Génesis 47:25 - Bible in Tzeltal de Oxchuc y Tenejapa

²⁵ La sjaq'uic te lume: —Lec ay, bin nax yutsil awo'tan cu'untic, melel la awac' cuxinucotic. Jun co'tanic ya x'ochotic ta mozoil yu'un faraón —xiic.

Bible in Tzeltal Bachajón

²⁵ Hich la sjaq'uic te ants-winiquetic: Ha'at la awac' cuxajucotic. Lecucotic me ta sit cajwaltic, a'batotcotiquix yu'un faraón ya xc'ohotcotic, xchihic.

Génesis 47:25 Referans Kwoze

Génesis 33:15

La yal te Esaú: —Ja' lec ya cac'bat ajoin oliluc te jwinictaque —la yut. Ja'uc me to, la sjac' te Jacob: —Manchuc, bistuc awu'un. Wocol la awal yu'un —xi'.

Rut 2:13

La sjac' te Rut: —Tatic, bayal yutsil awo'tan ta jtojol, ya xmuc'ub q'uinal ya caiy yu'un te ac'ope. Lamal nax ya caiy te ac'ope, manchuc me ma abatucon awu'un —xi'.

Génesis 50:20

Te bit'il ma lecuc te bila la apasbonique; ja'uc me to, lec c'ot yu'un stuquel te Diose, swenta yu'un jich me wejt' bit'il ya xcuxin tsobol ants-winiquetic a.

Génesis 41:45

Te faraón la yac'bey yan sbiil te José: Zafnat-panea xi' ta egipcio-c'op. Soc la yac'bey yinam, ja' te Asenat sbiil te yantsil-nich'an te Potifera, te yich'oj yat'el ta sacerdoteil yu'un lum On. Jich a och ta swenta José spamal sq'uinal Egipto.

Génesis 18:3

Jich la yal: —Tatic, teme lecon ta ilel ya awile, wocoluc, ma me xc'axat bael ta stojol te awabate.

Génesis 6:19

Spisil bitic cuxajtic, che'cheb me ya awic' ochel ta barco juju-jchajp, stat soc sme', swenta yu'un pajal ya xcuxinat soc.

Génesis 47:24

Te jayeb sit ya yac' te awawal, jun me ya awac'bey faraón ta yo'ebal. Te chaneb ya awich'ic jilele, swenta yu'un ya me ats'unic, soc ya me amac'lin abaic a, soc mach'a jayeb ay awu'unic ta anaic soc awal-anich'nab —xi' sc'oplalic.

Génesis 47:26

Jich jajch' ta pasel te mandalil yu'un José ta spamal Egipto te ya yac'bey faraón te jun ta yo'ebal te bila ya sloq'uesique. Ma ba ch'ayem sc'oplal te mandalil c'alal ora yo'tic. Ja' nax ta sq'uinal sacerdoteetic te ma jichuc c'ot ta pasele, te melel ma yu'unuc faraón te sq'uinalique.

Génesis 32:6

Sujt'ic tel te abatetic ticunotic bael yu'un te Jacob, jul yalbeyic: —La jc'opontiquix te abanquil Esaú, jich yu'un ya xtal staatix ta be, ya laj sjoin tel jbajc' ta jtul swinictac —xiic julel.