te jelaw c'alal way soc yinam te state. Jich yu'un te bendición c'ax ta swenta snich'nab te José te yan snich'an Israel. Pero ta patil cajal yip c'ot Judá yu'un a te yermanotaque. Tey chicnaj jtul jmandalteswanej ta swenta, pero te bendición yu'un te ba banquilal ja' ay ta swenta José stuquel.

Génesis 24:40

La yalbon: “Te Dios te jun co'tan ayon ta stojole, ya me sneeltes bael ch'ul abat yu'un ta atojol, ya me stojtesat bael. Tey me ya xc'o alebon yinam a te jnich'an ta bay quermanotac ta sna te jtate.

Génesis 27:27

Jich tal te Jacob, la sbujts'iy te state. Te Isaac la yaiybey yic' te sc'u'-spaq'ue, jich la sc'anbey bendición: —Ja' yic' ya caiy te jnich'ane. Jich yic' ya caiy te bit'il awalts'unubil te ac'bil bendición yu'un te Cajwaltique.

Génesis 35:3

Jajch'ucotic ta beel ta ora, conic ta Betel. Tey me ya xc'o jpasbey scajtijib ta chiq'uel smajt'an Dios a te bit'il la scoltayon c'alal ayon ta wocole, soc la sjoinon te bayuc beenone —xi'.

Génesis 49:22

“Te José, jich c'oem te bit'il te' ts'unul ta ti'ja' te ya yac' bayal site, te sc'abc'abe ya me xloc' bael ta pat ts'ajc'.