Génesis 47:9 - Bible in Tzeltal de Oxchuc y Tenejapa

⁹ La sjac' te Jacob: —Lajunebix sjucwinic (130) ja'wil te cuxulon tel ta q'uinal. Ma to bayaluc ja'wil cuxulon, soc ay jwocol te sjayebalix ja'wil cuxulon tele. Ma to sta jich ca'wilal te bit'il cuxinic ta q'uinal te jme'-jtate —xi'.

Bible in Tzeltal Bachajón

⁹ Te Jacob hich la sjac'be sc'op te faraón: Te jayeb ha'bil behenon ta q'uinal ha lajuneb shucwinic (130) ha'bil. Com soc wocol te jayeb ha'bil cuxulon, ma la jta hich te jayeb ya'bilalic behenic ta q'uinal te jme'jtate, xchi.

Génesis 47:9 Referans Kwoze

Salmos 39:12

“Cajwal, aiybon te jc'ope, aiybon te coq'uele. Ma me yacuc nax awilbon te ya'lel jsite, Cajwal. Te jo'one jyanlumon ta atojol, jichon te bit'il jbeom ja'mal mut, jich nix bit'il c'axic te anima jme'-jtate.

Génesis 35:28

Te Isaac balunwinic (180) ya'wilal a te laje.

Salmos 39:5

Mero com te jcuxlejal awac'ojbone; mero jxujt' c'oem ta atojol te jcuxlejale. Melel spisil ants-winiquetic jich nax c'oem xcuxlejalic te bit'il jic'-o'tanile.

Job 14:1

“Te winic ayinem ta swenta antse, mero com te xcuxlejale, soc bayal wocol ya xtal ta stojol.

Josué 24:29

Ta patil laj te Josué, te snich'an Nun, yabat te Cajwaltique, ay lajuneb swacwinic (110) ya'wilal.

Deuteronomio 34:7

Wacwinic (120) ya'wilal a te laj te Moisés, ma ba bolob sit, buen lec sit soc tulan winic a te laje.

Éxodo 7:7

Te Moisés ayix chanwinic (80) ya'wilal a, yan te Aarón oxeb yo'winic (83) ya'wilal stuquel a te c'alal la sc'oponic te faraone.

Éxodo 6:4

La jpas trato soc, ja' te ya cac'bey sq'uinalinic te sq'uinal Canaán. Ja' nix te q'uinal te banti c'axic tel ta neelale.

Génesis 50:26

Lajuneb swacwinic (110) ya'wilal a te laj te José. La yich' poxtayel te sbaq'uetal swenta yu'un ma xc'a', soc la yich' aq'uel ochel ta cajón ta Egipto.

1 Pedro 2:11

Quermanotac te c'uxex ta co'tane, ya calbeyex wocol, te jich c'oemex te bit'il jyanlum te beomal nax ayex li'to ta balumilale, ac'a jiluc awu'unic te bila mulanbil ta pasel yu'un te abaq'uetalique te ja' scontro te ach'ulelique.

Santiago 4:14

Ja'uc me to, ma x'ana'ic stojol te bila ya xc'ot ta pasel te pajele. ¿Jal bal c'aal ya awaiyic te ya xcuxinexe? Melel te jcuxlejaltique jich c'oem te bit'il sjab lumq'uinal te ajc' nax ya xchicnaj soc ya xch'ay bael ta orae.

Salmos 119:54

Te mandaliletic awu'un ja' c'ayojetic cu'un ta lumq'uinal ta bay c'axel nax ayone.

Salmos 119:19

Jo'on jyanlumon ta q'uinal; ma me xanac' ta jtojol te mandaliletic awu'une.

Génesis 47:28

Te mamal Jacob juclajuneb ja'wil cuxin xan ta Egipto. Te jayeb ja'wil ta spisil te cuxin te Jacob, juqueb swaxacwinic (147) ja'wil.

Génesis 11:11

Jo'winic xcha'bajc' (500) ja'wil cuxin xan te Sem c'alal ayinemix a te Arfaxad, soc ay yantic snich'nab, queremetic soc ach'ixetic.

Hebreos 13:14

Melel te bit'il ayotic ta balumilale, ma'yuc muc'ul lum cu'untic li'to te sbajt'el q'uinal aye. Ja' yacotic ta sleel te muc'ul lum te ya xchicnaj ta patile.

1 Crónicas 29:15

Jich c'oemotic ta atojol te bit'il jyanlum te c'axel nax aye, jich c'oemic tel spisil te antiguo jme'-jtatique. Te jcuxlejaltic tey ta sba balumilal, jich nax c'oem te bit'il axinal, mero ma'yuc bi ayotic ta smaliyel.

Génesis 5:27

Ta spisil baluneb sbalunwinic yoxbajc' (969) ja'wil cuxin te Matusalén, laj bael.

2 Corintios 5:6

Jich yu'un ay smuc'ul co'tantic spisil ora. Melel jna'ojtic stojol te ma ba ayotic ta mero jnatic te jayeb xan c'aal jnainejtic in jbaq'uetaltic to, yu'un ma to ayucotic ta bay te Cajwaltique.

Génesis 47:8

Te faraón la sjojc'obey te Jacob: —¿Jayebix awa'wilal? —la yut.

Salmos 39:13

Ijq'uitayawon jilel, ac'bon xan quich' ic', c'alal ma to xlajon, soc c'alal ma to xch'ayon bael ta q'uinal”, xoon ta stojol te Cajwale.