Génesis 48:10 - Bible in Tzeltal de Oxchuc y Tenejapa

¹⁰ Te mamal Israel bolobenix sit te bit'il mamalixe, ma ba mero ya yilix te q'uinale. Jich yu'un te José la stejc'an te snich'nab ta sts'eel te state. Te mamal Israel la smey te queremetic, soc la sbujts'iy.

Bible in Tzeltal Bachajón

¹⁰ Te Israel ma ba lequix sit ta scaj te mamalix, ma ba la yilix q'uinal. Hich te José la yac' nohpojuc tal ta stojol, te Israel la yuts'ulan soc la smech'ticlan.

Génesis 48:10 Referans Kwoze

Génesis 27:27

Jich tal te Jacob, la sbujts'iy te state. Te Isaac la yaiybey yic' te sc'u'-spaq'ue, jich la sc'anbey bendición: —Ja' yic' ya caiy te jnich'ane. Jich yic' ya caiy te bit'il awalts'unubil te ac'bil bendición yu'un te Cajwaltique.

Génesis 27:1

Te Isaac mamalix ta lec a, ma xyilix q'uinal yu'un bolobenix te site. Ta yorail la sticun ta iq'uel snich'an, ja' te Esaú te banquilale, la yalbey: —Jnich'an —xi'. —¿Bila, jtat? —xi' te Esaú.

Isaías 59:1

Te yu'el te Cajwaltic ma ba pejc'ajem te ma xju' yu'un coltaywaneje; ma yu'unuc macal xchiquin te Cajwaltique te ma xyaiy stojol c'ope.

Isaías 6:10

Tulantesbeya yo'tan te lume; macbeya xchiquinic, soc macbeya sitic, swenta yu'un ma me xyilic, ni ma me xyaiyic stojol c'op, ni ma me xc'ot ta yo'tanic, swenta yu'un ma me sujt'ic xan ta jtojol, jich ma ba ya jlamantesbey xchamelic —xi' te Cajwaltique.

1 Reyes 19:20

Te Eliseo ora la yijq'uitay te wacaxetic, bajt' ta animal ta spat Elías, jich c'o yalbey: —Ac'awon bael ta bujts'iyel swenta spatil yo'tan te jme'-jtat te ya xjile, patil ya me jt'unat —xi'. La sjac' te Elías: —Ya xju' ya xbaat, pero na'a me te bi la jpasbate —xi'.

1 Samuel 4:15

Te Elí ayix waxaclajuneb yo'winic (98) ya'wilal a, mero ma xyilix q'uinal.

1 Samuel 3:2

Jun buelta te Elí ay ta wayel te banti nainem. Staojix yorail a te ya xjajch' ta bolobel sit, ma ba ya yilix q'uinal ta lec.

Génesis 45:15

Te José la sbujts'iy spisil te sbanquiltac soc la yoq'uetay. Patil te banquilaletic ju' yu'unic ya xc'opojic soc te José.

Génesis 31:55

Sacub q'uinal, jajch' te Labán, la sbujts'iy jilel te yantsil-nich'nab soc te smamataque, la sc'anbey bendición ta stojolic. Jich bajt' te Labán, sujt' bael ta slumal.

Génesis 48:8

Te mamal Israel la yil tey a te cheb snich'nab te José, la yalbey: —¿Mach'a a in queremetic to? —xi'.

Génesis 48:11

Soc la yalbey te José: —La cal te ma ba ya quilbat asit; ja'uc me to, Dios la yac'bon quilbat xan asit, soc la yac'bon quilbey sit te cheb anich'nabe —xi'.

Deuteronomio 34:7

Wacwinic (120) ya'wilal a te laj te Moisés, ma ba bolob sit, buen lec sit soc tulan winic a te laje.

Eclesiastés 12:3

Ya xc'ot yorail te ya xjajch'ic ta nijq'uel te ac'abe, soc ya xlaj yip te awacane. Ya xc'ot yorail te wocol ya xwe'at yu'un ma'yuquix sbaq'uel te awee; soc ma xchicnajix q'uinal yu'un boloben te asite.