Génesis 48:12 - Bible in Tzeltal de Oxchuc y Tenejapa

¹² Te José la sjits loq'uel te snich'nab ta bay sjol yacan te state. La stinan sba coel c'alal ta lum ta stojol te state.

Bible in Tzeltal Bachajón

¹² Ha yu'un te José la sjits loq'uel te snich'nab ta sjol yacan te stat, la squejan sba.

Génesis 48:12 Referans Kwoze

Génesis 42:6

Te José swentainej spamal sq'uinal Egipto, soc swentainej xchonbeyel trigo spisil mach'a te bayuc ya xtalique. C'otic te sbanquiltac José, la spajc'an sbaic ta stojol c'alal ta lum.

Efesios 6:1

Alnich'anetic, ch'uunbeya smandal te ame'-atatic te bit'il ach'uunejic te Cajwaltique, te melel ja' stojil te jich ya apasique.

Proverbios 31:28

Te smamlale soc te yalatac ya yalbeyic yutsil sc'oplal, jich ya yalbeyic:

2 Reyes 4:37

Te ants noptsaj tel, la stinan sba coel c'alal lum ta stojol te Eliseo. Patil la stsac te yale, loc' bael ta cuarto.

1 Reyes 2:19

Jich te Betsabé ba sc'opon te muc' ajwalil Salomón ta swenta te Adonías. Te muc' ajwalil la stejc'an sba, la yic' ta stojol, soc la stinan sba swenta yich'el ta muc' te sme'e. Patil cha'sujt' xan bael ta naclej ta smuc'ul nactijib. La yal mandal ta ich'el tel muc'ul silla yu'un snactijib te sme'e. Jich la yac' sba ta naclej ta swa'el te muc' ajwalile.

Levítico 19:32

“Ya me atejc'an aba soc ich'a ta muc' te mach'a me'el-mamale; jo'on ni me la awich'on ta muc' c'oem a te Dioson awu'une. Jo'on te Ajwalilone.

Levítico 19:3

“Ta juju-jtulex ich'aic ta muc' te atatic, soc ich'aic ta muc' te ame'ique. “Ya me awich'bonic ta muc' te sc'aalelal cux-o'tan. Jo'on Ajwalilon, Dioson awu'unic.

Éxodo 34:8

Te Moisés ora nax la spajc'an sba coel c'alal ta lum, la yalbey wocol te Cajwaltique.

Éxodo 20:12

“Ich'a ta muc' te ame'-atate, swenta yu'un ya me xnajt'aj acuxlejal ta aq'uinal te ya cac'bat te Ajwalilon te Dioson awu'une.

Génesis 33:3

Jich te Jacob neelaj bael, la stinan sba c'alal ta lum juqueb buelta, la spajc'an sba c'alal ta lum, ja' to c'ot ta mero stojol te sbanquile.

Génesis 23:7

Jich yu'un te Abraham la stejc'an sba jajch'el, la stinan sba ta yalel wocol ta stojol te mach'atic nainemic tey a, ja' te sts'umbal Het.

Génesis 19:1

Yaquix ta ijc'ubel q'uinal a te c'otic ta lum Sodoma te cheb ch'ul abatetique. Te Lot nacal ta yochibal ts'ajc' yu'un te Sodoma, ja' yawil ta bay c'aem ta stsobel sbaic te yajwal lume. C'alal te Lot la yilbey sitic, jajch' bael, la stinan sba coel c'alal ta lum, la sc'opon,

Génesis 18:2

La stoy sit, la yil oxtul winiquetic teq'uelic ta stojol. C'alal la yilbey sitic, la yic' tel ta ora. Animal ba sc'opon, la stinan sba coel c'alal ta lum.

Génesis 48:11

Soc la yalbey te José: —La cal te ma ba ya quilbat asit; ja'uc me to, Dios la yac'bon quilbat xan asit, soc la yac'bon quilbey sit te cheb anich'nabe —xi'.

Génesis 48:13

Te José la yic' xan bael te cheb snich'nabe, la snit bael ta swa'el sc'ab te Efraín, c'o stejc'anbey ta bay xq'uexen sc'ab te mamal Israel. Ta xq'uexen sc'ab la snit bael te Manasés, la stejc'anbey ta swa'el sc'ab te mamal Israele. Xchebal la stejc'anbey ta stojol.