Génesis 47:4 - Bible in Tzeltal de Oxchuc y Tenejapa

⁴ Ja' talemotic yu'un te bit'il ya jc'antic xnainotic ta aq'uinal, yu'un bayal wi'nal ta sq'uinal Canaán soc ma'yuc swe'el te jchijtique. Jich yu'un ya caltic bayal wocol ta atojol te yacuc awac'botic permiso te ya xnainotic ta Gosén —xiic ta stojol faraón.

Bible in Tzeltal Bachajón

⁴ Soc hich la yalbeyic xan te faraón: Talemotcotic yu'un ya jc'an ya xnahinotcotic ta q'uinal li'i, yu'un mayuc swe'el te stuminchijic te a'batetic awu'un, como ay bayel wi'nal ta sq'uinal Canaán. Ha yu'un ya calbatcotic bayel wocol te yacuc awac' xnahinic ta Gosén te a'batetic awu'un, xchihic.

Génesis 47:4 Referans Kwoze

Génesis 46:34

ya me awalbeyic: “Te jo'otique ja' cat'elinejtic xch'ijtesel chambalametic ta calaliltic to soc jme'-jtatic”, ya me awutic, swenta yu'un ja' me ya yac'beyex aq'uinalinic te Gosén, melel te egipcioetique ma slac' sbaic soc te jcanan-chijetique —xi' te José.

Deuteronomio 26:5

Te ja'ate jich me ya awal ta stojol te Cajwaltique: “Te antiguo jme'-jtate ch'in jtsojp arameoetic te puro ta beel beel ayic, te coic bael ta Egipto, tey jilic ta nainel a. Patil c'atp'ujic ta jun muc'ul nación, mero tsobolic soc bayal yipic.

Génesis 15:13

Jich te Cajwaltic la yalbey: —Na'a me stojol te bit'il ya xc'ax bael ats'umbal ta bay ma slumaluc, soc ya me x'och ta mozoil, soc ya me x'och ta woclajel jbajc' (400) ja'wil.

Génesis 43:1

Toy xan te wi'nal ta banti ayique.

Hechos 7:11

“Ja'uc me to, tal wi'nal ta spamal sq'uinal Egipto soc ta sq'uinal Canaán. Ay bayal swocolic yu'un. Jich ma la sta swe'elic te antiguo tatiletic cu'untique.

Salmos 105:23

Patil tal Israel ja' nix te Jacob sbiile; nain ta Egipto te ma slumaluc, nain ta sq'uinal Cam.

Hechos 7:6

Soc jich albot yu'un Dios: Te sts'umbale, “jyanlum”, xi' sc'oplal ya xc'ot ta banti yanlum q'uinal. Soc te bit'il ya x'ochic ta mosoinel soc te ya xc'ax swocolic ta uts'inel jbajc' (400) ja'wil tey a.

Isaías 52:4

Ta xjajch'ibal te lum cu'un bajt' ta Egipto, jich cuxinic tey a te bit'il jyanlum. Ta patil te Asiria la stojol-tenbon ta uts'inel.

Génesis 12:10

Ay bayal wi'nal tey a, jich te Abram bajt' ta Egipto. Yo'tan c'an nainuc jun chebuc ja'wil tey a, yu'un ay bayal wi'nal ta q'uinal te bay naineme.

Génesis 47:5

Jich yu'un te faraón la yalbey te José: —Te bit'il talem te atat soc te abanquiltaque,

Génesis 45:10

Ya xju' ya xnainat ta sq'uinal Egipto ta Gosén, nopol ay ta ba ayon, ja'at soc anich'nab soc amamatac, soc achambalamic, soc spisil mach'atic ay awu'unic.